Добро пожаловать на сайт газеты to Северная панорама   Click to listen highlighted text! Добро пожаловать на сайт газеты to Северная панорама
Нажмите "Enter", чтобы перейти к контенту

Кудз теляыс корсис ёртьяс

Last updated on 24 ноября, 2020

Олiс-вылiс кöрын дзоля теля.Сыа пыр ветлiс мамыскöд орча и неэтпыр сылöн из вööныс ёртьяс. Кор этша быдмис, арталiс,кöннэ менам ёртьяс. И петi сыа ылыс туйö. Пышйö теляыс, а вотча сылы пон Лайка.
– Кытчэ тэ мунан?
– Муна ёртьяс корсьны. Лоан менум ёртöн?
– Ог вермы. Аддзан паслухыс даддю куталö, мен сылы колö ортсооны.
Воде теляыс пышйö. Аддзö – мыр сайяс сулалö кöч.
– Ло менум ёртöн.
А кöчыс позис да пышйис, бöжыс токо отор-модорö сетасе.
И бара водзö мунi теляыс. Воис сыа ты дорö, а сэн утка уткапиянъяскöд уялö.
– Вай ёртасьны кучам.
– Ог вермы. Мен уткапиянöс колö велöдны лэбооны.
Шуис Утка да уётiс пияныскöд ылöджык креж дорсьыс.
Юрсö эшöдöмен мунi теляыс водзö. Друг ылысянь аддзис сыа кöинöс. Радпырысь войöдiс сылы вотча, ылысянь и горзö:
– Мöда тэн ёртöн вööсьыны. Вай ёртасьны кучам!
– Кудз тэ верман мен сорны!!!
Теляыс позис и эддзöн воедiс ас кöраас. Кытысь только выныс боссис.
Воис, а вотча сыла став кöрьясыс:
– Кöн тэ сы дыра вöлiн, дзоля теля?
– Ми тэнö воштiм!
– Öнi кучам вöрзьыны?
– Тэ вермин кольны и вошны.
– Ин мун бöке ми дорсюнум. Ми тэнö радейтам!
И Теляыс гöгöрвоис, мый ёртьясыс пыр вöлiныс орча, а сыа ны вылö из видзöд.
Став кöрыс и теляыс тшöтш вöрзисныс выль кöр сёянниньясö, кытöн уна нитшыс, тöла нинас и номйыс да гутыс абуджык.

гижис Татьяна Гостюхина
вуджöдic Мария Ёлтышева

Кӧрпи

Садьмис паськыд нюр выв ді.
Чужис к ӧрл ӧн ич ӧт пи. Парма эрдын
Мамыс верд ӧ,
Кыа сявкй ӧ зарни би.

Быдмы-ёнмы, дзоля лов,
Нэмтӧ шудаа тэ ов. Тшыг кӧ лоан,
Сиктӧ волы —
Мыччам турун, сетам сов.

Нюмдӧ тэныд парма шӧр.
Вод да узьышт, дзоля кӧр.
Коз пу улас
Мамыд нюлас,  ӧввӧ- ӧввӧ сьылас вӧр.

Егор Потапов.

Ёртасемлӧн вын

Вэлэсьт помын олiсныс-вӧлiсныс дед да баб. Лоис налы гажтӧм. Гэсьти никод оз волы, водясьэм оз вай, сьыланкыыяс оз сьыы. И корисныс ныа ас дораныс вӧрын олысь пемӧсъяссӧ. Висьталiсныс сы помлась Катшалы. Катшаыс эдде став ягсӧ лэбалiс да ставсӧ корис.

Аддзӧныс баб да дед, мый туй кузя локтӧ ны дорӧ кӧч.

– Бур лун, дед да баб!
– Видза олан, Кӧч!
– Катша висьталiс, мый тiян гажтӧм. Ме вои тiянтӧ гажӧдышны- йӧктышны. Йӧктiс кӧч “Марья моль” сьыланкыы сьылiгмоз.
Дед: – Аттьӧ, дона гэсть!

Миян кокъяснум даже йӧктыны кучисныс. Ок и гажэдiн.

Баб: – Пукси, Кӧч, чэсмась миян юмо капустаӧн!

Видзӧдӧныс, а керка дорӧ Руч матыстчӧ.

– Видза оланныд!
– Видза олан, Руч!
– Кутшӧм гажа тiян! А менум шуисныс, мый тiян гажтӧм да ме локтi сьыланкыы сьылышны.

– Сьыы, Руч-кумаӧ, а ми кыызам тэнӧ.

Руч сьылiс “Чӧд выйим” сьыланкыы.

Дед: – Аттьӧ тэныд, Руч! Зэй бура сьылан, лолыдлы буркойд.

Баб: – Пукси да чэсмась свеж улльёӧн да сук нӧкен.

Другысь ставыс аддзӧныс – Ош локтӧ, мыйкӧ вайӧ водз кокас.

– Бур лун, Дед да Баб!
– Видза, дона гэсть!
– Ягын шуӧныс, мый тiян гажтӧм. Думатча, вай ветла да ягса ма водясьӧм вылӧ вайӧ. А тiян нин тыр керка! Чэскыдторсӧ босьтӧ да сёйӧ!
Дед: – Ой, зэй ыджыд аттьӧ!
Баб: – И тэ, Ош-дядь, лок миян дорӧ.
Катша воис и шуӧ: – Мый ме аддза! Мый ме аддза! Тыр гэсть!
Дед: – Дружнӧй пемӧс миян вӧрын олӧныс!
Баб: Вай ставнум хоровод нуӧдам!

Сы пэрасянь вэлысьтын йӧз да зверъяс дружнӧя олӧныс-вылӧныс. Вӧрсӧ берегитӧныс, юяс-шоръяс дзимлялӧныс, вӧр-ванас ӧтлаын вӧдитчӧныс.

гижис Татьяна Гостюхина.
вуджӧдic Ирина Терентьева.

Будьте первым, кто оставит комментарий!

Добавить комментарий

Ваш адрес email не будет опубликован. Обязательные поля помечены *

8 + 1 =

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!