Февраль шӧрас 10-11 луньясэ Ямал округ шӧринас медводзысь колиныс коми йӧзлэн луньяс. 90 дорэ морт вӧліныс воӧмась Коми Республикаысь, Ненецкей автономнэй округысь, Ямалысь, Мурманса и Тюменса областьясысь. Ны костын общественникьяс, культура да изьватас олӧм тӧдысьяс, кыы велэдысьяс да уна том войтыр. Нималана госьясэн вӧліныс эта луньясас Коми Республика национальной политикаса министр Роман Носков, Войвы-Рытывыы Парламентса Ассоциация Комитетысь депутат, Войвы делаяс и этша лыда вужвойтыр кузя юралысь вежысь Татьяна Саладина, уна регион косса «Изьватас» общественнэй движениенас веськедлысь Ирина Королёва.
Медводз рытас йӧз водзын ассьыныс сямалунныссэ петкедліс «Обдорянка» чукарыс да Ямал районьясысь воӧм сьылысьяс Тарко-Салеысь «Пэлэзнича», Васяховса «Шондібан», Катравожысь сьылысьяс. Вӧліныс и челядьяс – Харсаимсаяс сьылісныс, йӧктіс «Яберена нумги» чукар.
Мэд лунас бӧрйисныс выль веськедлысь Ямал «Изьватас» чукарнас да Советас пырысь йӧзсэ. Веськедлысен лойи Ирина Терентьева, ямалса уна профиля колледжын велэдысь. Ми чолӧмалам Ирина Гавриловнаэс, кӧсъям уна вын, мед ставыс сылэн аркмис. Пасъя, мый Ямалса общественнэй движение «Изьватас» чукарлы тырис 20 во.
Сы седдор эта лунас вэлі восьтэма уна пэлэс мастер – классъяс, кэн позис велооны кӧртоны баба юр, ветлыны коми интерактивный урок вылэ, велэдчыны карны верховей набойка, и ворсны коми ворсэмьясэн. Воде вӧлі креативнэй сессия и проектас пыртісныс вӧзйемьяс чужан кыы, культура да этноблогерство кузя.
Эта луньясас йӧз унаэн аддзысисныс, сёрнитісныс чужан кыы выылын, ёрта ёртныслысь босьтісныс тӧдэмлунъяссэ. Мед ыджыдыс сыа тыдоочис, мый выйым на Ямалын изьватас, а сыйэн и олӧмыс нылэн оз на кус.
Мария Ёлтышева.
