Ыджыд дружнӧй изьватас семьяӧн 5 лунӧ декаб тӧлысьӧ чукартчисныс Горкаса йӧз, мед пасйыны юбилей фольклорной чукарыслы «Эзысь шор». Мича залын эктысисныс велӧдысьяс, ай-мамъяс, бабъяс да дедъяс, ветлысъяс фольклорнӧй чукарӧ «Пелысь мольяс», театр кружокэ «Закулисье» и асьныс фольклорной чукар «Эзысь шор».

Праздник нуӧдысьяс Даша Халиулина да Вика Чупрова видясем бэрын корисныс йӧзсэ казьтылны мыйысь ставыс вошсис. Петкедлісныс ас карэм кино «Миянлы дас ар». Сэн Татьяна Иосифовна, веськедлысь фольклорнӧй чукарнас, висьталіс историясэ чукарчем йылысь, сы медводз участникъяс помлась, кутшӧм мероприятиеяс вэлӧмась, ыджыд вермемъяс босьтэм помла.

Сесся ныыяс корисныс сцена вылас велӧдчанин веськӧдлыссьсэ Вера Витальевна Харитоноваӧс. Сыа чолӧмаліс коллективсэ юбилеӧн. «Тонъя юбилейыс – сыа гажӧдчем сылы, код пуктіс аслыс мог да карис ыджыд удж, мед эктыны челядьсэ творческӧй чукарэ «Эзысь шор». Дас вонас коллективас вежсис куим поколение челядь, кодъяс кутісныс и петкедлісныс изьватас культурасэ да традициясэ. Татьяна Иосифовна, ыджыд аттьӧ тіян, мый пуктіныд ыджыд удж, энтузиазм, кужэм лун велӧдчанін олэмас».

Сы лунас и ыджыд чолӧмалэм ыстіс «Изьватас керка» веськӧдлысь, Людмила Александровна Филиппова. «Ме чолӧмала тіянчыныд чукарныдтӧ «Эзысь шор» медводз гэгрӧс юбилеен. Ті ас сьыланкыынаныд мичмеданыд став изватас культурасэ район пасьтаас. Зэй ыджыд аттьӧ, мый ті караныд, радейтӧм, радлун, мый нуаныд йӧз костэ сьыланкыы пырті. Мед никор югыд да шоныд тіян битор из кус».

Торжэственнӧй юкэн бэрын воссис гажӧдчэм. Театрса кружок «Закулисье» (веськэдлысь М.И. Мединскӧй), петкӧдлісныс быдчема пэлэс инсценировка, рыт чэж висьталісныс фольклорнӧй чукар «Эзысь шор» помлась.

Сцена высянь кыліныс мича изьватас сьыланкыыяс: «Зиль-зёль», «Менам муса коми му», «Абу кэ дыш», «Коми Парма». Мича югыд костюмъясыс, чужан сёрни, ласков гэлӧсъясыс – тайӧ став мичсэ изьватас культуралысь праздникас петкэдлісныс.

2022 во вылын Горкаса велэдчанинын вӧлі лэседэма нэшта ӧтик фольклорнӧй чукар «Пелысь мольяс». Челядь чолӧмалісныс колективсэ 10 арэса юбилеен и козьналісныс став гӧстьяслы гажа, мича сьыланкыыяс сэтшӧм кудь «Лым», «Сьыла – йӧкта». Копылов Семён, Феллер Дима да Грошников Марк лыддисныс изватас кылэн рэп. Жданова Вероника, Яманди Катя, Добындэ Богдан, Свинарь Адам, Копылов Семён, Феллер Дима, Грошиков Марк кыыбуръяс изьватас кылэн лыддисныс.

Югыд номерэн гажэдчем рытпукалӧмас лои мойд «Шыр да катша», кодэс петкедліс театрса кружок «Фургончик» (веськэдлысь М.И. Мединскӧй).

«Кудь бур вӧлі тон видзӧдны сэтшэм гажэдчем вылын да кыыны мича чужан кыы, – висьталэ Владимир Герасимович Филиппов. – Кутшӧм челядьыс молодечьяс. Зэй бур произношениеыс ставыслэн. Ме зэй бура шоччи. Ыджыд аттьӧ рытпукалӧм лэседысьяслы Татьяна Иосифовналы да Мария Иосифовналы».

Рытпукалэмыс эштіс дружнэй тшайюӧмэн да шоныд кэсйӧмъясэн. Мед жэ олас коми кыы.