Добро пожаловать на сайт газеты to Северная панорама   Click to listen highlighted text! Добро пожаловать на сайт газеты to Северная панорама
Нажмите "Enter", чтобы перейти к контенту

“Менам олӧм – коми сьыланкыв”

Last updated on 2 марта, 2020

Февраль медводдз лунӧ “Обдорянка” петкӧдлас асьсьыс став мичлунсӧ

Обдорянка – быд во аслас кыызысьлы да видзӧдысьлы петкӧдлӧ представленньӧ: сьылӧныс уна сьыланкыв да ворсӧныс спектакльяс. Быд карса праздник мичмӧдӧныс. И тэднин, аслас юбилейӧ бура и лэсьӧдчисныс – быд лун репетируйтчисныс пемыд рытӧдз. Став сьылысьлӧн тайӧ, сыдз шусяна, хобби – кӧрӧннӧй удж либӧ велӧдчӧм бӧрын локтӧныс округса национальнӧй культураяслӧн шӧринӧ, мед лэсьӧдны зрительлы мича петкӧдчӧм. Ныа ортсалӧныс видзны миян культуранумес фольклор, обычай да паметь пыр. Ыжыд юбилейнӧй концертас петкӧдласныс медча бурсӧ, мый вӧлi чукартӧма да карӧма комын вонас – зарни фондныссӧ. Лэсьӧдӧмась и выль сьыланкывъяс, кодъяссӧ ми иг на кыылылӧ. Петасныс этчӧдз Обдорянкакӧд сцена вылӧ округса национальнӧй культураяс шӧринлӧн артистъяс: «Яберена нумги» войвыы йӧктан чукар, «Забава» йӧзкостса йӧктысь ансамбль, «Мари кундэм» мари фольклорнӧй коллектив. Лорвожысь мунасныс чолӧмавны Восяховысь «Шондiбан» да выль сьылан коми группа «Мыжысаяс». Ок и гажа паныдалас 30 восӧ «Обдорянка»! Быд Обдоряночкалӧн аслас мог ветлыны тайӧ чукарӧ. Татьяна Власовна Гостюхина коли ӧтнас медводдз составсис да комын во чӧж нин радуйтӧ миянтӧ аслас мича гӧлӧснас. “Вайӧдiс менӧ татчӧ Анна Антоновна Мартемьянова, кодкӧд ми ӧтлаын рэбитiм округса музейын. Выйим некымын причина мыля ме ветла сьыыны комиӧн. ӧтик кӧ, тайӧ воласьӧм накӧд, код бура тӧдӧ менам дед- бабелысь кыы, культура да сьыланкывъяссӧ. Мӧд, быдпӧлӧс сьылӧм – тайӧ вдохновенньӧ лолыдлы. Бур репетиция да концерт бӧрын содӧ олӧм дорӧ интерес да вын. Ме сьыла, мед казьтыны менам Рочев, Вокуев да мӧд рӧдвужӧс, кодъяс олiсныс аслас культураӧн да берегитiсныс дед-баблысь традицияссӧ. Ме радейта ньӧж сьыланкывъяс, ныа зэй лэсялӧныс миян мича изьваса паськӧма статя аньяслы.” – юксе Татьяна Власовна.

Видзны да петкӧдлыны изьватас кыы да культура – Обдорянкалӧн медшӧр мог. Елобаева Валентина Ефимовна дас сизим ар нин сьылӧ Салехардса коми группаын и шуӧ, мый став сьыланкывйыс нуӧныс сыйӧ челядьдырйӧ: «Ми ные кылiм, кор сенокос бӧрын чукартчисныс керкаын народ да сьылiсныс, а миян, челядьяслы, пыр вӧлi дельнӧй та вылӧ видзӧдны». «Дас во нин ветла татчӧ, мыля мэда, мед менам лолӧ сьылiс» – шуӧ люмъялiгмоз Ендырева Ольга Константиновна. Дзолюкъяс, кӧрдорса ныыяс, сералiгтыр соглашатчӧныс Ольга Константиновнакӧд. Даша Терентьева, Маша да Лиза Витязевъяс велӧдчӧныс 3 да 4 классъясын. Медводдз классянь ветлӧныс сьыыны
Маръямольӧ – тӧдӧныс став сьыланкывъяссӧ и оз нин пооныс сценаысь
да йӧзысь: «Ми любитам выступайтны и миян лэсялӧ мича паськӧмнум». Юлия Терентьева – велӧдчӧ 11-ӧд классын и дас ӧтик во нин сьылӧ Ольга Вячеславовна дорын. Медводдзысь петiс сцена вылӧ квайт арын «Солнце на ладони» фестиваль дырйи. Юля быдмис настоящӧй артистӧ и сьылылӧ нин ӧтнас ыжыд сценаяс вылын, шуӧ, мый «Обдорянка» тайӧ топсе семья нин. Сылы зэй нравитчӧ сьыыны да мӧдӧ пуктыны асьсьыс пай Ямалса культура сӧвмӧмлы. Тӧднин, тайӧ ставыс босьтӧ уна вын да время. Диденко Вера Васильевна юксе, мый ветлӧ татчӧ дас вит во и быд сезон бӧрын шуӧ: «Нэшта ог мун», но коле
кад да гажтӧмсе ставсис и бара мунӧ. «Миян зэй бур коллектив – ставыс
ёртасям, менӧ пыр сэтчӧ кыске». «Обдорянкаӧ» быд во локтӧныс выль мортъяс – колян во воисныс Ксюша Хозяинова да Настя Витязева. Ныыяс того на вощеныс ассьыныс сьылан туйнысӧ, но быд репетицияӧн быдменыс и петкӧдлӧныс тайӧс сцена вылын. Дас во чӧж ме сьылi “Обдорянкаын” и сьӧлӧм типкӧ, кор ме тайӧ кад помлась казьтыла. Мый тайӧ менум сетiс? Аслам сьыланкыв культура пыр, а аслад пыр матынджык да да мелiджык, менӧ велӧдiсныс абу пооны сценаысь, кужны асьтӧ петкӧдлыны йӧз водзын да восьтыыны выль туйяс. Буретш
сэнi гӧгӧрвои, мый мэда ассюм олӧмӧс йитны коми культуракӧд да кыыкӧд. Ме иг гиж став йӧз помлась, кодъяс сьылiсныс и сьылӧныс «Обдорянкаын», но быд мортыс сэтысь – зэй енбияӧсь и сямаӧсь. Ставыс помлась позе и колӧ гижны отдельнӧй гижӧд. Ми сьӧлӧмсянь чолӧмалам нималана «Обдорянкаӧс» юбилейӧн да кӧсъям шудлун, кыпыдлун да радлун! Став сьӧлӧмсянь радейта!

Будьте первым, кто оставит комментарий!

Добавить комментарий

Ваш адрес email не будет опубликован. Обязательные поля помечены *

+ 31 = 32

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!