Векнин сыа вӧлі. Сы пӧраас чери кос му вылын на оліс ставыс моз. Этпырысь чери висьны вошйис, куйлэ и ружтэ:
– О-ох, о-ох!
Пиыс кыызіс, кыызіс ружтэмсэ, да и петі чомйысь, этлег мамыслы корсьны. Петі и аддзис пу вылын пэрысь куваркан пукалэ.
Куварканыс бара же аддзис дёля черисэ и юасе:
– Чери пи, мыля нэ тэ сэтшӧм гажтэм?
– Маме висе, ог тӧд мый карны.
– Ин шогсьы, – висьталӧ куваркан: Мӧдан, ме тэныд ортсала? Мамтэ бурдэда. Тэ менэ ыллаын виччы, чомъяс ин пыр, мамыд ке горзыны кучас. Горзӧмнас сылэн висяныс кучас петны. Гӧ- гер воин?
– Вои, вои, – висьталэ чери пи. И кольчис ыллаын. А пӧрысь куварканыс пырис чомъяс. Видедэ, а чом пелесас чери куйлэ, сьӧкта поялэ, семъыс тшӧгсьыс волялэ.
– Воти чӧскыд! – артасе куваркан, а ачыс юасе:
-Мыля тэ куйлан?
– Висем менэ босьтіс, – висьталэ чери.
– Мӧдан ме тэнэ бурдэда? – юасе куваркан.
– А мыен?
– А тае мыен! – и куварканыс зэй вына кучис кокооны черисӧ.
Чериыс поозис, да кучис горзыны: Пие, пие, кӧн нэ тэ? Куварканыс менэ сёйны мӧдэ.
Чери пи вугзьысис чомъяс и вӧтліс куваркансэ. Куварканыс скэрмис и корис ассьыс куваркан ныыёртъяссэ. Кучисныс ныа черисэ тшыгемтыны. Чериясыс кучисныс нӧтчыны тытче-татче, да и вугзьысисныс ва улэ. А из и вӧйныс. И никод ные из вермы сёйны. А ва улас сёяныс нылы уна! Сы пӧрасянь и кучисныс черияс ваын ооны. И бура олӧныс!
Вуджэдіс А. Худалей 31.10.2023
