Олэмын быд мортлэн мам мед ыджыд му вылас. Сыа морт, код сетэ олӧм, нуэдэ кипӧлэдыс водевы туй кузя. Челядь ваем да быдтэм вайэ быд бабарӧдлы шуд, вед ны пельпом выланыс водэ зэй ыджыд мог
Мамлэн бура быдтэм да радейтэм сетэ челяьлы водевыы бур подуу олӧмас. Быдмем бӧраныс, медча кор сьӧкыд, мамныс дорэ советла локтэныс. Став олӧм чӧж ай-мам керка пыр коле медча радейтэна, шоныд да кыскана местэын му вылас, кӧн пыр витче мам. Тутчан на тагес вылас, а кӧтшасянь нин кылэ чӧскыд пӧжалэма шаньгаэн. Мамлэн лун праздник – зэй бур пас, кор нӧштаысь колэ висьтооны бур кыыяс мортлы, код сетіс олӧм. Этік сэтшэм мам олэ Мыжы вӧлэсьтын, сылэн нимыс Вера Фёдоровна Заваруева.
Мыжы вӧлэсьтын 16 лунэ июнь тӧлысе 1942 воын, зэй сьӧкыд пэраӧ, изьватас семьяын Федосья Фатеевна да Фёдор Петрович Поповьяслэн рӧдітчис Вера нима дёля ныы. Недыр радліс айыс, недыр мысьті муні Ыджыд тышэ, босьтісныс фронт вылэ. Коли мамныс кык челяден этнас: Галя на арэса вӧлі, а Вералы на только 3 месеч тырис. Зэй сьӧкыд сэк вӧлі олӧмыс. Кымынке пӧра мысьті семьаас воис лёк юор, айныс усема Ыджэд тышас. Мамыс коли этнас челяден, кызь ар на и вӧлі сылы. Дядьныс, айныслэн вокыс, служытэма сэк Владивостлкын. Мыжыас воӧм бӧрас, гӧтрасис и оомедчис Горка вӧлэсьтэ. Босьтіс ас дорас ооны и Вераэс. Мамыс зэй гаштэмаліс и вынэн корис ныысэ бӧр гиндорас ооны. Дядьныс сэсся муні ооны Алтайэ. Сы бӧрын из аддьысьлыныс уна во. 1963 во вылын, кор Вера Фёдоровна нин рэбитіс санитаркаэн больничаын муні корсьны дядьсэ. Том ныы сы пӧраас нетпыр никытче абу ветлэма, но вэлі зэй збой, смелитчис и муні. Кудь ачыс казьтылэ: «Омскейэдь мунім параходэн дас лун, сесся поездэн и помас машинаэн. Гӧгер ортсалісныс бур народ, кодке висьталіс кудь мунны, кодкедкед тшӧтш муні, но всё таки войи местээдь, Хмелёвка вӧлэсьтэдь. Дядес ог тэд кэн олэ. Тэді только мый сыа лесникен рэбитэ. Вои лесничей кантора дорас, сэн кык мужик вӧрэныс, тшӧкті мед корасныс. Петі морт, воджык из тэдмоо, сесся чукостіс Галяэн, но ме висьталі, мый ме Вера. Сыа сідь кучис радлыны, мый пока керкаэдьыс мунім синваыс сидь и киссис радсьыс. Дозадыр гӧститі ме сэк ны дорын. Бӧр туйям сыа менэ кольедліс Барнаулэдь. Сы бӧрын кымынкеысь нӧшта ветлі. Эні сэн колі только супрэтинэй чойе Люся. Сыкед ми сёрнитам телефон кузя».
Вера Фёдоровна петі вересса Мыжыса морт сайе. Олісныс бура. Чужис нылэн куим ныы. 1975 во вылын Вера Фёдоровналэн мужыкыс быри и колі сыа этнас куим челяден: Марина вӧллі окмыс арэса, Ирина вит арэса, а мед дёляыслы, Наташлы – 1 ар да 3 месеч. Сы пэраас уна сылы ортсаліс матушкаыс, кодкед тшэтш олісныс. Видисныс мэс, но этік гожэмын вӧлі зэй ыджыд ваыс и туруныс из шӧд, сэк коомис скӧтсэ бырэдны.
Вера Фёдоровна дас во рэбитіс больничаын санитаркаын, а сесся лои местэ телефонисткаэн и ныёртъяс Антонина Филипповна Курги да Варвара Николаевна Рочева корэмась сыэ рэбитны сэтче. Рэбетшей луныс муні квайт час, а войся сменаыс дас кык час. Рэбитны сы пэраас вӧлі сьӧкыд, югыд би из вӧ, коомис пыр лампаэн вӧдитчыны, ломтыны пач. Кор нин петіныс выль кантораас сэк лои кокньыджык. Рӧбитіс Вера Фёдоровна сэн 25 во, пенсияэдь. Гашке воде на рэбитісс, но телефонисткаяс из кучыныс кооны и ныйэ ставныссэ ыстісныс шотчыны.
Том дырйа, кудь казьтылэ ачыс, вӧлі зэй гажа. Быд суббета да вӧскресенье ветлэмась йӧктыны клубе. Быд рӧбетасэ карӧмась куш сьылыгтыр.
Вера Фёдоровна хэть и коли водь этнас, кудь бы сылы из вӧ сьӧкыд, но сыа кужис быдтыны бур ныыяс, кодъяс аддзисныс асьныссэ и петіныс колана йӧзэн. Кор Марина нылыс быдмыштіс кучис вына ортсооны мамыслы. Быд гожэм чойяссэ ноолэдліс гиндорас лагере. Став нылыс школаын велэдчисныс зэй бура. Марина Леонидовна школа эштэдэм бӧрын пыріс велэдчыны Тобольскэй институтэ физико-математическэй факультетэ. Уна во рӧбитіс институтас велэдысен, сесся воис Мыжыэ и рӧбитіс школаын. Тон сыа Мыжыса вӧлэсьтын веськедлысь.
Ирина Леонидовна эштэдіс Новосибирскэй институт, лойи экономистэн. Эштэдэм бӧрас миме воис оны Мыжыэ. Уна во рӧбитіс налоговейын. И тон на сыа ас местэас, кудз шуэныс, нуэ вахтасэ.
Наталья школасянь радейтэма велэдчыны Новосибирскэй велэдчанинын програмистэн, но кор сыа эштэдіс школасэ, олӧмыс вежсис. И мамыс ыстіс велэдчыны ыджыд чойыс дорэ. Сідь Наталья Леонидовна эштэдіс Тобольскэй институтсэ и лои физик-математикэн. Сэн жэ петі вересса и уна во рэбитіс Тобольскейын. Эні дёля пиыскед воис мамыс дорэ и рэбитэ спортивнэй велэдчанинын.
Тон Вера Фёдоровналэн сизим внук-внучка и куим правнук. Пенсия вылын пыр керкаас вӧрэ. Гожэмнас быдтэ быдчема пэлэс турун, вотыс, дзоридз, картапель, морков, огуреч, помидор, кабачок, свекла. Уна во Вера Фёдоровна нуэдіс общественнэй рӧбета ветераньяслэн Советас.
Таво гожэмнас сылы тыріс кэкъямыс дас ар. Мортыс кужис колана ногӧн кутны ассьыс сьэкыд олэмсэ ас чужан му вылас. Ми чолэмалам Вера Фёдоровнаэс Мам лунэн. Кӧсъям дзоньвидялун, бур шуд, кузь нем, да мыкыд.
