Мӧд юкӧн. Медводзь юкӧнсэ лыддзьӧ 2 номерын.
Ёма баб: Ук-ук-ук дай ок-ок-ок,
Абу рыж на менам кок.
Пӧрысь выжыв, талё туй.
Тупред менам, а тэ уй.
Мед кэ сарафанэ важ,
сытэг лоас менам гаж.
Нуски-узи кольм во,
Таво дьӧбӧн ме ог ло.
Ок, и чӧсмася ме дыр,
некод пайӧ оз нин пыр.
Виньгыртасныс Руч да Кӧч,
Сёяс ставсэ Ёма дед.
Кӧин лоӧ нӧшта лэг-
Кӧчлы плешас сизьдас йӧг.
Таво сэсся и Лым ныы
Аттьӧястӧ… ха-ха-ха! оз же кыы!
Ук-ук-ук дай ок-ок-ок,
Абу рыж на менам кок.
Пиньтӧм вомен тяпка дыр,
кытчӧдз чӧскыдтор оз быр.
Автор: Сьылыгмоз Ёма баб кыске водясем тупредсьыс кампет, яблок, шоколад да тэрмасемен сёй. Кампет бумагасэ шыблалэ кок улас. Виччысьтӧг пуяс сайсянь петэ Кӧдзыд дед да аддзӧ Ёмаӧс да матыстчэ сы дорэ.
Кӧдзыд дед: Видза олан, Ёма баб. Мыйнӧ чӧсмасян?
Ёма баб: Ме? Шойччыны тай пукси. (дзебэ водясемсэ)
Кӧдзыд Дед: (видедэ валячысь кампет бумаг вылэ) Тайӧ нэ мый?
Ёма баб: Прӧстит менэ, Кӧдзыд дед. Вежэ петіс чӧскыд вылад. Иг эд на сёй. Дас кымын кампет да яблок…витэс кымын. (бэрдыгмоз) простит менэ.
Кӧдзыд Дед: Ин бэрд. Но мэдыс сидз ин кар.(босьтэ водясемсэ) Сьэкыд тай тупредэ. Ставыслы на водясемыс тырмас. А эні мен тэрмасьны колэ челядьыс дорэ.
Ёма баб: Вай ме тшӧтш ветла. Сідз ме мэда выль воса гажсэ видедыштны.
Кӧдзыд Дед: Лок, сідзке ветлам. Ортсышт вай тупредсэ мушку вылам чэтны.
Автор: Кӧдзыд дед да Ёма. баб тэпрмасемен мунэныс. Ворсан жырйын сулалэ чачаясэн да уна рӧма биясэн воччэдэм коз. Мича пасьтасем челядь ки на ки кутчысемен бергалэныс коз гӧгӧр. Накед этлаын гажэдчэ Лым ныы. Тані жэ, челядь кытшын, чеччалэ-бергалэ Ручиль да Кӧчыль. Ставыс этлаын сьылэныс «Выль вося сьылан кыы».
Челядь и Лым ныы (сьылэныс): Гажа Выль во воис,
Тӧӧся медбур кад.
Сыа ставлы ваис
Ёртасем да лад.
Ветлам кытшӧн, кытшӧн,
Шӧрын мича коз.
Ёртасьӧмыс миян
Оз мед помась, оз.
Лым ныы: Видзэдлэ, челядь, кутшэм мича да пышкыр миян кознум, а эзтынысэ сыйӧ некодлы. Вай чукӧстам ставнум Кодзыд Дедэс.
Автор: Челядь корэныс Кӧдзыд Дедсэ.Кэнке неылын кылэ тотшкедчем. Сцена шульгаласдорсянь матыстченыс Ёма баб да Кӧдзыд дед.
Ёма баб: Мый нэ тайӧ? Выль вося коз! Гажлун, выль вося мойд! Сидз – мича сьылэныс челядь
Кӧдзыд Дед: Видза оланныд, дона челядь, гӧсьяс! Кутшӧм мича тіян козныд!
Лым ныы: Видза олан, Кӧдзыд дед. Дыр нин ми тэнэ виччам. Челядь зэй мэдэныс, мед тэ ӧзін Выль вося козлысь уна рэма бияссэ.
Кӧдзыд Дед: ӧзйы, югзьы мича козйӧ, югйот уна рэмен!
(елка зажигается огнями)
Лым ныы: Локтэ, челядь, гажӧдчам, Ручилей, матыссе татчэ, суутэ тшӧтш миян кытшӧ! Ёма баб, и тэ ин дзебсясь, сут кытшас петкедлы ассьыд удалунтэ.
Ёма баб: Сьэлэм-йӧктэмсьыс век нин гажэ бырис. Эні пэрчылы гэна пасес.
Кӧдзыд Дед: Лым ныы, внучкаэ менам. Сьылыш ас мича гэлэснад.
(Лым ныы сьылэ)
Лым ныы: Ылла югдэма еждэдэм мусьыс,
Тэрыт лунтыр эд небыд лым усис
Тон нин кӧдзыдыс чепралэ ныртэ
Ямал тундраэ Выль восэ пыртэ.
Вай ми суутамӧй ёртасян кытшӧ
Ёрта-ёртнумлы радлун и мытшӧд.
Тэн кэ бур, менум бур да и гажа.
Дона ёрт, муса ёрт, бара волы (2р).
Тэ мен радлунсэ аскедыд ваян.
Медся донаыс му вылас тайӧ.
Эзысь тӧлысьыс югӧрсӧ койӧ.
Йӧктам- гажӧдчам Выль вося войӧ (2р)
Кӧдзыд Дед: Зэй бур да мича тэнад сьыланкылыд, внучкаӧ. А ӧні вай дедыдкед тшӧтш ӧтлаын сьылам.
(Кэдзыд дед да Лым ныы сьылэныс)
Кӧдзыд Дед (сьылэ): Кэдыд дедтэг тӧӧ оз лок, тӧӧ оз лок, Тані ме кэ гажа ок, гажа ок.
Лым ныы (сьылэ): Лым ныытӧг кысь нэ лым, Воеді да банбэк пым, банбэк пым.
Кӧдзыд Дед: Муыс ваыс кын да кос, кын да кос
Юяс вомэн йиа пос, йиа пос
Лым ныы: Гӧн вольпася видз и му, видз и му
Лызя зонмес ме ог су, ме ог су (2р)
Кӧдзыд Дед: Ю дор кырйын абу чээ (2р)
Ямал муын гажа тӧӧ (3р)
Аддза, аддза, миян сьыланкыынум тіян зэй сьӧлэмвыланыд воис. А ӧні асьныд миянтэ гажэдыштэ. Менам пӧрысь мортыдлэн кокэ выыті мыдзис, пукся лавич вылас да шойччышта.
Лым ныы: Кӧдзыд дед! Шӧктугьясыд да сёшайтъясыд Выль во кежлад йӧктэм велэдэмась. «Полькаэн» йӧктэмыс шусьӧ. Ручиль да Кӧчыль. Мi полькасэ тшӧтш йӧктам!
Ёма баб: Ме ог куж. Кысь нин бабра мен полька йӧктыны. Сьӧд вӧр шӧрад олыгад унатосэ он велоо. Ті йӧктэ, ме ті выланныд видедышта.
Лым ныы: Йӧктысьяс суутэ татчэ. Вошьям.
Полька танец.
Кӧдзыд дед: Кужанныд и йӧктыны, майбырьяс! Татшӧм сьылысь йӧктысьяскед ме асылэдзыс гажӧдча….
Лым ныы (торке): Кӧдзыд Дед, тэ тай пырпыр ылалін. Миян вед воде колэ мэдэдчыны. Уна сикт карын миянтэ виччысеныс. Тӧрмасьны колэ.
Кӧдзыд Дед: Иг и казёлы, кудз пэраыс коли. Но ме зэй ог мэд ті дорсьынныд мунны.. Гашкэ сьылам нэшта этік сьыланкыы? Выль воса сьыланкыы.
Гажӧдчэме челядьяс,
тані гажа ді
Кытшӧ локтэ, молюкьяс,
Эзтам югыд би.
Гажсэ ваис миянлы
Кӧдзыд пӧрысь дед
Ставнум гора шуам ми:
Аттьтӧ, дона дед.
Ёрта-ёртлы сиам ми
Бур шуд да бур нэм.
Айӧс-мамэс радейтам:
тадз и тшӧктэ Ен.
Тайӧ гажа луньяссэ
Виччысим дзонь во.
Ставнум гора шум ми:
Шуда ло выль во. (2р)
Кӧдзыд Дед: Бура мi тон и гажэдчим. Лым ныы вай ми сэсся тэкед, водясемьяссэ челядьяслы сеталам. Ёма баб кыскы вай эддеджык тупредэс.
Автор: Кӧдзыд Дед да Лым ныы юкеныс водясемьяссэ: кампет, преник, шаньгаяс, небэгбяс.
Кӧдзыд Дед: Аттьӧ, Ёма баб, мый ортсалін вайны тупредэс. Вот и тэныд водясем сюри. Лок, бось!
Ёма баб (радлыгмоз): Аттьӧ, Кӧдзыд Дед!
Кӧдзыд Дед: Кӧчыль, кӧні тэ? Тайӧнэ тэныд юмоо морков. Ручиль, пашкыр бэж, тэныд вайи кӧвдум (колобок).
Лым ныы: Атьтӧалам, челядьӧс бура йӧктім сьылэмысь да гажэдчэмысь! Сиам ставныдлы дзоньвидзалун, ыджыд шуд да кузь нэм, быдмыны шаньӧн, збоен да бурэн!
Кӧдзыд Дед! Адзысьлытӧдз, дона челядь да гӧсьтьяс!
Наталья Вокуева.
