Забыля радейтэм – сыа, кудь зарни: никор оз пемды и вояснас куш лоӧ донаджык. Кэлысьлӧн зарни юбилей, 50 во тшэтш олэм – мед дона лоӧмтор семья олэмас
Зарни кэлысь – сыа важнӧй листбок семьяса гижӧдас, вунэдтӧм и шуда кад.
Гозъяяс, коді пасйӧныс зарни кэлысьныссэ, ныйӧн пыр охота нимкодясьны, мыля ныа уна во вэліныс ёрта ёртныслы топыд кутӧдэн, вернӧй ас медводза радейтэмас.
Этая висьтас сёрниыс мунӧ Мыжыса вэлэсьтысь Николай Петрович да Валентина Максимовна Богинскэй гозъя помлась. 13 лунэ июль тэлысьӧ ныа пасъясныс зарни кэлысьныссӧ.
Тшэтш олан туйныс нылӧн вошсис 1974 восянь. Мыйсянь жэ нылэн радейтана кадколаст вошсис? А вошсис сыа сэтысянь, кор пырпыр томиндзик Валентина Ануфриеваэс миме медучилище эштӧдэм бэрын Омсксянь ыстісныс рэбитны Новосибирскэй обласьтэ Доволенскэй районэ Баклуши вэлэсьтэ. Кучис сыа уджооны фармацевтэн аптекаын. Николай Петрович ас семъяыскед олісныс сы вэлэсьтас. Сы пэраас аптекаын рэбитіс и Николайлэн чойыс. Кудь и быд вэлэсьтын выль морт миме тыдалэ. Сідз и Валентина помлась юорыс муні вэлэсьтіыс, мый том лэсьыд ныы вома. Чойыс ортсалэма тэдмасьны том йӧзлы. Сідз и тэдмасемась тонъя юбиляряс Николай да Валентина Богинскейяс. Сьӧлэмныс кыскема ёрта ёртнысс дорэ, вошсисныс ёртасьны. Быд лун адзысьлылӧмась, ветлэмась индийскэй кино вылэ. Этпыр Николай решитчема корасьны, Валентина пуктэма условие, мый Войвылэ сыкедыс мунэ ке, то вересса сы сайӧ петэ. Валентина Максимовнаэс зэй кыскема бэр керкаас, кэн олісныс ай-мамыс. Том морт сэгласитчема. Кык во мысьті этласьӧмась. Июль вылын кэлысясемась, а август вылын том гозъя воӧмась Мыжы вэлэсьтэ. Сідз шуда олэмыс гозъялэн и вошсис. Воджык олісныс ай-мамыс дорын, бэрвы Николай Петровичлы рэбетасяньыс сетісныс кык жыръя керка.
Мыжыӧ воӧм бэрас Валентина Максимовна пыріс рэбитны Мыжыса аптекаас №35, сэн веськедлысен вэлі Субботина Людмила Васильевна. Нелямын ӧтик во тшэтш уджалісныс. Сэтысянь и петі шоччыны пенсиявылэ.
Николай Петрович воэм морт, но и сыа аддзис аслыс рэбета. Пыріс Ремонтно-строительнэй участок мастерэн. Бэрвы эштӧдіс Тобольскейын техникум ихтеолог вылэ и кучис уджооны районса инспекторэн Лорвожса черивидянас. Сесся сыйӧ пуктісныс веськедлыны Сынско-Войкарскэй этническэй территорияас. Сэтысянь сыа и петі шоччыны пенсия вылэ.
Валентина Максимовна да Николай Петрович Богинскейяслэн куим ныы. Бур челядь быдтісныс гозъя: мед ыджыдныс Наталья чужис 1975 воын. Школа бэрын пыріс велэдчыны фармпровизорэ. Муні мамыс туй кузя. Ыджыд велэдчанин эштэдӧм бэрын Мыжы вэлэсьтын рэбета из аддзысь и сыа муні велэдчыны мэд институтэ управленеч вылэ. Тонъя лунэ уджалэ районса администрацияын. Юлия ныныс чужис 1980 воын. Эштӧдіс ыджыд велэдчанин экономист вылэ. Рэбитэ Салехардын департаментас экономистэн. Мед дзоля ныныс Ольга чужис 1988 воын. Школа бэрын муні велэдчыны Тюмене сидз сэтче и кольчис оны. Эштӧдіс ыджыд велэдчанин бухгалтер вылэ. Уджалэ бухгалтерэн мусир да биару компаниеын.
Николай Петрович да Валентина Максимовна ортсалэныс быдтыны квайт нук, куим нучка, ӧтик правнучка. Быд праздникъясэ юбилейяс вылэ либэ Выль воас челядьяс да нук-нучкаыс эктысеныс мам-айныс дорэ.
Колэ висьтооны, мый олэм подувйыс тайӧ семяыслэн – удж. Валентина Максимовна – нянь-соо вылэ бур, аккуратнэй, шань гӧтыр, мам, баб, зэй сёрниа, кыыкутана ёрт. Николай Петрович – ыджыд терпенньӧа, чери кыйысь, тӧждысьысь верӧс, ай и дед. Богинскэй гозъя некор весь оз пукооныс. Нылэн эбесныс пыр воиса матыса да сьӧлӧмлы муса йӧзлы.
Тонъя лунэ Богинскэйяс олӧ- ныс ыджыд мича югыд керкаын. Гожӧмнас вэдитӧныс огород да кык парник. Быдтӧныс картупель, огуреч, помидор, свекла, лук, морков, редиска, турун: укроп, петрушка, быдчема пэлӧс вотыс да мича дзоридзьяс.
Арнас пыжэн ягэ ветлӧныс вотыс да тшак вотӧныс, шышкаасеныс, вугырасьӧныс, сир ньылык кыйӧныс. Карэныс быдчема пэлӧс сёян тор тӧӧ кежэ. Валентина Максимовна сідз жэ радейтэ быдла ветлыны, му пасьтасэ визьлыны. Окмыс странаясын нин вэлэма, но думаас на кутэ ветлыны Дагестанэ, медча Дербенэ. Радейтэ сьыны роч да изьватас сьыланкыыяс. Уна во нин культура керкаас сцена вылын выступайтэ.
Ветымын во – сыа ыджыд торъя кадколаст, но кудь висьталэныс гозъя, пэраыс зэй эдде коли. Юраныс кутэныс куш шуда, югыд бурторсэ. Тшӧтш олэмас ныа уна мый карисныс. И вэны этлаын сымытӧм во верменыс куш сэтшӧм йӧз, коді забыль вылэ пуктэныс ассьыныс ёртныссэ.
Сэтшӧм йӧзысь ми босьтам ыджыд да выыті дона сям – кужны донъёны, оны радейтэмын да видемын ёрта ёртныссэ,
Ми чолэмалам Николай Петровичес да Валентина Максимовнаэс зарни юбилеен! Кӧсйям ыджыд шуд да дзоньвидза лун уна во кежэ. Мед быд луныс тіян олӧманыд ло югыд да радейтана! А гӧгӧраныд пыр лоӧныс радейтана ныыясныд да нукъясныд. Зарни кӧлысен тіянтэ!
Гижис Наталья Вокуева.
