Добро пожаловать на сайт газеты to Северная панорама   Click to listen highlighted text! Добро пожаловать на сайт газеты to Северная панорама
Нажмите "Enter", чтобы перейти к контенту

Вой веӆты пора ёхтас

Last updated on 2 сентября, 2021

Вой веӆты ёх кашң пораян ӆавӆасӆат хун щи пора ёхатаӆ па щи кеша муй мосты пормас иса ӆэщатӆат

Там йис иса нэпек щирн мосаӆ вой веӆман яңхты. Щи кеша кашң хоята мосаӆ пушкан нэпекат ӆэщатты. Ӆэваса хоятата пушкан тайты ант маӆа. Меет оӆаңн больницаян хоят леккаратн вантӆа, рахаӆ-ки ӆувеӆ сыяң-от тайты. Рахаӆ-ки ӆувеӆ нэпек маӆа. Щи нэпек сахат ӆув лицензионно-разрешительный отдел хоща манаӆ. Щита ӆув кимет нэпекан маӆа, нэман пушкан ӆутты ураңна.

Щи тумпина кашң вой веӆты хоята мосаӆ охотничий билет верты. Туп щимащ нэпекат ӆэщатам юпина ӆувеӆ рахаӆ манты кимет нэпек ханшӆтаты. Щи нэпек нэмӆ разрешение на добычу.

Хоята муй вой мосаӆ мощатты щи щирн ӆув ханшаӆ разрешение маты ураңна. Кашң вой мощатты щирн нэпек ханшман уӆ хун рахаӆ тамащ-тумащ вой веӆты.

Тампуш рахаӆ вой мощатты:

• Кураңвой – 15 хатӆ Щохар тыӆащ эӆты 10 хатӆ Яӆап тыӆащ унты.

• Мойпар – олаң хатӆ Унтӆор тыӆащ эӆты 31 хатдл Ванхатӆап тыӆащ унты.

• Ӆоӆмах – 15 хатӆ Айтахаятпотты тыӆащ эӆты Курк тыӆащ соханты унты.

• Евр – олаң хатӆ Унтӆор тыӆащ эӆты 31 хатӆ Айкер тыӆащ унты.

• Шовр – 15 хатӆ Щохар тыӆащ эӆты Курк тыӆащ соханты унты.

• Охсар – 15 хатӆ Щохар тыӆащ эӆты Курк тыӆащ соханты унты.

• Лэпак – оӆаң хатӆ Айтахаятпотты тыӆащ эӆты Айкер тыӆащ соханты унты.

• Васэт, ӆунтат, хотңат – 28 хатӆ Унтӆор тыӆащ эӆты таӆ соханты унты.

• Куропатка – 21 хатӆ Унтӆор тыӆащ эӆты 20 хатӆ Ункер тыӆащ унты.

• Лук – 21 хатӆ Унтӆор тыӆащ эӆты Курк тыӆащ соханты унты.

Вой мощатам юпина мосаӆ иса нэпека ханшты, муй хорпи па муй арат вой мощатса. Щаӆта щи нэпек мосаӆ ёхӆы туты Шурышкарский отдел службы по охране, контролю и регулированию биоресурсов Ямало-Ненецкого автономного округа хоща. Хой нэпекӆаӆ туңа-щира ӆэщатсаӆӆы ант хурыман вератӆ вой веӆман яңхты

Будьте первым, кто оставит комментарий!

Добавить комментарий

Ваш адрес email не будет опубликован. Обязательные поля помечены *

86 + = 91

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!