Велэдӧ изьватас кыы микеднум

«Корсь пара»

Челядь юксеныс кык команда вылэ. Суутэныс ёрта ёрт ныскэд водча. Ӧтик командаа ворсысьяс босьтэныс разнэй рӧма карточкаяс: лӧз, турунвиж, гӧрд, виж, сьӧд, еджыд, сера. Мэд командаа ворсысьяс босьтэныс карточкаяс, кэн серпасалэма предметъяс быдчема пэлэс тема кузя «Чачаяс», «Паськэм, кэмкот», «Град выы пуктасъяс», «Мебель», «Ягса пемӧсъяс да лэбачьяс», «Керкаса пемӧсъяс да лэбачьяс» и сідз воде. Велэдысь висьталэ кыытэчас, например: горд пызан, сьод кань и с.в. Челядьяс корсеныс предметлысь, коді серпасалэма карточкаас, нимсэ и сылысь признаксэ и петкэдлэныс велэдысьлы.

«Корсь да петкӧдлы»

Тайӧ ворсэмас позе ворсны ӧтик челядькэд, а позе и чукарэн.

Пызан вылын куйлэныс карточкаяс, кэн серпасалэма предметъяс быдчема пэлэс тема кузя «Сёян-юан», «Вотыс», «Пуяс», «Морт юкэн», «Град выы пуктас», «Пемӧсъяс» и мукэд. Например, лексическэй тема «Сёян-юан» велӧдӧм бэрын велэдысь висьталэ челядьлы либэ ӧтик мортлы корсьны серпасалэма предмет. Например, велэдысь висьталэ ныылы: «Маша, корсь да петкодлы кольк». Если ке челядь ликтіс колана предмет правильнэя, сылы сетасныс фишка. Ворсэм эштэм бэрын лыддзӧныс эктэма фишкаяссэ.

«Пуксьой»

Ворсэмысэ колэ нуэдны кымынкэ челядькед (5-10 морт).

Класс шэрас сулалэныс кытшэн улэсъяс; Улэс лыдыс – ӧтикен этшаджык, чем челядьыс.

Челядьяс ветлалэныс класс кузя, кэн ньӧж ворсэ изьватас мелодия. Велэдысь сетэ быдчема пэлэс мог, а челядьыс ныэ карэныс: чеччалӧ, войэдӧ, мунӧ, суутӧ, сёйӧ, узьӧ, йоктӧ, мыссьӧ и с.в. Кор челядь кыласныс команда пуксьой, эддьӧ должэнэсь пуксьыны улэс вылас. Челядь, коді коле улэстэг, петэ ворсэмысь.

Быд пэра кытшысь дзимлялэныс ӧтик улэс пока оз коль ӧтик.

«Пӧръясьысь»

Велэдысь корэ челядь карны зарядка. Воджык сыа ньӧж висьталэ и петкэдлэ кутшэмке юкӧн (тайо ныр, пель, вом, юр, кок и с.в.), бэрвы быд пэра содтэ тэмпсэ и воще пӧръедлыны – петкэдлэ ӧтикэс, а висьталэ мэдэс.

Челядь жэ должэнэсь бура кыызыны и петкедлыны колана юкэн.