Добро пожаловать на сайт газеты to Северная панорама   Click to listen highlighted text! Добро пожаловать на сайт газеты to Северная панорама
Нажмите "Enter", чтобы перейти к контенту

Сöстöм керка – сöстöм юр

Last updated on 25 мая, 2020

Туй вайöдiс мича кедрия инö – Ямгортö. Йöз вайдiс мелö морт дорö, Рочева Людмила Митрофановна дорö

Сыня ю вылын мича джуджыд креж вылын сулалö Ямгорт сикт. Сикт гöгöр сулалöныс ён кедрияс. Кык улича Мира да Кедровöй. Джуджыд креж высянь ылö тöдалöныс Сыня юлöн берегъясыс. Став мирыс öнi полö лёк висьöмысь, а Ямгортын лöнь!

Ямгортын ооны позе и бура ооны! Рэбитны позе садикын, пошта вылын, больничаын, станция, клубын. Выйим кык магазин да пекарня. Кутшöм чöскыд нянь пöжалöныс Ямгортын!

Ставсö сьöлöмлы дона сикт помлась, миян висьтоол iс Людмила Митрофановна Рочева.

Миян сёрни ёрт рэдитчис Инта район Ярпияг сиктын 1953 воын. Аймамлöн медыджыд нылыс. Людмила Митрофановна быдмöма ыджыд семьяын и сылöн вит чой. Нёль класс велöдчис Ярпиягын и бöрвы мунi Абезь сиктö интернат-велöдчанинö. Велöдчис сэн дасöд класстöдз. Школа бöрын ныыёрткöд мунöма велöдчыны Торговöй училищеö Салехардö. “Ми мунiм ныыёрткöд Лабытнангиöдз, сэн сылöн рöд вöлi, узим да асыынас “трамвайчикнас” мунiм Салехардö. Мед поступитны колiс собеседование прöйдитны. Велöдчим дас тöлысь. Олiм öтуволанинын. Сэсся менö ыст iсныс рэбитны Мыжыö, ныыёртöс Горкиö. Кык вежолун мысьти ыстiсныс Ямгортö, вузасьысьыс шойччыны вöлi мунöма. Сiдз и рэбитi Ямгортын. 2004 во вылын петi пенсия вылö” – казьтылö Людмила Митрофановна.

Кор тырис Людмила Митрофановналы кызь öтик ар, петiс верессайö. Василий Павловичкöд олöныс нин нелямын квайтöд во. Быдтöныс нёль пи да сизим нук-нучка. “Кык пиö, Гена да Саша, олöныс орданум, Ямгортын. Вова Овгортын, а Лёша Мыжыын” – содтö мам. Кор миян ёрт сёрнитö челядь помласис синъясыс öзйöныс, а гöлöсас кылö на дорö ыджыд радейтчöм. Олöм зэй дельнöйтор, олылö дивуйтан öткойдлунъяс. “Менам вит чой, ставыс олам Россия пасьтала, а вересöлöн вит вок” – юксьö Людмила Митрофановна.

Миян героинянум олöм вылö видзöдö бур руöн и ставсьыс сыйö аттьöалö. Ставсö, мый вайö олöмыс – нуö кыпöдöмöн юр. “Ямгортыс менум лэсялö. Деревняöн быдмим, деревняын олам да деревняын и бур. Код тöдас, гашкö, кольчи кö Салехардö и сэн бур олöм вöлi. öнi нин никыче оз кыскы, дыш нин” – сералiгтыр шуö миян ёрт.

Кор матыстчан Людмила Митрофановна керка дорö миме казялан, мый быдлаын сöстöмысь сöстöм. “Ме ог вермы, кор мыйкö валятчи либö нясти. Менум пытшкöсам сэк лёк лоö. Ылла кузя муна да пыр ставсö дзимляла” – юксьö миян героиня.

Воим ми Людмила Митрофановна дорö тулыснас, кор ставыс вощеныс пуксьöдны бытöсъяс. “Керка дорын быдтам картупель, огуреч, укроп да петрушка. öн i муыс кын на, кор сылас миме пуксьöдам” – шуö миян героиня.

Кор локтöныс челядь да нукъяс, тайö пыр ыджыд празьник. “Пöжала яянянь, кулебака, шаньга вотысöн либö рысьöн. öнi уна роч сёян пöжалам – пиццаяс да мыйда” – люмъялö мам.

Людмила Митрофановна шуö, мылякö нылöн семьяын медчасö куш кöр яй сёйöныс. Мöд яй оз лöсё, да и оз ньöбныс. Сiдз велалöмась. Ме чайта, мый унаöн с iдз, код быдмис кöо дорын мытын. Ме и ачум сэтшöм.

Сёрни дырйи неуна философствуйтыштöм (лыддьыны люмъялöгмоз!), мый öн i олöмын ставыс дась пач ломтыны оз ко, мысьласяньтор выйим, ва бара жö катны оз ко. “Тшак да вотыс öктам да кынтан. Нинöм сынас оз ло, кор колö, кыскан да пуан” – поддержит iс Людмила Митрофановна.

Рочевъяс видзöмась мöс, порсьяс да баляяс. Коркö на тай куричаяс босьтлöмась. “Водз бур вöл i став баляяссö вуджöдл iсныс Баля д i вылö. Вуджöдан да арöдз сэтöн и олöсныс Понъяс тöд iсныс, мый сэтчö оз позь мунны и из вöрзьöдлыныс ные. Катыд чери кыйысьяс тарикъяс тöд iсныс и никор из сутлылныс д i бöкас, а бöрвы мöд поколенньö öтпыр сут iсныс да баляяссö гуалöсныс. Сэсся иг кучö ные сэтöн видзны” – казьтылö миян сёрни ёрт.

Людмила Митрофановна аслас олöмас уна печкис, кыйис да вурис. Медчасö челядьыслы.

Ми вöл iм зэй радöсь тöдмасьны сэтшöм югыд морткöд! Ми кöсъям став бурсö да крепыд дзоньвидзалун! Мед ми локтöм Ямгортö т iян Василий Павловичкöд зарни кöлысь вылö!

Будьте первым, кто оставит комментарий!

Добавить комментарий

Ваш адрес email не будет опубликован. Обязательные поля помечены *

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!