Иван Истомин Февраль тӧлысь сизимед лунэ Лорвож районса йэз пасйясныс сё кӧкъямыс ар Иван Григорьевич Истоминлы
Иван Григорьевич Истомин – медводз Ямалса «сьылысь». Этайя мортыс ас гижэмьясас сьылӧдіс ёртасемсэ, радейтан лунъяссӧ вӧрваса мичсэ сьӧкыд войвыыса муыслысь, И.Г.Истомин – зэй сяма войвыса гижысь, серпасалысь, сьӧкыд судьбаса морт, но кужис ооны сэтшӧм бур олӧм, кутшӧм из быдэн дзоньвидза морт вермы ооны.
Педучилище велэдчыгас вэлі стенгазетаса редакторэн кэн сыа серпасаліс, гижис лозунгъяс, висьтъяс, кыыбуръяс. Этпыр кыыбурсӧ медводь май помлась яран Керка сцена вылысь лыддьис ныы, код тшэтш велэдчис. Сидь ставыслы сьӧлэм вылас воис сыа кыыбурыс, мый кучисныс корны гижысьсӧ. И сэк сыа топта шуис гижны кыыбур.
Важнӧй лоӧмторйӧн лои гижӧм газетын «Наръяна Нгэрм» («Красный Север») кыыбур «Кӧр». Кэн пасйӧма гижысьыс И. Истомин, студент. Кыыбурыс гижӧма кӧрдорсаяс чукартчем слёт кежэ.
Мукед кыыбуръяс костысь, Иван Григорьевич гижӧма очерк Костя Ненянг помлась.
Кӧкъямыс ар уджаліс окружнӧй газетас «Красный Север». ӧстэн судьбаыс слэймедіс яран гижыськӧд – Иван Юганпеликӧд, Леонид Лапцуйкӧд и мукӧд мӧд том гижысьясыскед. Ны помлась тӧдмалӧныс Ямалса лыддзысьяс.
Медводь книгаыс И. Истоминлӧн — кыычукар яран кылӧн «Миян Войвыы» — петэма 1953 во вылын Ленинградын. 1955 воын Тюменскӧй книжнӧй издательство лӧдьэ книга Иван Истоминлысь висьтъясэн «Ямалса асыы».
1955 воын медводь профессиональнӧй гижысес Ямалысь И.Г. Истоминэс босьтісныс Союз гижысь чукарӧ СССР. Гижысьяслӧн Олимп Ямалсӧ признайтіс литературнэйӧн.
1959 воын петӧ кыыбур чукар роч да яран кыылӧн «Тундраса челядь», 1962 воын – висьтъяс да повестьяс роч кыылӧн «Шуда судьба». Нуӧдис Гижис быдчема пӧлэс редакцияяслы мед лӧдясныс гижӧдяссӧ, но частэ воліс этказ.
Тюменьын олыгас И.Г.Истомин гижис роман-эпопея «Живун» изьватас кылэн, а сесся вуджӧдіс роч кыы вылэ. Медводь книгаясас вӧлі гижэма «Вуджэдӧма изьватас кыывылысь авторнас З. Янтовскӧй дырйи», бӧрвыджык книгаясас сыа гижэмыс абу. Сыа романыс петлі кымынкеысь и сыэн книгаясас быдчема воясас выйым неыджыд рӧзьнитчӧм, мыля быд редакция пуктіс ассьыс условиясэ и, Иван Григорьевич карис сидь кудь тшӧктісныс.
И.Г Истомин гижис из только серьёзнӧй гижӧдъяс: пьесаяс да кыыбуръяс. Висьтяссӧн да мойдясӧн Иван дедыслысь тэдмасеныс челядь дёлясянь.
Ассьыс туч ӧтік пьесасӧ «Дзоридз лым пытшкын» И.Г.Истомин гижис 1962 воын. Пьесыс ёртасьӧм, ёрта ёртлы ортсасем да радейтэм помлась.
1965 восянь — творческӧй рӧбета вылын. Кыбуръяс и висьтъяс, очеркъяс и статьяяс пыр печатачисныс окружнӧй да областнӧй газетаясас, быдчема пӧлэс журналъясас сэтшэм кудь «Войвыв Кодзув», кӧн ӧтік номерас печатайтӧма сьыланкыы «Лун кодь югыд войясӧй» кыыбурыс И.Истоминлӧн, музыкаыс П. Чисталёвлӧн, альманахясас «Полярнӧй кытш» и мукедас. Издательствоясас Тюменскӧй, Средне-Уральскӧй, «Современникас», «Советскӧй гижысяс» аддисныс светсӧ 20 унджык книга Иван Истоминлысь.
Гижысьыслӧн зэй быдчема пӧлэс вӧлі творчествоыс. Истомин рэбитіс вуджэдӧм вылын. Сыа роч кылысь вуджэдіс яран да изьватас кыы вылэ. Сы кыыбурвылэ уна гижэма сьыланкыы.
Иван Григорьевичес шуэныс медводь «сьылысен» Ямалса му вылас.
Олӧмыс пуктіс Иван Григорьевичес сьӧкыд условиясэ: дёлясянь – инвалид. Но сыа из лоо скэр, аддьис ассас вын ооны кудь бы из вээ сьӧкыд. Олэмсэ Иван Григорьевич оліс югда, бура. Помедьыс этая бур, сяма мортлэн вэлі дума – ооны и карны. Ӧні на яраняс лыдденыс Иван Григорьевичес асланыс гижысен, изьватасъяс — изьватас гижысен. А мукедыслы сыа российскӧй гижысь и пыр коле примерэн.
