Добро пожаловать на сайт газеты to Северная панорама   Click to listen highlighted text! Добро пожаловать на сайт газеты to Северная панорама
Нажмите "Enter", чтобы перейти к контенту

Чом – кӧр видзысьлӧн оланiн

Last updated on 5 апреля, 2021

Изьватас керкаын колян пекничаӧ чукартчисныс йӧз, мед гижны коми диктант

Коми диктантӧн округын пасйисныс чужан кыыяслысь лунсӧ. Ямалын гижисныс комиӧн Салехард да Надым каръясын, Харсаим, Аксарка да Мыжы сиктъясын. Таво гижисныс Надежда Чупровалысь висьт «Чом – кӧр видзысьлӧн оланiн», лэсьӧдiс Изьватас сёрни вылӧ – Нина Михайловна Егерь. Гижинныд ке верманныд проверитны, ин ке – лыддьыны: «Кӧр видзысьлӧн оланiн шусьӧ чом. Роч кылӧн ке  –  сыа шусе чум.  Сыа абу керьысь карӧма оланiн.

Тӧӧ и гожӧм,  тулыс  и  ар  олӧныс-вылӧныс кӧр видзысъяс  ас семъянаныскӧд  тая  оланiнас.  Ныа ветлӧныс помтӧм-дортӧм тундра кузя. Коленыс вояс.  Вежсе чом пытшкӧс йӧз, вежсе олӧмныс, гӧгӧр ставыс выльме. Но чом – сыа пыр чом. Век сыа сулалӧ, манитӧ ас  пытшкас чом олысъяссӧ да  кӧр видзысъяссӧ.  Чомсӧ суутӧдэныс быд вӧрзьӧм бӧрын. Кор  воӧныс выль местӧӧ, бӧрйӧныс мольыдджык, кос да топыдджык чом суутӧдӧм местӧ.

Медводз пуктӧныс кӧрт пач уу пӧӧяс. Ны вылӧ пуктӧныс кӧрт пач. Отор-модор чом бӧкас  вит  латаӧн – паськыд джодж пӧӧяс. Вольпась улӧ медводз ньӧрууяс пуктӧныс. Ньӧруу – сыа ӧтлаӧ кӧрталӧмӧн уна ньӧр.

Кор аркмас чомлӧн пыдӧсыс, кыпедӧныс мокота. Мокота выытiис кӧрталӧныс кык либӧ куим топыд кузь пуяс. Ны вылӧ тӧчӧныс нелямын ыы. Пач вылӧ суутӧдӧныс кӧрт труба, трубасӧ бура – топта кӧрталӧныс чепен, медум оз пӧр.

Тӧӧнас, кор войвылын зэй кӧдзыд, важен  да и ӧнi, чом вылӧ кык пӧӧса вейт кыпедӧныс.

Татшӧм важъя оланiн кӧр видзысъяслӧн зэй йӧмке. Оз  нин вежныс мӧд оланiн вылӧ».Мыжыын чукартчис гижны дас квайт водзмӧстчысь морт. Лёк висьӧм сертиыс из артмыл чукартчылыны дзонь во, сыйӧн диктан водзас Татьяна Васильевна Ануфриева да Наталья Ивановна Чупрова казьтыштiсныс колян во диктантсӧ и сеталiсныс мэймися гижысьяслы водясьӧмъяс. Бур руӧн вощим и гижны. Гижигас ставыс казьтылiсныс ассьыныс чомса рӧдсӧ либӧ коркӧ аддьылӧмнысӧ. Никод из коль темасис бӧкӧ, ставыслы артмӧ тайӧ матын. Менум зэй лэсялiс, мый унаӧн воисныс изьватас паськӧмӧн – сьӧлӧм радлiс. Александра Васильевна Конева шуис, мый татшӧм диктантъяс колӧ нуӧдны, мед ми иг вунӧдчӧ кыынумӧс и чукартчим ӧтлаӧн. «Ме пыр радла, кор менам мам кылӧн мыйкӧ нуӧдӧныс. Ме зэй радейта изьватас кыы, оланног да традиция. Зэй бур, мый ми татшӧм праздникӧ чукартчим, гижим, сёрнитiм, казьтылiм. Ме пыр юрын кута Иван Алексеевич Куратовлысь кыыяссӧ «тайц кыы мен дона, небыд, мича, гора».

Радлiм и мый воисныс том йӧз гижнысӧ, а сичкӧ кыынум кучас ооны, вед пока олӧ кылыс, олӧ и войтыр.

Будьте первым, кто оставит комментарий!

Добавить комментарий

Ваш адрес email не будет опубликован. Обязательные поля помечены *

+ 87 = 96

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!