Олiс – вылiс важэн мича Рӧман. Мича Рӧманлэн вӧлi бабаыс Краснэй Марфида. Олiсныс бура, керкаын олӧ- мась. Слугаяс нылэн вӧлiныс, асьныс кудз купчихаяс. Слугаясыс корке вала лэтчисныс и локтэныс: – Мича Рэман хӧзяин да мича Рэман хӧзяин, Краснэй Марфида хэзяйканумес нуны локтэныс кумач парусаяс.
Мича Рӧман босьтiс шы эшын улас ыджыд яма кодьдис, сэтче Краснэй Марфидаэс пукседiс, водзнырас сись эзтiс, пу пӧданэн пӧдналiс сыйэ, кӧрт пӧданэн пӧдналiс да сит куеген ветчис.
Воисныс кумач парусаяс, корсеныс Краснэй Марфидаэс, оз висьтоныс, дебисныс да. Корке нылэн дамка пон вэлi корсьысьяслэн. Дамка понмыс мунi шы ӧшын улас. Сэтче зырӧдлас и нылы моресаныс чэччылас, дамка понмыс ликтiс нылы. Сит куегсэ рӧитiсныс, кӧрт пӧдансэ босьтiсныс, пу пӧдан воис. Пу пӧдансэ восьтiсныс – Краснэй Марфида сэн пукалэ, водзнырас сись. Босьтiсныс и нуисныс мича Рӧманлысь бабасэ.
Дыр ли недыр ли, сыа сэтэн олiс ны дорын. А нуысьяс лек народ. вэлiныс. Сэсся яй пуны сетасныс, матушка и быссэн выйым. Яй пуны сетасныс, яйсэ кысконы кучас быссэн морт гыж лек, морт кияс да мыйда и сыа оз мӧд сэсся сейны. Мый кудз сыйэ сеяс? Сэсся висьталас матушкаыслы:
– Ме мӧда пыысян ломты. Яйсэ ог мӧд сейны.
Висссьталэ:
– Но ломтан ке ломты. Медланэ мужикьяс водзджык пыысясныс, ми бара бабаяс бӧрвы пыысям.
Мужикьяс пыысясныс, сёеныс сыйэ яйсэ. Матушка – моня мунӧныс пыысьыны. Матушкаыслы висьталэ:
– Тэ мун керка, ме бӧрвыджык воа, ме купачча нӧшта.
Кудзке ныысь пышйыны. Купатьчыны мунэ, перна кӧлас ыджыд из кӧрталас и ю кузяыс кыытас. А мӧдьяс витченыс на пыр.
Мунэ дi мунэ, мича Рӧман керка весьтас воас. Сэтче петэ. Слугаяс лӧтчасныс ю дорэ, кыылэ гӧлэс висьталэ:
– Слугаясэ, мунэ да мича Рэман хӧзяинныдлы висьталэ мед нин менчум праздничнэй паськемес ваяс, да простыня ваяс.
Сэтче нин сыа челядьсэ рӧдитас дi:
–Ачумес нин пырпыр номьяс сейисныс, челядес нин пырпыр номьяс сейисныс.
Пыышйэн только слугаяс мунӧныс:
– Мича Рӧман да мича Рӧман хӧзяинум, Краснэй Марфида хӧзяйканум воома да тэнэ корэ.
– Кысь нэ нин сыа воас, ин пӧрйэдлэ.
Энiя бара лӧтчасныс. Бара нылы висьталэ:
– Корэ мича Рӧман хӧзяинныдтэ, да медланэ ваяс менчум праздничнэй паськемес, да челядес гартны простыня. Ачумес нин пырпыр номьяс сейисныс да челядес нин пырпыр номьяс сейисныс.
Мича Рэман мӧдысьсэ лӧтчас, а забыль сыа. Лӧтчедас мый корас, пыжӧн сыйэ вуджӧдас. Пыжӧн вуджӧдас и бара кучасныс бура ооны. Челядьыс нин войлалан койд лойи, быдмис детина.
Корке слугаяс вала лӧтченыс, висьталэныс:
– Мича Рӧман хэзяинуме, мича Рӧман хӧзяинуме, Краснэй Марфида хӧзяйканумес бара нуны локтэныс камка парусэн локтэныс.
Мича Рэман босьтас ыджыд сабля, кеслас сыйэ зэй бура, а челядь войлалэ. Воасныс энiя бара Краснэй Марфидала. Код пырас сылысь и юрсэ керыштас, код пырас сылысь и юрсэ керыштас, а детинаыс войлалэ:
– Сыйэ нин ин керо, сыа менам айэ.
Кынэм пытшкессянь тӧдэ. Мамыс шуэ:
– Кутшем тэнад ай, тайэнэ тэнад айыд.
Сэсся тавсэ ныйэ виялас мича Рӧман, босьтас зэй ыджыд яма коддяс, ямаас лӧдалас. Вот и пом.
1994г. Е.А. Терентьева, г. Салехард.
