Добро пожаловать на сайт газеты to Северная панорама   Click to listen highlighted text! Добро пожаловать на сайт газеты to Северная панорама
Нажмите "Enter", чтобы перейти к контенту

Яхсат вуӆэң ёх емхатӆ вантыя

Last updated on 4 апреля, 2020

Казым куртан Белоярский район Ёмвоош округан 29-мет Курк тыӆащн емхатӆ поснтаса

Тампуш вуӆэң ёх емхатӆат воӆаң ант поснтасаят. Меет оӆаң хатӆат поснтаты кум шитсат. Па ин мур ӆоватн яӆап муш этмаӆ, нэмӆ – коронавирус. Щи муш эӆты паӆман карантин верса. Иса емхатӆат поснтаты вер эӆты нох вусаят. Ястаса ёӆн омасты.

Карантин еӆпина ариты «Щаня ёх» нэңат Казым курта яңхсат. Щита вуӆэң ёх емхатӆ вантсат, ӆувеӆаӆ этаӆтасат. Ям хорам ханты арт арисат. «Щаня ёх» пиӆан Инна Романовна Лонгортова па яңхас. Ӆув ищи туса якты па ариты нэ. Ӆув камтса ясаң ястас емхатӆ эӆты.

– Казыма яңхты муңев нётапса верас Овкурт утхот куща Иван Григорьевич Рочев. Там газет эӆты ӆувеӆ ун пумащипа ястаӆув. Ӆув муңев таӆаң машна сэвс тайты хоят пиӆна митаӆыйс па муңев тохи китсаӆӆы, – потарӆ Инна Лонгортова. – Тохи манты юшев хув уӆмаӆ. Хутсот моӆтас километра кем тарңаӆтсаюв. Юш кутапн, хой ишн, иӆ тахарӆыӆув. Ипуш машнаев шукаӆыяс. Йи тахаян тапыӆысув, па юш хуват манмев. Щиты айнайн мойӆыты лотэва ёхатсув.

Шоши хоятӆув таӆтэӆн ант манмеӆ. Ӆув арӆаӆ, якӆаӆ патан тувмеӆ. Мойӆапсая тонты эӆты верам пормасат уймеӆ. Тохи ёхатмеӆн муң шоши ариты хоятӆув турсыйт щащтэӆ. Щит Валентин Вальгамов па Леонид Лонгортов арӆаӆ радюва хуват хуӆантӆаят.

– Щикем ям муң арӆув па муватн хуӆантӆаят. Щи эӆты аматман ма ӆувеӆаӆ диск арт пиӆна мойӆасам. Хоятат нох аматсат, – ястаӆ Инна Романовна. – «Щаня ёх» нэңат пиӆан ариты па якты ӆойӆысув. Таӆаң концерт версув. Щикем яма хуӆантсаюв па хоӆна парсаюв ариты.

Казым вуӆэң ёх тащӆаӆ пиӆн вутча касӆыман яңхӆат. Нэңӆаӆ ёӆн куртан омасӆат, ӆув пиӆаӆн ант яңхӆат. Щи тахаятн тащ хотатн яңхты нэ воӆӆы нуша. Сишн ёх саран па рущ нэңат туӆат. Щи нэңат воӆаң ант ёнтасӆат, рущ щирн уӆӆат.

– Хун муң тохи ёхатсув, мояң хоятатн муң чумработницаят юкана тайсаюв, – няхиӆыяӆ Инна. – Муң муй кашң хоят ханты ернасӆувн па сахӆувн ёхатсув. Сишн щи туристат нумасӆат хотаң нэңат шушиӆыӆат.

Щи вуӆэң ёх ищи муң итэвн юращӆат па касӆат. Вуӆэң ухаӆн навраӆтыӆат, ухаӆ шоппи наварӆат, ӆохн хухаӆӆат, тынщаң ёваӆӆат. Иса уӆ, туп нэңат хорам ёнтам сахат ант ныӆаят. Па нох питам хоятата мойӆапсайӆаӆ воӆӆы нушаят. Таңха емхатӆ ураңна шимаӆ ох-шук митаӆыӆа.

Будьте первым, кто оставит комментарий!

Добавить комментарий

Ваш адрес email не будет опубликован. Обязательные поля помечены *

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!