Нажмите "Enter", чтобы перейти к контенту

Сорнең ёщаң ханты леккар

Last updated on 11 мая, 2021

Леонид Гаврилович Куртямов Ӆорвош районэвн, Ямал мувевн па хоӆна ар тахаятн яма уйтӆа. Ӆув уӆтаӆ хуват леккара рупатс.

Тампуш, 29-мет хатӆ Ункер тыӆащн ӆув сэма питам хатӆ поснтас. Ӆувеӆ ӆапатъяң таӆ хойс. Сэма питас ӆув хорамаң сюняң Щаня мувн. Ащиӆаӆ-аңкиӆаӆ вуӆэң хотатн яңхсат па хуӆ веӆман рупитысат.

Хун ӆув ашкуӆа етшас нумасты питас хоӆта манты. Рупатты, мосаң еӆӆы утаӆтыты. Ӆув нумас понас: аңкем па аще мая ант йиӆат, пирщаматы питсаят. Щиты леккара утаӆтыты нумас понас.

– Ашкуӆа етшам юпина муң ӆухасӆув пиӆна Тюмень воша мантсув. Оӆңа нумассам, мосаң няврэмат касты утаӆтаты хоята манты, мосаң мув ванты хоята геолога питты. Щаӆта так нумас понтсам леккара еӆӆы манты утаӆтыты. Щи порана муң шоши ханты хоятӆув кутн шеек ар леккар антом ус, – потарӆ Леонид Гаврилович. – Утаӆтыты етшасам па мохты ёхи йисам. Меет оӆаңн кат таӆ рупатсам хоят ӆов муш лечитман. Щи порана Ямал мувев ӆоватн артан яӆап вошат па куртат ӆощты питсаят. Ар тахаят эӆты ар-сыр хоятат хотат верты ёхатты питсат. Рупатман ар хоят камн-щирн ӆувеӆаӆ мушмаӆтысат. Атаң хатӆатн мушаң хоятат хоща кимет леккарат пиӆн яңхсув. Ӆувиӆаӆ тумтака павтысӆув. Меет ӆавартан кашаң хоятат Пуӆңавта тутӆысаят. Щита операцияят версув.

Хун ёш па кур ӆов шука тохӆ – щит меет ӆаварт туңа-щира лечитты па паватты. Сишн ӆув яӆап щирт каншты питас, хоты сорашк мушмаӆтам ӆовт ияха акатты па ханаӆты. Ун леккар Илизаров нэмпи карты ющатн шукаӆам ӆовт ияха пувтты питас. Щиты сорашк хоят тумтака йиӆ. Па хой ювра энмам ӆовт щи мутраян туңа-щира рахты рахаӆ.

– Кашң хоят ӆув рупатаяӆ туңа-щира уйттыя мосаӆ. Щи пораян рупатаен яма манӆ. Леккар рупатаян па вевтама рупатты па лэньтты воӆӆы ант рахаӆ. Ма рупатаем хуват ар-сыр мувата утаӆтыты яңхсам. Кашң таӆ ивевн яӆап лечитты щир этаӆ, щит иса уйтман па нумман тайты мосаӆ, – нумасман ястаӆ Леонид Куртямов. – Ин па камн-хорпи мутраят компьютерат па нётӆат хоят тумтака паватты. Веӆщи рупатты леккарата ищи нётты мосаӆ. Эӆты вантман нётап верты. Хота ям ясаңн, хота этаӆтыман мосаӆ энамты ёха нётты. Щиты ӆув самаңа еӆӆы рупатты питӆат.

Леонид Гаврилович рупатмаӆ хуват ар хоят тумтака павтас. Вет щорс-кем моӆтас операция верас. Няӆъяң таӆ Пулңават ун больницаян рупатас.

«Заведующему отделением травматологии Леониду Гавриловичу Куртямову: Леонид Гаврилович, спасибо вам за наши ноги. Здоровья и всех благ!

Очнулся – гипс. И как назло
стрельнуло левое плечо.
Боюсь теперь идти в больницу.
И жизни новую страницу
Мне там придётся открывать.
Совсем не нужно унывать!
Есть день врача, и мой совет
– Беги скорее в кабинет!
Ведь чудо есть, и есть они –
Родные травматологи.
Спасибо! На ноги подняли.
Без Вас бы мы совсем пропали!
Мы Вас сердечно поздравляем,
Хороших графиков желаем!

Пациенты палаты №360: Лаптандер Н.Х., Лаптандер С.М., Черкашина З.С.»

Щимащ умащӆыям па ун пумащипа ясңат тэӆыя леккарэв кеша ханшаман уӆӆат. Леонид Куртямов «Заслуженный врач РФ» па «Почетный гражданин ЯНАО» нэмат тайӆ. Ӆув ӆохн ай пора эӆты хоӆна хухатӆыяӆ, ухаӆ шоппи наварты хошаӆ: неоднократный призёр областных соревнований по греко-римской и вольной борьбе, чемпион па мастер спорта по северному многоборью.

Ин ӆув пенсияян уӆ па аӆ щиты ант омасаӆ. Энамты леккарата пораян нётаӆ хота ясаңн, хота верн. Кашң ӆапат ӆохн хухатӆыяӆ па касты ӆойӆыйӆ. Энмам куртаӆа яңхиӆыяӆ. Хуӆ па вой веӆты яңхаӆ.

Ар яма рупатам ураңна па сэма питам 70-таӆ кеша Почётной грамотой губернатора ЯНАО юкантам. Еӆӆы ӆувеӆ тумтака уӆты па ям верт еӆӆы туты. Щимащ умащ шоши хоятатн муң ханты мирэв хувтан мур ӆоватн уйтӆа!

Будьте первым, кто оставит комментарий!

Добавить комментарий

Ваш адрес email не будет опубликован. Обязательные поля помечены *

+ 44 = 49

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!