Нажмите "Enter", чтобы перейти к контенту

Муэдз мыкыртчам, вӧйнаса ветеранъяс!

Last updated on 8 мая, 2022

Победа лун вочча окота лои тӧдмооны ӧнiя томьяслысь Айму помла. Ыджыд тыш йылысь видзӧдлассӧ. Быдӧнлы на костысь сетiм ӧтик юалӧм: «Мый тiян Май 9-ӧд луныс да Айму помла Ыджыд тышыс?»

Нина, студентка:
– Великӧй Отечественнӧй войнатайӧ тыш, кӧн нӧшта ӧтпырысь петкӧдчис роч войтырлӧн ыджыд выныс. Рочьяс вермӧныс унатор карны да ыджыдалысь идеология вылӧ видзӧдтӧг. Миян дед-бабьяс сетiсны ассьыныс олӧмнысӧ сы серти. Колӧ тӧдны та йылысь, донъёны миянчунум дорйысьясӧс.

Артём, студент:
– Тайӧ Ыджыд тышыс – сӧветскӧй войтырлысь поотӧмлун, топыдлун, героизм петкӧдлӧм! Сэк миян йӧз из вермыныс, но и дорйисныс олӧм вылӧ ассьыныс правосӧ. Историялысь тайӧ лист боксӧ некор оз позь вунӧдны! Победа лунлы воча окота висьтооныы ыджыд аттьӧ вӧйнаса став ветеранлы да тылынрэбитысьлы! Муӧдз мыкырча!

Анна, рэбитысь:
– Май 9 лун ме лыддя зэй тӧдчанаӧн. Миян странаын Айму помла Ыджыд тыш волiс быд семьяӧдз. Та серти Победа лун – став йӧзлӧн синва сора гаж.

Евгения, велэдчысь:
– Война,тэднин, дойдалiс миянчумысь Чужан мунымӧс. Сiйӧ кутшӧмакӧ тӧдчис быд мортлы. Окота веричыны, мый мир да лӧньлун помла сетӧм олӧмъяс некор оз вунӧдчысь.

Денис, велэдчысь:
– Ыджыд тыш. Геройяслы слава! Сы помла, мый ме лойя! Из кӧ найӧ, ме эськӧ сьӧд нянь тор помла ӧнi фашистъяс вылӧ рэбиті!

Василий, студент:
– Победа лун – тайӧ медча ыджыд гаж! Тайӧ лунӧ ме казьтыла ассьым дед-бабес, матысса йӧзӧс, кодъяс матыстiсныс Вермӧм! Вӧйнавыса кэсья дзоньвидзалун, а кулэмаясӧ казьтыла. Мед некор оз кус тайӧ йӧз йывсьыс паметь!

Нина, велэдчысь:
– Май 9 лун – Вермӧмлӧн гаж, усьӧмаясӧс казьтылӧм, синва петӧм. Тайӧ лунӧ ме аттьӧала став ветерансӧ, кодъяс пуктiсныс ассьыныс пай Вермӧмын. Тайӧ лунӧ пыр казьтылан вӧйна пӧрасэ, гӧгӧрвоан, а кыдз олiсныс сэк миян йӧз. Уна пэлэс кино, сьыланкыы, ветеранъяслӧн висьтасьӧм ортсалӧныс бурджыка гӧгӧрвоны сэкся курыд луньяссэ.

Татьяна, бухгалтер:
Май 9 лунӧ меным охота бӧрдны. Видзӧдан да, том йӧз гажӧдчӧны, сёйӧны-юӧны да ветеранъясӧс бусьтӧ оз и казёныс. ӧнiя том йӧз унаӧн ньӧтик оз вылэ пуктыныс тайӧ ыджыд гажсӧ – вот мыйысь сьӧлӧм вылын сьӧкыд.

Галина, студентка:
– Айму помлась ыджыд тыш менум зэй ылыстор. Но ме унатор кыылi сы помлась, торйӧн нин пӧрысьясысь. Ныа висьтоолiсныс вӧйна пэра олӧм йылысь. Тайӧ тышыс – Россиялӧн история юкӧн. Сiйӧ петкӧдлiс власьтлысь жаль тӧдтӧмлунсӧ, чорыдлунсӧ, вайис ыджыд шог уна семьялы. Но сэк жӧ, тайӧ пэраыс петкӧдлiс, мый Россияын олӧныс поотӧм, вына йӧз, кодъяс нинӧм вылӧ видзӧдтӧг кыпӧдчасны дорйысьны. Тайӧ тышыс – страналӧн вунэдлытӧмтор. Тӧдчанаӧн лоӧ сiйэ донъёны да вылэ пуктыны.

Будьте первым, кто оставит комментарий!

Добавить комментарий

Ваш адрес email не будет опубликован.

86 − = 78

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!