Нажмите "Enter", чтобы перейти к контенту

Ӧтувья рӧдвуж

Last updated on 10 октября, 2021

Мыжыӧ волiсныс изсайса «Мадаяс»

Таво тырис 100 ар Коми Республикалы. Инта карын олысь и «Мадаяс» которын сьылысь йӧз, гижӧмась проект, мед ветлыны изсайӧ да ӧтувтны войтырнумӧс.

«Мадаяс» – тайӧ комиӧн сьылысь котыр, Инта карысь. Кызь кык во сайын чукартӧма котырсӧ Эмилия Гаршина. И сы пӧрасянь ныа пыр на видзӧныс изьватас кыысӧ, паськӧмсӧ, сьыланкыыяcсӧ, йӧктӧмъяссӧ да оланногсӧ.

Ӧторни петкӧдчӧныс карса гажъяс вылын, сьылӧныс фестивальяс вылын. Ветлӧныс выступайтны Инталы матысса сиктъяссӧ: Адзьвавомӧ, Косьювомӧ, Абезьӧ, Ярпиягӧ. Гажӧдӧмась Изьва районсаи Печораса йӧзсӧ. Сюрлӧмась Воркута карӧ, но мед радейтана петкӧдчӧм вӧлӧма Сыктывкарын. Сэн, 2010 воын, сетӧмась ыджыд концерт коми культура шӧринын. «Мадаяслы» Интаса шылад тэчась Виктор Ударцев гижӧма «Коми деревенька» сьыланкыы, сыйӧ и Мыжыын сьылiсныс. Котырын сьылӧныс куш аньяс и нылы зэй лэсялӧ, мый челядьныс, нук-нучканыс ӧтчӧдз велӧдчӧныс радейтны, вылӧ пуктыны чужан войтырлысь оланногсӧ. «Мадаяс» гижӧмась корӧм, мед ветлыны Харута да Мыжы сиктъяссӧ,мед водзӧ вылӧ ёртасьны, ветласьны да кутны йитӧд ылысь олан йӧзкӧд. Харута сиктыс Инта дорсянь неылын, но муясыс Ненецкӧй автономнӧй округлӧн. Сэтчӧ ветлӧмась да сетӧмась концерт тулыснас на, а Мыжыӧ токо арнас удайтчис волыны. Бӧрйӧмась тайӧ сиктъяссӧ абу прӧстӧ. Харута сикт артмӧдӧма, 130 во сайын, изьватас морт – Фёдор Канев, а мыля Мыжы – асьнум тӧдам. Сыдз сентяб 24-ӧд лунӧ, изьватас народ, чукартчим видзӧдлыны «Коми муын чужи, быдми» концерт. Колӧ шуны, мый воисныс и челядьяс кыызыны сёрни да сьылӧм. Дзоля зон, вомсӧ паськӧдӧмӧн, зэй юмоа узис коми сьылынкыыяс кыызымӧн. Висьталӧныс, сыдз бурджыка сьӧлӧмӧ пырӧ, гашкӧ и Егорко быдмас да лоас коми кыы да культура радейтысьӧн. Миян мича аньяс унаӧн воисныс видзӧдны изьватас паськӧмӧн. Залыс вӧлi югыд. Медводз синмӧ усис, мый «Мадаяс» туч миян паськӧмаӧсь и сёрниыс оз зэй торйо.

Кор вощисныс сьыыны мышку кузя йирмӧг (марашкияс) кучисныс войлооны, а вом тшӧтш вӧрис сьылысьяскӧд. Быд номер бура думыштӧма, гӧлӧсъяс мичӧсь, веськыд станъяс – аньяс топсе юсьяс ветлалӧныс сцена кузяыс.Дзонь часыс мунi вит здукӧн, а сьӧлӧм вӧлiмайтӧма выйӧн.

Концерт бӧрын никод миме из мӧд мунны, колiс кутны да сёрнитны асланум мада кылӧн мада мортъяскӧд. Артисткаяс шуисныс, мый мед локны татчӧ, кодкӧ босьтӧма, шойччан лунъяс, а кодкӧ нин пенсия вылын. Но ставыс зэй нин мӧдӧмась визлыны изсайса олысьяссӧ да муяссӧ. Татшӧм чукартчӧмъяс шонӧдӧныс пытшкӧс, сетӧныс вын выль и важ делаяс вылӧ и видзӧныс чужан кыынумӧс.

Ми кутам надея, мый тайӧ аддзысьӧмыс озло медбӧрӧн и коркӧ нин Мыжысаяс ветласныс Коми муӧ, мед петкӧдлыны асьныссӧ и сетны вын миян рӧдвужлы, кудз сетiсныс, тайӧ волӧмнас, ныа миян!

Будьте первым, кто оставит комментарий!

Добавить комментарий

Ваш адрес email не будет опубликован. Обязательные поля помечены *

− 3 = 5

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!