Добро пожаловать на сайт газеты to Северная панорама   Click to listen highlighted text! Добро пожаловать на сайт газеты to Северная панорама
Нажмите "Enter", чтобы перейти к контенту

Кылыд Венрияӧ нуӧдас

Last updated on 28 февраля, 2020

Василий Епанов восьтiс миян став секретсӧ мӧд муын велӧдчӧм помлась

Василий Епанов – том коми-пермяк Кудымкарысь. Пырис 2018 воын велӧдчыны коми-зыряна кыы филология кафедра вылӧ Сыктывкарын, а тон велӧдчӧ Венгрияын.
Решитчыны мунны велӧдчыны рубеж сайӧ абу кокни. ӧтик делӧ, кор ми ветлам сэтчӧ кык вежолун кежӧ шойччыны, а мӧд – лоны мӧд муын олысьӧн, кытӧн мӧдпӧлӧс культура да менталитет. Нэшта на быд лун колӧ велӧдчӧм кузя керкаын рэбита карны. Но юрад миме локтӧ мӧвп, мый олӧмыд оз ло важкойд и тайӧ сетас зэй ыжыд опыт.
«Ме волi Венгрияӧ колян во гожся университетӧ и сэк нин вӧлi кӧсйӧм велӧдчыны Венгрияын», – юксе Василий, – «ӧнi велӧдча Будапештын Баллаши институтын «Hungarian Language and Hungarian Studies» направление вылын, сы помлась ме тӧдмалi удмурт ёртсянь, Софья Волковасянь, сыа тшӧтш велӧдчӧ Венгрияын». Василийлы лэсялӧ велӧдны кыыяс, нравитчӧ фин-йӧгра культура. Венгръяс – финн-йӧгра войтыр и сыйӧн студент решитӧма велӧдчыны сэтӧн. «Документъяс чукартi некымын тэлысь, но позе и эдденджык. Экзамен из вӧ, ми гижим тест Вегр кыы тӧдӧм вылӧ да миянтӧ юкисныс группаяс вылӧ. Ме Венгр кыысӧ велӧдi неуна и сыйӧн сюри А1 (кыысӧ лёка тэдысьяс) группаӧ.
Сыктывкарын зон велӧдчӧ университетын коми да английскӧй кыыяс кузя велӧдысь вылӧ, а Венгрияын кучас велӧдчыны ӧтик во. Мэдӧма ӧтик времяӧ велӧдчыны и Сыктывкарын (дистанционно), и Будапештын, но сыдз кудз велӧдчӧм программаясыс зэй разнӧйӧсь коомис босьтны академическӧй отпуск.
«Менум татэн велӧдчыны лэсялӧ. Жаль токо, мый татэн ог велӧдӧ коми кыы. Миян мынтӧныс стипендия 45000 форинтов (10 сюрс дорӧ), ми дон босьтӧг олам общежитиеын, сетiсныс страховка, быдсяма скидкаяс студентъяслы татэн транспорт вылӧ да музейяс вылӧ. Ола и велӧдча ӧтик керкаын: жыръяс абу ыджыдӧсь – олӧм вылӧ ставыс выйим, общӧй кухня этаж вылын – чукартчӧ сэтӧн быдпӧлӧс войтыр, пусям асьнум. ӧтик пызан сайын ужнайтан полякъяскӧд, кореечьяскӧд, японечьяскӧд, индонезияысь да бразилияысь воӧма студентъяскӧд. Ме ола кык студенткӧд Турцияысь» – шуӧ Василий.
Велӧдчан группаыс Васялӧн абу ыжыд – квайт морт. Ставыс разнӧй канмуысь: Польшаысь, Казахстанысь,Украинаысь, Индияысь, Индонезияысь да Вася Россияысь. Ас костаныс сёрнитӧныс венгр, английскӧй да роч кылӧн. Эторни ӧтлаын кычеге ветлалӧныс.
«Медводдз семестрын велӧдам куш венгр кыы, выльлунсянь пекничаӧдз куим пара луннас. Став урокыс мунӧ венгр кыы вылын, гежда английскӧйӧн. Мӧд семестрын лоас на литература, история, география, обществознание, лингвистика, Венгрияын культурнӧй олӧм кузя урок и мукӧд. Став велӧдӧмыс нин лоас венгр кылӧн. Медводдз вӧлi сьӧкыд гӧгӧрвоны, но куим тэлысь мысьти ме нин бура верма сёрнитны абу сьӧкыд темаяс вылӧ» – висьталӧ коми зон.
Велӧдчӧм кындзи выйим на быдпӧлӧс мероприятие: видзӧдӧны венгерскӧй кино, лыддьысьӧм кузя ордьысьӧмъяс мунӧныс, ворсӧмъяс. Ветлалӧныс Будапешт дорса каръяссӧ, музейяссӧ, путешествуйтӧныс Европа кузя.
«Ме кора ставсӧ, кодлӧн выйим интерес венгр кыы дорӧ али Венгрияын велӧдчӧм дорӧ, миян университетӧ. Эстӧн зэй бур условиеяс» – шуӧ миян сёрни ёрт.
Ми кӧсъям Васялы бур велӧдчӧм да сыдз жэ водзӧ карны сыйӧ, мый локтӧ сьӧлӧм вылӧ.

Будьте первым, кто оставит комментарий!

Добавить комментарий

Ваш адрес email не будет опубликован. Обязательные поля помечены *

7 + 3 =

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!