Мужи вошн ванхатӆап тыӆаш 15-мет хатаӆн шимӆаң рут мир хоятат ияха уйтантысат
Шимӆаң рут мир хоятат пеӆа вуща па мойӆапса ясаң китас председатель Думы Шурышкарского района Александр Худалей. Там ванан яӆап общественный организация районэвн этас – «Шурышкарские изьватас», куща нэңл Любовь Кондыгина мойяң ясаң ястас. Па щи юпина Лариса Жаринова, член Делового совета Россия хон мувев шимӆаң рут мират Ассоциация эӆты мойӆапса ясаң потартас па Почетный грамота Алена Тогачева ёша павтас. Ӆув энамты ёх пиӆан ӆапаткем таӆ рупатас.
Ин па пора ёхтас кимет хоят пирыты, хой шимӆаң рут мир энамты хоятат пиӆан рупатты питаӆ. Щиты, пирыса Светлана Пырысева. Ӆув морт-кем таӆ молодёжный политикайн рупатс. Энамты ёх верт яма уйятӆ. Ӆув так нумас понас шоши энамты хоятӆув нётты па ӆув нумасӆаӆ пиӆн еӆӆы манты.
– Муңев ин мосаӆ кашаң куртыенан каркамшак энамты ёх па эвет мощатты, ӆув па куртӆаӆн кимет энамты хоятат вана таӆты питӆат, – ястаӆ Светлана Владимировна. – Щиты муң артан ияха юраңшака питӆув. Муң шоши ясңев, уӆапсаев еӆӆы туты питӆэв па нётты питӆув муң хорпи энамты хоятата.
Щиты правление Ӆорвош район филиал Ассоциация хоща ищи яӆап хоятат ӆоңсат. Ишупӆ арат яӆап хоятат. Нумастэвн, еӆӆы меет ямашк ханты шоши уӆапса верӆув манты питӆат па нётты питӆув шоши хоятӆува. Дмитрий Тарагупта так номас понас еӆӆы рупатты. Уна пелка питам хоятат пиӆан еӆӆы рупатты питаӆ Ольга Заваруева. Уншак хоятат энамты ёх пеӆа ищи нумсат тайӆат па ӆувеӆаӆ нётты питӆат ям мосты верт верты.
