Добро пожаловать на сайт газеты to Северная панорама   Click to listen highlighted text! Добро пожаловать на сайт газеты to Северная панорама
Нажмите "Enter", чтобы перейти к контенту

Аслас войтырлӧн герой

Last updated on 10 октября, 2021

Став мирыс тайӧ вежолунас пасйӧ велӧдысьяслысь гаж. Сёрни нуӧдам Наталья Дмитриевна Рочева помлась

Наталья Дмитриевна Рочеваӧс тӧдӧ быд коми морт и Ямалса велӧдысь. Сыа рэдитчис кӧрдорса семьяын. Дзолясянь вӧлӧма ныра мортӧн и ветлӧма айыскӧд кӧрӧ, но кор нёльӧд классын айыс юалӧма кольчас-ӧ чомйӧ или кучас велӧдчыны. Шуӧма, мый сылы лэсялӧ, артмӧ велӧдчыны и сыа кучас велӧдчыны. Школаын нин аслас ёртъяслы гӧгӧрвоӧдӧма урок темаяс, велӧдӧма дзоляджыкъяссӧ. Войлалӧма лямпаӧн и пырӧма округса сборнӧйӧ. Но пыр мӧдӧма лоны велӧдысьӧн. Кор эштӧдӧма педколледж, ыстӧмась Овгортӧ. Сэн и петӧма верессайӧ и нелямын вит ар рэбитӧма школаын. Велӧдӧма начальнӧй школаын, радейтӧматематика. Рэбитӧма и интернатын воспитательӧн и сэн зэй лэсялӧма, вед ачис быдмема ны моз Аксаркаса интернатын. Наталья Дмитриевна морт, код никор оз пуко ӧтик местӧ вылын. Сылы колӧ тӧдмооны, велӧдны, карны. Овгортса школа пыр вӧлi сьӧкыд рэбитан местӧн, и тшӧкыда вежсисныс директоръяс. Но кор пуктiсныс директорӧн, Наталья Дмитриевнаӧс, 1995 воын, сыа веськӧдлiс дас во Овгортса школаӧн. Миян героинянум пыр висьталӧ веськыда, забыльсӧ, оз по, мый кодкӧ кучас лӧгасьны. Тайӧ зэй вына морт. Кык созыв вӧлiрайонлӧн депутатӧн. И уна вын, кад сетiс Лорвожса районлы. 2020 воын Наталья Дмитриевналы сетiсныс ним «Почётный гражданин Шурышкарского района».

Ӧтуввезйын Анна Ивановна Рочева, Шурышкарын велӧдысь, гижис чолӧмалан гижӧд и сиис сыйӧ Наталья Дмитриевна Рочевалы.

«Велӧдысьяслӧн лунӧ, ме мӧда висьтооны зэй бур велӧдысь, наставник – Наталья Дмитриевна Рочева помлась. Сыа оз пуко ӧтувезйын (интернетса сетьясын), но ме мӧда, мед йӧз тӧдiсныс аслас геройяс помлась. Гашкӧ, висьтала зэй гора, но мӧдорни ог вермы. Наталья Дмитриевна – аслас войтырлӧн герой. Морт, код оз уна висьтась, а босьтӧ и карӧ. Кудз ледокол писькӧдӧ йисӧ, мед сетны туй, сыдз и Наталья Дмитриевна старатчӧ карны ставсӧ, мед кутны и видзны изьватас кыысӧ. 1997 воын Наталья Дмитриевна гижӧма да лӧдзӧма букварь изьватас кылӧн. А 2018 воын неуна кадӧн некымын морткӧд гижисыыы ныс учебникъяс коми кыы кузя нёльӧд классӧдз. Велӧдчан небӧгъяс кузя рэбитаыс мунi Наталья Дмитриевна веськӧдлӧм улын. Уджооны котырӧн и кокни, и сьӧкыд ӧтчӧдз. Рэбитаыс мунӧӧдденджык, но быдӧнлы колӧ аддзыны «сёрнитуй»: кодлы кӧ бур кыы висьтооны, а кодлы кӧ стрӧг гӧлӧсӧн висьтооны, мый шыбитны оз позь и колӧ аддзыны вын, петкӧдлыны, мый вылӧ колӧ карны тайӧс, гижны и сетны сы вылӧ уна кад. А издательствоыс ӧторни звэнитӧ и казьтӧ, мый колӧ нэштана ӧдденджык. Но миян героинянум и сэк справитчис. И ӧнi нин лэдзисныс небӧг витӧд классын велӧдчысьяслы, ӧнi гижӧныс квайтӧд класслыю Миян, изьватас кылӧн сёрнитысьялы, коле тайӧ озырлунсӧ видзны да пользуйтчыны, велӧдны челядьнумӧс сёрнитны ас чужан кылӧн. И кудз позе частӧджык сёрнитны мам кыы вылын.

Наталья Дмитриевна пыр ортсалӧ том велӧдысьяслы. Мукӧд сьӧкыд педагогическӧй могъяссӧ сыа ӧдзӧн кык кыы вылын решайтӧ. А коркӧ прӧстӧ висьталас куш ӧтик кыы либӧ сёрникузяӧн ортсалас тэнад думалы мунны водзӧ и абу сулооны ӧтик местӧ вылын. Унджык бы сэтшӧм наставник и морт миян, кудз Наталья Дмитриевна», – гижӧма том велӧдысь.

И ме тӧдмаси Наталья Дмитриевнакӧд 2017 воын, кор вощисныс гижны небӧгъяссӧ. Корис ортсооны, но ме на велӧдчи университетын и менам на из вӧ тӧдӧмлун и сямлун рэбитны сэтшӧм ыджыд морткӧд. Но Наталья Дмитриевна пыр думатчӧ аслас тӧдсаяс помлась и пыр мӧдӧ ортсооны. И менӧ, сыа тӧдiс на лёка, но корис рэбитны Мыжы сиктӧ. Вои. Нёльӧд во нин ме велӧдча зэй сяма велӧдысьлысь и быд юалӧмӧн звэнита Наталья Дмитриевналы. Сыа пыр локтӧ ортсӧг вылӧ. Сы помлась позе гижны и сёрнитны зэй нин уна, но колям сыйӧ мӧд воӧдз. Вед Наталья Дмитриевна бара воис менум ортсӧг и вылӧ, и босьтӧ велӧдны Мыжыса школаын велӧдчысьяссӧ сёрнитны изьватас кылӧн.

Став сьӧлӧмнам радейта и висьтала аттьӧ, мый менам олам туй вылам сюрис сэтшӧм велӧдысь и ёрт!

Будьте первым, кто оставит комментарий!

Добавить комментарий

Ваш адрес email не будет опубликован. Обязательные поля помечены *

− 2 = 4

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!