Ассьыс 80-дас арсэ пасйис медча бур, ласков морт
АР
Зарни паськӧмӧн пасьтасис вӧр.
Мича тугъясӧн ӧшӧдчис пелысь.
Дзодзӧг мӧдӧдчис лунланьӧ, бӧр, –
Аддзан, нюжаліс енэжын кӧлысь.
Кыдзкӧ жаль менум прӧйдитӧм кад:
Мыйкӧ бусьтӧкӧ ас пытшкысь воши…
Тӧда, шогсян и тэ, муса сад,
Ассьыд киястӧ му бердӧ ӧшин.
Аски чеччан и серӧктан друг:
Пужйыс шебралӧм бисерӧн мусӧ.
Шыльыд вылыса, кынмӧма ю
Лоӧ меным тшӧтш сьӧлӧмлы муса.
Вунӧ сэки и джыджъяслӧн звӧн,
Дёля сырчиклӧн паръялӧм-лэбӧм…
Котӧрт туй кузя, кияснад ӧвт,
Медым дзодзӧгъяс лэбӧны, медым.
Серафим Попов
Надежда Рахимчановнаэс Мыжы вӧлэсьтын тӧдэ быдэн. Сэтшэм мортыс зэй этша му вылас. Быдэн вермас висьтооны, мый сыа ласков, шоныд сьӧлэма ныыбаба. Рӧдитчема Надежда Ханты-Мансийскэй округ дёля сиктын сьӧкыд пӧра 3 лунэ октяб месече 1942 во вылын. Школасэ эштэдэм бӧрын мунэма велэдчыны Ямал округе Обдорскее. Сэн и тӧдмасема Григорий Андреевич Коневкед. Училище эштэдэм бӧрын Григорий вайэдэма том ныысэ Мыжы вэлэсьтэ. Кудь ачыс казьтылэ: «Воим параходэн, кучим каны сод кузяыс, а сэн зэй уна изьватас паськема бабаяс вузасеныс». Вузалісныс сы пӧраас быдчема пӧлэс ас вурэм тюнякъяс, буркаяс, шапкаяс. Ставыс видедэныс том мича кузь юрсия ныы вылас, и арталэныс кодэс нэ Гриша вайэдэма.
«Мен зэй вэлі страшнэ, иг тӧд кудз менэ примитасныс бӧкэвей семьяас». Но выль семьяас вӧліныс зэй бур йӧз. Примитисныс и видисныс ныы туйе. Рытнас воӧм бӧраныс ӧктысемась став рӧд вужъыс тшай юны.
Надежда Рахимчановна дёлясянь зэй радейтэма сьыны, и кор воис Мыжыэ сыйэ корисныс изьватас хорас. Гӧтырыслэн Наталья бабыс вурэма сылы сарафан, сос, кокошник, сетэма мича сырья чышъян. Сы пӧрасянь сыа сьылэ. Изьватас кыы из тӧд, но став олӧм чэж сьылэ изьватас кылэн. Ньӧтік кэнцэрт из коль мед Надежда Рахимчановна из выступайт сцена вылын. Олыганыс быдчемаыс вӧлі, но сыа из вошты ассэ, колі сэтшэм жэ бур, ньӧбыд сьӧлэма, рам, ласков мортэн. Тон Надежда Рахимчановна сьылӧ изватас коллективас, роч хорас и пенсионеряскед ансамбль «Сударушкаын».
Ми чолэмалам дона Надежда Рахимчановнаэс сэтшэм бур лыд пасэн. Кеймам мед оліс на дыр, гажэдіс йӧзсэ ас мича гӧлэснас сцена вылысь, вына ру, помтэм вын, медым сы гӧгӧр пыр вӧліныс рӧдвужыс, куш шань йӧз и став кӧсйӧмыд мед забыльмис. Ыджыд шуд да бур мыкыт.
