Щиты рахаӆ толмащты ущ тыӆащн верам этнофорум «Мой Шурышкарский»
Меет оӆаңн там фестиваль па щирн аяӆса. «Ван рутат» щимащ нэм ӆув таяс. Кат таӆн ипуш иса хантэт хота лепа уӆӆат иса ияха уйтантыты кум шитыӆысат. Хой хуван, ванан уӆ, иса ияха ёхатӆиты уратысат. Ун гуляйтты хар верыӆыса. Щаӆта па кимет таӆн саранат ияха актащисат. Ӆув фестивалель «Чужан войтыр» нэм таяс.
Ин па там йис па щирн верты питса. Тампуш Мужи вошан «Мой Шурышкарский» хуӆмет этнофорум верса. Ин щи этнофоруман ияха уйтантыӆат арсыр рут хоятат. Ӆорвош район эӆты туса вератты хоятат, хой ариты па якты хошаӆ иса ёхатсат. Мояң хоятат ар тахаят эӆты ёхтыӆысат: кев тум пелак Саран мув эӆты, Ёмвош эӆты па ёхтыӆысат. Ямал мувев эӆты хой веритас иса щи ёхтыӆысат.
Таӆаң кат хатаӆ хоятат каш версат па вантсат. Няврэмат «Нуӆ юх» творческий конкурс верса. Хоятат музеята яңхсат, вантсат па хуӆантсат. Туса вератты па хошты хоятат мастер-классат альсат. «Диалог культур» семинарна ван рутат яма потремисат. Хой хошман па яма рут ясңаӆн ханшаӆ ищи уйтантысат. Йи таӆ хащамн, кимет таӆн ищиты там форума ван рутат ёхтыӆыӆат па ияха уйтантыӆат.
