Кат энамты ханты нэ Спортивная элита Ямала хоща хойсат
Кашӈ таԓ Пуԓӈаватн ияха акатԓайт меет тус, юраӈ па каркам касты ёх. Щита ԓув Ямал мувев губернатор эԓты мойԓапсаятан мойԓаԓаят па ям ясаӈн ястаԓаят. Щи онтасн касты ёх еԓԓы нумас понԓат меет ямашк кастыя.
Ветьяӈ пеԓа нийԓ хоят тампуш меет тусшак 21 касты лотатн уԓмеԓ. Щиты муӈ ханты хоятԓув эԓты нох питсат Мария Куртямова па Надежда Лонгортова. Щи эвеӈӈан ивевн касман яӈхԓат, арпуш ар тахаян нох питыԓыԓат.
Проектан «Северный характер» меет каркамшак па харщи уԓмаԓ Надежда Лонгортова. Туняԓ ԓув оԓаӈ места шитас. Надежда тут хурты тахаян рупатԓ, сишн щита мосаԓ ивевн сора хухатԓиты па каркама уԓты.
Мастер спорта России по северному многоборью Мария Куртямова ай пора эԓты нох питыԓыяԓ, оԓаӈ местаят шитаԓ. Сишн тампуш па ԓув тынаӈ мойԓапсаян хойса.
– Ма мойԓапса мойԓаты тахая ёхатсам ма ёнтам ернасэмн. Хуԓам хатԓ ёнтассам. Щи тумпина сак па картсам, – ястаԓ Мария Куртямова. – Ма ханты эви, сишн манэм умащ этаԓтатыя муй хорпи хорам ханты ернасат муӈ тайԓув.
Ат па еԓԓы шоши хоятԓув яма касԓат, арпуш нох питыԓыԓат па тумтака уԓԓат!
