Россия хон мувев ԓоватан уԓты шимԓаӈ мир хоятат Ассоциация 35-мет таԓ постаты актащисат
Шимԓаӈ мир хоятат Ассоциация государственной власть пиԓан йи юр па юш понман шушԓат. Няврэмат туӈа-щира утаԓтыты, рут ясаӈ шавиты ураӈан ар рупата верман уԓ. Щи тумпийн, кашӈ мир йис ёхԓаԓ уԓапса инты унты шавиԓԓы па еԓԓы туԓԓы. Хон мувев атма питтыйн, аратаԓ мир муваԓ шавиты ԓойԓ. Шимԓаӈ мир ёх хоятат ин ищи ляль харан уԓԓат, мувев аратыман.
Григорий Ледков ястас: – 35 таԓ муӈ ияха постаԓэв. Ин там Ассоциацияев онтасн шимԓаӈ мир хоятԓув ант ёрэмасайт па нумԓайт. Шеӈк ун рупата хув тэԓан уԓты вотам икет версат па тамхатԓ унты нётԓат. Ԓув аратаԓ лакки уԓам мират ияха акатсаԓԓаԓ. Щишан, муӈ йи хоттэԓ хоятат иты уԓԓув, кутԓуван нётасԓув. Муӈев ищиты еԓԓы манты мосаԓ, рупитты, йис уԓапсайԓув шавиты.
Щи сыс Ассоциация Х съезд верса па потарса муй хорпи воԓаӈ рупата няԓ таԓ сыс верман уса. Мет такан рупитам хоятат мойԓаптасайт, ишаксайт. Ассоциация яԓап куща пирыса. Щиты арпелк шимԓаӈ мир рут хоятат ханты хоятэв пирысэԓ, щит – Александр Вячеславович Новьюхов. Па еԓԓы так номас понԓув тумтака уԓты.
