Щимащ нэмпи лопас интернет хуват понмаӆ энамты эвие. Щиты ӆув рут ханты ясаңаӆ утаӆтаӆ
Ин щимащ пора ёхтас хун шоши рут ясңат айӆта ёрэматы питсат. Ошаңа уӆты энамты хоятат нумасты питсат хоты шоши рут ясаң утаӆтаты па еӆӆы туты. Ӆув-ки щит ант верӆат па хой щит верты питаӆ? Там йис интернет пораян кашаң хоят хой ӆытаӆ ясңаӆ утаӆтаты веритаӆ па хоӆна уӆӆат хоятат хой ясаңаӆ ант ёрэмас.
– Ущат! Ма нэмем Варвара. Хоӆна ма утаӆтыӆэм ма Ханты ясңем, – щиты ханшмаӆ Варвара Тогачева ӆув верам интернет Вконтакте группаяӆн.
Верам группаяӆ нэмӆ – «Белая гагара | Нови тохты». Щита ӆув ханты ясаңан потар шупат понаӆ па рущ ясаңа ӆувиӆаӆ толмащаӆ. Ӆув щиты рут ясңаӆ утаӆтаӆ па кимет хоятат аляӆ. Нын ищи веритӆаты ӆув пиӆаӆн ханты ясаң утаӆтаты. Ванталӆн па ӆуңтаӆ там группаян – ңttps://vk.com/vitaejdern.
– Ма Ямал Овас муван сэма питсам. Щиты питас, ма ай пора эӆты туп рущ ясаң портарты питсам. Ма опращӆам па ай пора эӆты ашкулая манты унты туп ханты ясаңна потарсат, – ястаӆ Варвара. – Инты унты ма ханты ясаң туп хуӆсам, потарты ант хошсам. Сишн ин ма рут ясңемн потарты ӆытӆаям, ханшты ӆытӆаям. Опращӆам ясаң еӆӆы туты уратӆам. Ма ӆоватӆам энамты няврэмат ищи ма итэмн ханты ясаңна потарты уратӆат. Сишн щи ма тамащ группа версам. Ин муң ияха рут ясңев утаӆтаӆэв. Муң хощаев пиӆтащат!
Ӆорвош район куща айкеӆ вермаӆ – округев ӆоватан верам конкурс среди деятелей фольклора. Щи конкурсан нох питмеӆ муң шоши хоятӆув: Галина Артанзеева номинацияян «Культурное наследие народа ханты» па Варвара Тогачева фольклорный проектат кутан. Ӆув верам группайӆ ураңна нётап митаӆыӆа.
