Мӧдэд юкӧн. Медводь юкӧнсэ
гижысь помлась верманыд лыддьыны
колян номерас

Ныа и мунiныс. Кор чойяс вичко мунiныс. Этiк кольк босьтiс да жугэдiс. Но нин быдчэмаыс сӧтэн выйым. Мыссис, кӧмасис, пасьтасис чойяссьыс на мичаджыка и вичко мунi. Вичко ӧбессэ восьтiс – вичко токо югьёны кучис.

Чойяс водзнырэ неылэ и суутiс. Пасъясис и бӧр ӧдзэ мунi. Бӧр воис кульсис, зырым люлы ӧшӧдiс, пач вылэ каис, саӧн матьчис. Сыа бусьтэ сэн и волӧма.

Энiя воисныс, а купеч кучис висьтоны:

-Да. Кодкэ мӧд карысь, абу жэ нин ми карсьунум. Ачыс мича и паськемыс кутшӧм мича.

– Ладнэ, ладнэ бурӧс вай да ми асьнум вурам да сыйэ вершитам.

Купеч купеч и выйым, аслас лавка. Мичаысь мичаэ, да бурысь бурӧс ваис. Ныа вурисныс. Бара коркэ асылэ мӧдэдчыны кучисныс. Дзоля чойыс бара юалӧ:

– Чойяссэ вичкоас нэ мый каранныд сьыланныд али йэктанныд, али ворсанныд, али мойданныд? Хэть пӧжасян паськемныдтэ мен вайэ да ме баражэ кала.

– Дзик, колэ тэныд вичко. «Вичкоын сьыланныд, да йэктанныд али мойданныд. Пӧжасян паськемныдтэ вайлэ да ме баражэ кала». Колэ тэныд вичко. Вичкоын сьыласныс да йӧктасныс, да ворсасныс да мойдасныс.

Бусьтэ оз тэд. Ныа мунiныс. Мӧд кольк жугэдис дзоля чойыс, но ношта на быдчема бурыс. Кӧмасис, пасьтасис, мӧдэдчис, вичко мунi.

Вичко ӧбесыс только восис, югьёны кучис вичко пытшкас. Чойяс водзнырэ бара мунi, неуна пасьясис да бара бӧр мунi. Вичко пемдi. Воис керкаас, кульсис зырым – лю ошэдiс, пач вылэ каис саӧн маччис. Энiя воисныс. Купеч висьталэ:

– Но мича ныы вӧлi. Мича пасьтасема. Абу жэ нин ми карсьунум. Дзоля чойныс кыызэ пач выысяньыс.

– Ладнэ, вай миян мичаӧс да бурӧс ми сыйӧ вершитам.

Купеч мича бурӧс ваис. Вурисныс чойяс мича паськем аслыныс Асылэ бара кучисныс вичко кааны.

-Чойяссэ, мыйнэ вичкоас каранныд сьыланыд али йӧктанныд, али ворсанныд, али мойданныд? Ме баражэ кала да видеда. Хэть пожасян паськемныдтэ вайэ.

Чойяс шуӧныс:

– Дзик, вичкоын бара йӧктэныс, да ворсэныс, да мойдэныс. Тэн колэ вичко.

Энiя мунiныс. Дзоля чойыс медбӧр кольсэ жугедiс. Нӧшна на быдчема бурыс. Мыссис, моледчис, кӧмасис, пасьтасис, каис вичко.

Вичко ӧбес восьтiс – югьёны кучис гӧгэр. Чойяс водзнырэ суутіс. Мунi – вичкоыс пемдi. И купечыс кучис сыйэ отторэ каролитны. Керкаас этша из во, а холош пӧлыс коли. Купеч сэтчэ и вӧтэдiс. Купеч вӧтэдис, ки пӧӧсьыс босьтiс, бергэдіс, бӧр вичко каис. Мӧд чойяс локтэныс, кийысь кийэ кучысемась, бӧрдыгтыр.

Купеч этакед венчачис и кучисныс ӧтлаын ооны. Висьталэ:

– Тэ ас суднад судито, кудз тэнэ лёка видзисныс, кудз тэнэ лёка вердiсныс.

Дзоля чойыс и шуӧ:

– Мед этiкыс керка дорсэ дзимлялас, а мӧдыс керка пытшкын кучас дзимлясьны. Чойяссэ токо янас пызын сайын вердiс, но лёка из видё. Сыйэн и эштiс мойдыс.