Добро пожаловать на сайт газеты to Северная панорама   Click to listen highlighted text! Добро пожаловать на сайт газеты to Северная панорама
Нажмите "Enter", чтобы перейти к контенту

Ёртасемлöн вын

Last updated on 22 октября, 2020

Вэлэсьт помын олiсныс-вöлiсныс дед да баб. Лоис налы гажтöм. Гэсьти никод оз волы, водясьэм оз вай, сьыланкыыяс оз сьыы. И корисныс ныа ас дораныс вöрын олысь пемöсъяссö. Висьталiсныс сы помлась Катшалы. Катшаыс эдде став ягсö лэбалiс да ставсö корис.
Аддзöныс баб да дед, мый туй кузя локтö ны дорö кöч.
– Бур лун, дед да баб!
– Видза олан, Кöч!
– Катша висьталiс, мый тiян гажтöм. Ме вои тiянтö гажöдышны – йöктышны. Йöктiс кöч “Марья моль” сьыланкыы сьылiгмоз.
Дед: – Аттьö, дона гэсть! Миян кокъяснум даже йöктыны кучисныс. Ок и гажэдiн.
Баб: – Пукси, Кöч, чэсмась миян юмо капустаöн!
Видзöдöныс, а керка дорö Руч матыстчö.
– Видза оланныд!
– Видза олан, Руч!
– Кутшöм гажа тiян! А менум шуисныс, мый тiян гажтöм да ме локтi сьыланкыы сьылышны.
– Сьыы, Руч-кумаö, а ми кыызам тэнö.
Руч сьылiс “Чöд выйим” сьыланкыы.
Дед: – Аттьö тэныд, Руч! Зэй бура сьылан, лолыдлы буркойд.
Баб: – Пукси да чэсмась свеж улльёöн да сук нöкен.
Другысь ставыс аддзöныс – Ош локтö, мыйкö вайö водз кокас.
– Бур лун, Дед да Баб!
– Видза, дона гэсть!
– Ягын шуöныс, мый тiян гажтöм. Думатча, вай ветла да ягса ма водясьöм вылö вайö. А тiян нин тыр керка! Чэскыдторсö босьтö да сёйö!
Дед: – Ой, зэй ыджыд аттьö!
Баб: – И тэ, Ош-дядь, лок миян дорö.
Катша воис и шуö: – Мый ме аддза! Мый ме аддза! Тыр гэсть!
Дед: – Дружнöй пемöс миян вöрын олöныс!
Баб: Вай ставнум хоровод нуöдам!

Сы пэрасянь вэлысьтын йöз да зверъяс дружнöя олöныс-вылöныс. Вöрсö берегитöныс, юяс-шоръяс дзимлялöныс, вöр-ванас öтлаын вöдитчöныс.


гижис Татьяна Гостюхина

вуджöдic Ирина Терентьева

Будьте первым, кто оставит комментарий!

Добавить комментарий

Ваш адрес email не будет опубликован. Обязательные поля помечены *

7 + 1 =

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!