Пелысь мольяс Уна во нин Горкаса велöдчанiнын велöдöныс изьватас кыы
Медводзын кыпедис сыö Ганна Дмитриевна Дьячкова. Пенсия петэм бöрас, босьсис велöдны Татьяна Иосифовна Созонова, код чужліс Восяхов вöлэсьтын. Кыкнан велöдысь изьватас семьяысь. Тонъя лунö Татьяна Иосифовна история урок на нуöдö школаас. Ас сям луннаныс велэдысьяс кужисныс сетны радейтöм челядьлы изьватас кыы дорэ.
«Менам кык син, менам кык пель, менам кык кок, менам кык ки…», – гора висьталöныс велöдчысьяс медводз да мэдэд классъясысь.
2015 восянь Горкаса изьватас челядь велöдченыс «Фольклор да традиция» программа кузя. Сы воас жэ и вöлi лэседэма вокальнöй группа «Эзысь шор». 13 велöдчысь быдчема пöлэс класстысь велöдісныс изьватас олöмсэ, традициясэ да культурасэ.
Лойи традицияöн Горкаса челядьлы волыны гöсти Мыжыö «Изьва керкаас». Сэн челядь да олыштöма Мыжыса йöз бура коленыс пöрасэ. Гöсъяс петкедлэныс асьыныс сямсэ, гажэдченыс, сьылэныс да йöктэныс, уна сёрнитэныс изьватас кылэн. Челядь сыйэ тавсэ кылэ. Чукарчем эштöм бöрас чöста юэныс тшай изьватас шаньгаясэн да кулебакаясэн.
Тонъя лунэ фольклорнöй чукарас «Пелысь мольяс» сьылöныс и дёляяс, кодi вöлі лэседэма 2022 во вылын. Мöд во нин кружокас ветлöныс челядь, кодлэн рöд вужас выйым изьватасъяс: Вероника Жданова, Мия Попова, Катя Яманди, Даша Куколева, Дима Феллер. Этая велöдчан воас коллективас воалісныс выль велöдчысьяс. Занятие вылас челядь велöдöныс выль изьватас кыыяс быдчема пöлэс тема кузя: «Видясем», «Дозмук», «Паськöм», «Ягса да керка дорса олысьяс» и с.в.
Кружок вылас сiдз жэ челядьяс тöдмалэныс нöдкыыяс, водча висьталöныс викторина юалэмъяс вылэ, ворсэныс быдчема пöлöс ворсэмъяс. Уна велэдэныс сьыланкыыяс, частушкаяс, кыыбуръяс, сцена вылын сьылэныс да йöктэныс.
Таво «Пелысь мольяс» петкедлісныс ассьыныс кужэмныссö уна пэлöс мероприятиясын, код вэлі пасйöма Ямал лунъяс кежэ. Лоиныс победительяссöн районса юкöнас Россияса пасьта дорйысемас хоровэй да вокальнэй чукаръяс костын. Эні велöдчысьяс лэсьöдченыс районса мероприятие кежэ «Ёртъяскед адзысьлэм». Кöсъям том изьватас чукарыслы тав бурсэ, мед и воде кыпедасныс изьватас олöмсэ. Ыджыд бур вермемьяс воде вылэ!
Наталья Вокуева.
