Литературной премия имени Ивана Истомина няӆ хоята юкантсаят
Айкер тыӆась соханты ӆапатн Мужи вошн туса ханшты па нумасты хоятат ияха актащисат. Там премия тампуш няӆмет-мет пуш юкантӆа хоятата, хой ошаңа монсят, потрат па ӆуңтарат ханшаӆ. Тампуш лапатхосьяң хоят верам па ханшом рупатайӆаӆ китыӆэмеӆ.
Щиты ар номинацияят кутан энамты ёх ищи премия шитсат. Дмитрий Кельчин Пуӆңаватан сэма питас. Ошаң няврэма энмас, ӆув сам няӆ таӆ эӆты нэпек ӆуңатты утӆас. Щи пора эӆты нэпекат ёшӆаӆ эӆты ант луттаӆӆы.
Ӆув опращӆаӆ па рутӆаӆ Лорвош эӆты уӆӆат. Тохи ӆув ай пора эӆты антеӆан тутӆиса. Сишн ӆув яма нумӆаӆы хоты ӆувеӆ акайӆал моньщат моньщсат па ошаң потрапсаят потарсат. Уна ювмаӆн ӆув сам хуӆ веӆты яңхиӆыяс. Щаӆта етнапелка вантам отӆаӆ иса нэпека ханшты питсаӆӆы. Щиты ӆув потар ханшас «Идущие по воде» («Йиңк сяр эӆты шуты хоятат»).
– Там премия шитам рупатаем нэмаӆ «Мосты шамана». Щита ма ияха акатсам катра моньщат па уӆапса потрапсаят, – ястаӆ Дмитрий Кельчин. – Ма ӆухсэм Иван Сандрин Мужи вош эӆты уӆ. Ӆув пиӆэӆан ма Ӆорвош район хуват ай куртат хуват яңхсам па ар-сыр моньщат па потрат хуӆантсам. Щиты айӆта актам отӆам кинигая версыӆам. Шек самеман аматсам хун ма ты вохсаям. Нумастэман ма ханшам отӆам таңха яма шоши хоятӆамн ӆуңатӆаят.
Щи тумпина хоӆна хуӆам хоят премияян масаят. Щит Зинаида Лоңгортова, Виктор Шестаков па Екатерина Дитц. Кашң хоята хольмаң щорс ох юкантса. Щи юпина хой ӆытас ӆув ханшам па ӆэщатам отӆаӆ веритас ӆуңатты па этаӆтыты кимет хоятата.
