Нажмите "Enter", чтобы перейти к контенту

Каля Федьлэн казьтылӧмъяс

Лорвож районса Почётнӧй олысь – Фёдор Алексеевич Рочев, сы сёддор на сьӧлэмыс пыр висе олысь помлась да вэрва йылысь

Февраль тӧлысь кызед лунӧ Мыжы вӧлэстын чужіс детина, кодлы ай-мамыс Федэр ним пуктылэмась. Дзолясянь вӧлӧма тӧлкевэй. Школаын велэдчыгас нин чери колхозас кыйӧма. Армия бӧрас пыр уджалӧма веськедлысен. Сюрс окмыссё кӧкъямысдас квайтӧд воӧ петі пенсиявылӧ. Нэмсэ олӧ Мыжыын, зэй бура тӧдэ водя олысьяс сэ, уна гижис ас чужан му помла.

Уджалыгас Фёдор Алексеевичес уна пэ пасйылісныс Почётнӧй грамотаясӧн, выйым правительственнӧй наградаяс, звание Ветеран труда. Кык сюрс воӧ сетісныс Лорвож районса Почётнӧй олысь ним.

И кудз ачыс ассьыс олӧмсӧ казьтылӧ: «Ме татэн рӧдитчи, татэн ола, маме и айӧ, и дажэ бабе сюрс кӧкъямыссё сизимдас ӧтик воӧ татэнжэ рӧдитчисныс. Дедэ Коми АССрысь, флотын служитӧма дас ӧтік во, Сьӧд саридзын, сідз татче воӧма да татэн гӧтрасема бабе вылын, сэтысянь миян рӧднум и мунэ.

Айӧ кӧрдор морт вӧлі, асланыс кӧр вӧлӧма, бабе крестьянскей семьяысь. Чери кыйӧмен да турун карӧмен олӧмась, скӧт видемась. Тӧдӧм вылӧ вайӧді, гижи, ассюм рӧдсэ сюрс кӧкъямыссё сизим дас ӧтік восянь тавсэ. Поколение – поколениеяс нин мунӧныс.

Ме лыдзылі мый татэн изьватасыс вӧлэмась нин дас кӧкъямыс нем пуксьыгас, а официальнӧя документас нин гижэма, мый сюрс кӧкъямыссё нелямын кык воын Мыжыын нин дас семья изьватасыс олӧмась. А сыӧдз на мыттэм волісныс.

Мыжы вӧлэсьтыс дзолиндзык вӧлі ме челядь дырья, ӧтік улича, керкаясыс топ курича керкаяс, поснидӧсь. Миян дзоля керканум вӧлі, а кӧрдорсаяс воасныс да тыр посвылас узеныс. Ыджыд пачьяс сэк вӧліныс да ми челядьяс пач вылас узьлім, поскас-кӧрдорсаяс.

Ме кор армияысь вои, дас месеча курс бӧрын сиктсасӧвет юралысьӧн бӧрйисныс.

Ме уджалі колхозын и сыйӧн унаӧс тӧда, медча, код татэн кытыдынджык олісныс и кодкед бара вӧйна дырья чери да мыйда кыйим. Степко Вань Гал – Гаврил Иванович Ануфриевкед отторэ чери кыйим, зэй бур морт вӧлі, раскулаченнӧйяс, дзоля керкаын олісныс. Пиянсӧ, Николай Гавриловичес да Антон Гавриловичес, зоотехникен вэлі, тыш вылэ босьтісныс, кык вок вӧлі и кыкнаныс синыс.

Васька Вась, Филиппов Василий Васильевич, зэй бур морт вӧлі. Сэк народ бур, прӧстэйэсь, статнэйэсь. Ыджыд тыш дыръя черисэ отторэ карӧныс, сэк вед из миме нуныс. Войнас чери кыйан, воан да мимӧ каран, солалан да сэсся унмосян сэтче карыгас, тарикьяс пиняласныс.

Этпыр, помнита, сыні, а унмосема да эпаснэйе кылалі, челядь, челядь и выйым. Дас кык арес, а чери кыйим колхозлы сы пӧраас. Токо тарикьяс да челядьяс. Миян дас ӧтiк морт бригадаас вӧлi, баба рӧд на вэлі Елена Фёдоровна Чупрова и Филиппова Татьяна. Лорвожын ми только нёлен вӧлім, Унсыльгортын турун карим. Сюрс окмыссё нелямын ӧтiк во вылас, сэн комын куим морт бригадаыс, косаэн мышкыртчемен велэдісныс. Ми куим вӧлім детина, Беляев Фёдор сюрс окмыссё кызь сизимед вося вӧлі, ме сюрс окмыссё кызькӧкъямыс вося, мукедыс бабаяс да Бариня Петра бригадир. Сьӧкыд пӧра вӧлі, жалэбитчыны никод из жалэбитчы, пӧнимайтісныс. Сэк колхоз дырйи, кад вылӧ из видзӧдныс асы водзсянь да рытнас кэкьямысэдь уджалiсныс. Воасныс да бара керканыс ставыслэн скӧт, колэ лысьтысьны да вердны. Лунбыд уджаласныс, рытнас бара аслыныс турун карны мунӧныс. Никод из дышедчы.

Сэк веськедлысен вӧлi Петра Филь – Филипп Петрович Конев, Ыджыд тыш дырьясь вӧлі Хозяинова Вера Фёдоровна, Калюш Федьлэн нылыс, ны бэрын вӧлi Орлик Кэсьта, сы бӧрын бара Терентий Васильевич. Ветымын во помас совхозыс нин вошйис пуксьыны. Уджалыгас на лектор вӧлі, командировка ыстасныс и вот быдлаын Овгортын, Ямгортын и Азовын, Горкаын выступайті.

Уджалi сиктсӧветын, сэсся райком партияын, совхозын рабочком весь кедлысен, секретарен порткома и совхоз юралысьӧн. Сы бэрын – райисполкомын дас во пенсия водзнырас.

Ми вӧлім медводз делегатъясӧн медводз ассоциация «Ямал – потомкам!» съездын. Ме да нэшта Елескин Фёдор Кондратьевич, Вахмянина Татьяна Овгортысь, Палкин Илья Алексеевич – ми районсюнум дас ӧтiк морт вӧлiныс.Сы пӧраас командировка частэ ветлi да зэй бура тӧді, олыштэма народсэ ставсэ.

Воан, пыран, тшайэн ютасныс, водан ныкед ӧтла, ӧтлаын узьлан, из юксьыныс. Ны дорэ пыроолi и ме дорам волiсныс. Менам фотокарточкаяс выйымесь, ме сэк фотографияясӧн занимайтчи. Ныа ми доранум воасныс Тапсы Васька, Яраска Федер, Костин Василий. Тарикьяс семьянаныс, тшай юасныс, узясныс, ныкед вӧлiм кудз рэднӧй вокъяс.

Удж сертi зэй менум лӧсялiс Артеев Демид Кузьмич, райисполком юралысен вӧлi, участник войны раненӧй, сыа и менэ велэдіс уджооны. Уджоны кучим, сессия вылын райсовета юасем визьлалiм райисполкомса шуӧмтор олӧм пыртӧм трахома висьӧм бырӧм помлась. Сэк трахомаэн зэй висисныс и кыызiсныс менэ кудз сиктсӧветса веськедлысес. Ме на медводз во уджалi да мый на сэк гӧгэрвоа. Филиппов Данил Васильевич Лопхариысь баражэ вӧлі. И кудз кучисныс кыкнанумес критикуйтны, сэк мода вэлі сэтшӧм, но колi велэдны жэ, ми сыйэ критикасэ иг на гэгервоӧ. Дебсям, синпӧнас топ тэ вылад и видедэ.

Секретарӧн райкома Дербунов вӧлi, сыа бара критикуйтны кучис. Ми Данилкед пукалім, пукалім да и петім, миме заявление гижим. Мӧдасылас Демид Кузьмич корiс ас дорас да и висьталӧ: «Ті мый каранныд», – «асьныд вед тшӧктинныд заявлене гижны» «Ті–висьталэ – критика мыйли он гӧгэрвоӧ». Кутшӧм критика, пинясинныд тай». Висьталэ: «Босьтэ заявлениеныдтэ». Сылэн заместительыс Вылкин Василий Никитич вӧлi, немсэ сэтэн уджаліс. Висьталэ «Мый дурачичанныд» – «асьныд вед тшӧктинныд». Иг босьтэ, сэсся Дергуновлы сетэмась, давай воспитывайтны миянтӧ, сэсся вӧльысь босьтім.

Демид Кузьмичыс зэй бур морт вӧлі, челядьыс дзонен Мыжыын быдмисныс. Кык квартирнӧй керкаын и олiсныс. Велэдіс сыа менэ уна вылэ. Водз полі кыы висьтооны, кудз петан трибуна вылас ставнас пыктан, гӧрдэдан, а бӧрвы хэть бы мый, бусьтэкесь сидз и колэ. Мортсэ колэ велэдны дзоля челядьмоз быд удж вылэ.

Нӧшта кодӧс бура пӧмнита сыа Русанов Николай Иванович, райисполком веськедлысен баражэ дыр уджаліс, Канев Аристарх Аристархьевич вэлi мэдӧд секретарын райкома, сэсся райисполком веськедлысен, Вторушин, Того Фёдор Константинович. Ныа вӧліныс зэй бур йӧз.

Ме думайта сідз, мый олӧмыске мӧдысь лоас ме мӧда сы туй кузяыс жэ мунны кудз коли этія туйыс. Вӧлiныс и шогасьӧм лунъяс, но мувылас сэтшӧм морт абу мед тавыс бур вӧлі. Корке и лек вӧлі, корке и бур, но лексэ пыр вунэдчан, а бурыс юр сайяд коле. Ме кӧсья, мед ставыслэн сідз вӧлі. Лексэ колэ вунэдчыны, а бурыс мед коле, ерта-ёртныскед мед ставыслэн бур вӧлі…».

Будьте первым, кто оставит комментарий!

Добавить комментарий

Ваш адрес email не будет опубликован. Обязательные поля помечены *

63 − = 55

1940-2020©СЕВЕРНАЯ ПАНОРАМА Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Тюменской области, Ханты-Мансийскому автономному округу - Югре и Ямало-Ненецкому автономному округу. Свидетельство о регистрации ПИ № ТУ 72-01224 от 16 марта 2015 г. Индекс 54344.
Click to listen highlighted text!