Кудь лымтэг тээ оз оолы, сидь и му вылас абу сэтшэм челядь, коді быдме чачатэг
Быд челядьлэн дёлясянь выйым мед дона сьӧлӧмыслы чача. Тонъя лунэ лавкаясын выйымэсь быдчема пэлэс чачаыс, но уна во сайын ныэ карисныс ас киэн.
Владимир Иванович Даль кыыкудас гижсе, мый акань, сыа дэраысь, куысь, бумагаысь карэма морт.
Дмитрий Николаевич Ушаковлэн «акань» кылыс пасйэма кудь: чача морт манера, коді карэма быдчема пэлэс материалысь челядьлы ворсэм вылэ.
Историяыс аканьлэн вошсис уна нем сайын. Мед важья аддзӧмтор лыддьысе мамонт лыысь карэма акань. Сыэ Чехияын аддьдзӧмась. Арлыдыс 30-35 сюрс во дорэ. Сылэн киыс и кокыс верменыс вэрны.
Изьватасъяслэн жэ аканьыс частэ вэлі видзьысьӧн, лыддьысис мый сыа босьтэ ас вылас став лёксэ и видзьӧ ассьыс хэзяйкасэ. Акакнь сетісныс водясем ичмоньлы кэлысяс, мед сыа видзис гозъясэ лёкысь. Сидьжэ козьноны невесталы акань лыддьысис, кэсйыны сылы уна челядь.
Ставыслы тэдса йӧзса обычай – ныяслы водясем вылэ акань сетны. Важэн ныэ карисныс семьяасас ас киэн, а мукедысь вайлісныс ярмаркаясысь. Йӧз костын лыддьысис, мый чача-водясем вайас челядьлы дзоньвидзалун да став бурсэ. Челядь из только ворс киэн карэма аканьнас, но и ачыс старайтчис лэсьӧдны сэтшӧмес жэ.
Тонъя лунэ уна быдчема пэлӧс акань выйым. Но медча донаджык, радейтана аканьяс, коді карэмась ас киӧн.
Традиционнӧй чачаӧн изьватасьяслӧн важсянь вэлі дэраысь гартӧм акань. Мукед озыр керкаясын эктысьліс сёӧдз. Кор челядьяс дёляэсь на вэліныс, аканьясэ вурисныс мамныс, бабныс, ыджыджык чойясныс. Вит арсянь сэтшӧм рэбетасэ кужис карны нин быд ныы. Ас карэм акань вылэ колэ тэвар тор, гартэма «скалкаӧ», бура нюжэдэма еджыд тэварэн чужӧмыс, морэсыс топта начкема дёля шарикъяс, юрсиа кӧса, кыйэма сэтче лента да паськэмыс югыд тэвар торъысь. Кор ыджыджык быдмисныс, ныыяс вурисныс нин мичаджык аканьяс, а мукедысь корисныс мастерицаяссӧ ортсооны, кодъяс карисныс ныӧ заказ вылэ. Чужӧмсэ вышивайтісныс либэ карандашӧн, а водьджык на и шомйӧн серпасалісныс. Аканьяссэ мича пасьтӧдісныс, переник кэрталісныс и ий дэрӧм выытіыс, юрсэ чышъяналісныс. Челядьлысь кужэмлунсэ ыджыдъяс видзӧдісныс. Аканьӧн ворсыген челядьяс велӧдчисныс вурсьыны, вышиватьчыны, печкысьны, мича пасьтасьны. Чачаяссӧ ньӧтпыр из кольныс ыллаӧ, из шыблооныс керка кузя, а берегитісныс и видисныс кэрзинаясын, кэрӧ- бьясын. Босьлісныс ворсанинвылӧ. Аканьяссӧ позис босьны гэстиӧ, сидз жэ пуктылісныс приданэе. Бэрвы сыы аканьяснас ворсісныс асланыс жэ челядьясныс.
Обрядовӧй акньяс из позь лыддьыны чачаэн. Вед традиционнэй дэра акань чужӧмтэм. Чужӧм из серпасооныс, сыа пыр вэлі еджыд. Вэлэсьтъясын висьтоолісныс мыля вэлі сидь, мый прэстэ абу кужэмась мича серпасооны чужӧм, да и краска абу вэлӧма. Но олэмас этша мэдмозни. Чужӧмтэм акань лыддьысис лоотэм предмет, кытче оз вермы пырны лёк вын, но сидь жэ, и челядьлы оз кар нинэм лёкес. Сыа вайис сылы дзоньвидзалун, радлун да став бурсэ.
Тонъя лунэ челядьлэн выйым ыджыд бэръйӧм кутшӧм чачаӧн ворсны. Унджыкыс ворсэныс компъютерэн, либэ лавкаса небема чачаэн. Гожэмнас бур мича лунэ ыслалӧныс велосипедэн да самокатэн. А ас карэм чача муні ылэ бэрэ и сыйӧ позе аддьыны только музейяссын.
Гижис Наталья Вокуева.
