Добро пожаловать на сайт газеты to Северная панорама   Click to listen highlighted text! Добро пожаловать на сайт газеты to Северная панорама
Нажмите "Enter", чтобы перейти к контенту

«Хуӆ веӆты ёх – 2021»

Last updated on 28 сентября, 2021

Щимащ нэмпи касапса Ханты-Мужи куртна Щохар тыӆащн верыӆыса

Сус пора – шеек ям пора. Сус пора – шеек рупатаяң пора. Сус пораян ар рупатты мосаӆ. Таӆ кеша ар сопасӆыты мосаӆ. Хой рупатайӆы шушиӆыяӆ па нэмолты ант вераӆ – таӆн нушаяңа уӆ. Рущат потарӆат: ий хатаӆ – таӆаң таӆ ӆапатаӆ. Сишн кашң хоят кум шитман рых акатаӆ, вой па хуӆ веӆаӆ, товиян омпсам картушкайӆ нох хираӆ. Иса хув ищки таӆ кеша сопас вераӆ. Сютчаты кум антом.

Сус хатӆатан ищипа каш верты ищи мосаӆ. Щиты Ханты-Мужи куртан «Живун» нэмпи музеян касапса верса. Аӆаңн щохар тыӆащ ихощъяң-мет хатаӆн хоятат курта ёхатсат. Щит ертаң па вотаң хатаӆ уӆмаӆ. Ищипа хоятат нумас понтсат ияха актащиты. Каш версат па ай сорт няшиян ӆэты-кем арат катаӆсат. Щи ураңна няӆ номинация верса: «Удачный клёв» (аратӆ хой аршак хуӆ мощатаӆ), «Ловись рыбка большая и маленькая» (меет ун па ай хуӆ), «Меет пиращ хуӆ веӆты хоят» па «Меет ай хуӆ веӆты хоят».

Хуӆ веӆты ёх няши йиңка ёваӆсат па морт-кем арат ай сорт нох таӆсат. Щиты местаят тамиты понатсаят:

1 места – Константин Михайлович Тогачев
2 места – Геннадий Александрович Иванов
3 места – Иван Антонович Чупров

Меет ун хуӆ катӆас па Константин Тогачев, меет ай хуӆ – па Геннадий Иванов. Меет ай хуӆ веӆты ху – Егор Кальченко.

– Ма тата айтэӆн уӆӆам. Там ма куртэм, – ястаӆ Константин Михайлович. – Сишн ма торӆы уйтӆэм муй хорпи няши па хоты мосаӆ няшиӆыты. Иңка ванты ищи мосаӆ, хоты йиңк оваӆ щи пеӆа мосаӆ ёваӆты. Сорамшак тахая-ки вощкаӆэн, няшен иӆ тахрамтаӆ. Вонщаӆа питӆан, няшен луттаӆэн.

Иса ёхтам хоятат ун пасан сурыйн актащисат па эпӆаң яӆап хошйиңк па яӆап хуӆ ӆэсат. Щикут потремиман муй хорпи ямшак няши мосаӆ сопасӆыман тайты. Кимет таӆн ищиты тамиты ияха актащиӆат.

Будьте первым, кто оставит комментарий!

Добавить комментарий

Ваш адрес email не будет опубликован. Обязательные поля помечены *

− 8 = 2

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!