Васьёханов ашкуԓа-интернатан рупитты воспитатель Раиса Александровна Конева «ВерШИны Ямала-2025» педагогической мастерство округ касапсайн касас
Щита 13 хоят касас. Рупатаеԓ хуват ар хорпи верат ԓэщатсат па этаԓтысат. Касапсайԓаԓ хуԓам этапан заочной па очной щирн мантсат. Раиса Александровна лауреата нэм касапасаян хойса.
Касапсаев хуԓам этапан манас. Онлайн сирн визитной карточка китсув. Потрэм интернатан уԓты няврэмат эԓты тусэм. Си юпийн, ветхосьяӈ инсясапсая ёхԓы маты потрат масам.
– Кат этап очной щирн манас. Жюри ещаԓ няԓ рупата этаԓтысув. Щита ма презентация няврэмат уԓапса эԓты ԓэщатсам, нёхты хор версам. Щи тумпийн округев эԓты ёнтапса ԓэщатсам па Овс касапсайт эԓты мастер-класс альсам, – ястаԓ Раиса Александровна. – Кашӈ хоят, хой няврэмат пиԓан рупитаԓ, верты рупатаеԓ уятԓаԓԓы. Там йисан онԓайн щирн ар хорпи касапсайт манԓат, интернатан уԓты няврэмԓув ищи тохи пиԓтасщԓат. Ай куртатан рупитты хоятат ар рупата няврэмат пиԓан верԓат, уйтантопсайт, вантопсайт ԓэщатԓат. Сишан ма нумасԓам, ԓаварт ант питаԓ. Туп паԓты ант мосаԓ, щи порайн иса тыйԓ.
