Лорвож районын быдмö гöгöр бурдöдчан турун
Вот-вот петасныс веж быдмöгъяс, турун, дзоридзьяс. Ныа ортсалэныс мынтэдчыны висемъясысь. Ин вунэдö заптысьны кэть нин медся колана да тэдса турунъясöн.
ЛАПКОР- подорожник Лапкор быдмö быдлаын, кöнí ветлö морт: муяс вылын, оланìн дорын. Лапкор бурдöдö аллергияысь, кынöмлöн ракысь, ортсалö бурдöдны бронхитысь, туберкулезысь. Лапкор лэччöдö давленньö, лöньöдö дой, суутöдö вир да бурдöдö ранаяс.
ЛАДАН ТУРУН – валериана Ладан турун быдмö гöра улын, юяс бэкын, нюръяс муяс вылын, вöр бокын, кустарникъяс костын. Ладан зэй дука турун, йöз вöдитöныс турунсö только кыдз шöр нервнöй чукöр лöньöдöм вылö.
ВИЖЪЮР- мать-и-мачеха Быдмö васöд сейöд му вылын, ва дорын, кушинъясын. Бура быдмö пöкат туй да мöдöдъяс, вöр эрдъяс, косьтöм нюръяс бэкын. Том коръяснас да дзоридзьяснас пуэма ва ортсалö син висьöм дырйи. Вына ортсалö кызöдысь мортлы бронхитöн висигöн, ангина дырйи отварöн пожъялö- ныс горыш. Веж коръяссэ ке пуктыны мыль, орэс дой вылэ, öдйöджык бурдас. Топта заваритöм вижъюра ваэн позьö мыськыны юр: ортсалэ юрси усьöмысь. 1 пань кор колэ заваритны стöкан пуан ваöн да сулöдны час джын. Юны васö 5-6-ысь лун.
ПЕТШöР – крапива. Йöз бурдöдчö- ныс петшöрöн корнас и вужнас. Петшöр бурдöдö ранаяс, ортсалö бырöдны вöркйись изъяс, сувтöдö вир. Петшöрысь отварыс зэй бура ортсалö юрси киссьöмысь. Петшöр быдмö и оланінъяс дорын, и видзьяс вылын, и ягын.
Том петшöрлысь посниэдöм бэрын колэ содтыны салатъяссэ: ортсалас бурмедны пытшкестэ.
КЕРЧ – багульник болотный. Керч быдмö нюр вылын, пожöма ягъясын, да вадор вылын ю да шор дорын. Керч зэй дука, вермö висьмöдны юр дыр кö олан да нюхайтан тайö быдмöгсö. Керч отсалö кызöмысь да кынöм висьöмысь.
КАТШАСИН – ромашка. Аптечнöй катшасин быдмö видзьяс да степъяс вылын. Йог моз садйын, туй дорын. Йозöс бурдöдчан турун отсасалö кынмöдчöмысь да гриппысь. Дёля челядьлы сетлöныс кынöм висьöм дырйи. Пожъялöныс орöсь дойяс да ранаяс. Ныыяс пожъялöныс юрси.
КöРТДОЙ ТУРУН – тысячелистник. Кöртдой турун быдмö быдлаын: видзъяс вылын, степьясын да садъясын. Ортсалö кöртдой турун судорогаысь, кынöм висьöмысь, кызöмысь, ортсалö суутöдны вир.
КАЛЕНДУЛА. Ортсалэ кынмемысь, лэньöдэ дой, вэтлö кудь, лэдзö давление. 1 пань дзоридз колэ сулэдны 2 стöкан пуан ваын 15 минут, рудедны да юны стэкан джынйöн нёльысь лун.
УРАЗНöЙ ТУРУН – зверобой. Ортсалэ гырк, кынöм висьöмъясысь, вэтлэ кудь. Кык пань турун заваритны 2 стöкан пуанваэн, сулэдны 2 час да юны луннас стэкан коймöд пайсэ.
Уразнöй турунысь карэм вый ортсалэ бурдэдны дойяс, сотчем да кыкмемъяс. 1 литра пэснöй вый, 0,5 кг веж дзоридз, 200 г водка кык вежолун чэж колэ сулэдны шонді водзын.
Ставыслы дзоньвидзалун!
Наталья Вокуева.
