Добро пожаловать на сайт газеты to Северная панорама   Click to listen highlighted text! Добро пожаловать на сайт газеты to Северная панорама
Нажмите "Enter", чтобы перейти к контенту

«Нянь» кӧрт туйӧдз вайӧдас

Last updated on 11 апреля, 2020

Ларуков Модест Васильевич – куим тыш пыр мунысь морт

Ме мэда висьтооны аслам айӧ помлась. Рэдитчис Модест Ларуков Коми АССРса Одыб сиктын 1919 воын декаб 31 лунӧ. Быдмис ыджыд семьяын. Армияӧ босьтiсныс сые 1938 воын. Водзджык служитiс Кавказын кавалерияын, бэрвы участвуйтiс тышын Финляндиякӧд. Ставнас прӧйдитiс Айму доръян Ыджыд тышсӧ, мездiс Вена да Будапешт. Неуна кольлiс Берлинӧдз, но ранитчӧм серти 1945 воын апрель вылын сюри Австрияса госпитальӧ. Сы бӧрын сюрис Япониякӧд граница вылӧ.

Кузь кӧкъямыс ар менам айӧ дорйис Аймунумӧс. Тыш вылын сыа вӧлi и снайперӧн, и разведчикӧн, и кавалеристӧн. Тыш бӧрын вӧлi наградитӧма медальясӧн «За взятие Вены», «За взятие Будапешта», «За боевые заслуги», «За отвагу», «За победу над Германией в ВОВ 1941-1945 гг.», «За победу над Японией».

Ме, Анна Модестовна Балина, медыджыд айӧлӧн нылыс, зэй радейта сы
помлась висьтоолоны. Мэда зэй дельнӧй вӧлӧмторйӧн тiянкӧд юксьыны. Кор вощис Финляндиякӧд тыш, советскӧй разведчикъяс ветлалiсныс корсьны вӧрӧглысь туйяссӧ. Нинӧм из артмы, то вошалiсныс, то ные ылӧдлiсныс снайперъяс.

Воис ӧчередь мунны корсьысьны айӧлӧн группалы. Вит том морт, ставыс торъя национальносьта. Айӧ – коми, Семён – коми- пермяк, Ильдус – тотарин, Роман – украинеч, Василий – белорус. Орданыс босьтӧмась медколана лес, документъясныссӧ сетӧмась воин часьтас. Пуксемась вӧӧяс вылӧ да мунӧмась заданньӧ вылӧ. Войнас мунiныс ягса трӧпаяс кузя, зэй лӧня писькӧдчисныс водзӧ, мед ные из казёныс пуяс выыса снайперъяс. Луннас шойччисныс, а войнас бара петiсныс туйӧ.

Кык лун корсьысныс кӧрт туй станция, кытӧн вӧлiныс враглӧн боеприпасъясыс. Вӧӧяс мыдзисныс, солдатъяс кӧтасисныс, тшыгъялiсныс, а станцияссӧ из аддзыныс. Коймӧд сутки вылас разведчикъясыс тшукисныс вӧрас хутор вылӧ.

Айӧ Семёнкӧд решитiсныс тӧдмооны код сэтӧн олӧ. Вӧлi нин пемыд, но ӧтик керкаын ӧзйис би. Айӧ видзӧдлiс ӧшиняс. Керкаас пукалiсныс тарик да том бабарӧд. Солдатъяс татшкысисныс ӧшиняс. Кӧзяиныс петiс и кинас корис пырны керкаас. Тайӧ вӧлi финн семья. Керкаас вӧлi шоныд, дукалiс няньӧн. Челядь узисныс пач вылын.

Айӧ юасис рочӧн, тӧдӧ-ӧ тарикыс, кытӧн туйыс станция вылас. Но козяиныс из гӧгӧрво роч кыысӧ. Сыа вӧлi зэй поозьӧма, думайтӧма, мый солдатъяс мӧдӧныс ные вийны. Сэк Модест Семёнкӧд корӧмась кӧть вердны ные. Ас костаныс айӧ Семёнкӧд сёрнитӧмась комиӧн, а финн кор кылӧма “нянь” кыы – люмъётӧма. Сыа петкӧдлӧма нянь вылас и солдатъяс юрнаныс петкӧдлӧмась, мый сыа бура гӧгӧрвоис, мый нылы колӧ.

Тарикыс пальӧдӧма нуксӧ и суседысла ыстӧма. Суседыс неуна гӧгӧрвоӧма комиӧн, ачис вӧлӧма вепсӧн. Менам айӧ шуис сылы, мый ныа корсьӧныс. Разведчикъяссӧ вердӧмась, сетӧмась кос носкияс, вачегъяс. Вӧӧяссӧ тшӧтш юталӧмась, вердӧмась зӧрйӧн да турунӧн. А асыынас вепс-суседыс петкӧдлӧма туйсӧ станцияӧдзыс, и висьтоолӧма, кутшӧм оруддьӧ сэтӧн выйым, мыттӧм солдат и кытчӧ мунӧныс поездъясыс.

Шуӧмсӧ солдатъяс абу гижалӧмась, ставсӧ кутӧмась юрын, а айӧ тэчӧма зепъясас изъяс, ууяс, кольяс – тайӧ вӧлi мед абу воштысьны. Изъяс – оруддьӧ лыдыс, ууясыс – солдат лыдыс, а кольясыс – вагонъяс. Часьтяс бӧр мунiгас, кӧзяйкаыс матыстчӧма айӧ дорӧ, висьталӧма мыйкӧ ас кыынас и сетӧма табак кӧшель. Менам айӧ из папкы, но водзасьӧмсӧ босьтiс. Табак кӧшельсӧ ваис керкаӧ вӧйна бӧрас паметь вылӧ.

Айӧ частӧ казьтылiс, кудз чужан кылыс сылы сьӧкыд кадӧ ортсалӧс. И пыр шулiс, мый быдлаын выйым бур сьӧлӧма йӧз, код оз мӧдтышкасьны ёрт ёрткӧд.

Став разведчикыслы бэрвыджык колана юӧр вайӧмысь сетӧмась наградаяс. Тайӧ историясӧ кучас тӧдны миян семьялӧн быд поколенньӧ, вед миян канмулысь геройяссӧ колӧ пӧмнитны и пуктыны вылӧ, и никор абу вунӧдны нылысь ыджыд подвигсӧ.

Ме вылӧ пукта, мый менам айӧ вӧлi сэтшӧм бур сьӧлӧма, збой да сюсь!

Гижис Анна Балина.
Вуджӧдiс Ирина Терентьева.

Будьте первым, кто оставит комментарий!

Добавить комментарий

Ваш адрес email не будет опубликован. Обязательные поля помечены *

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!