Там сус туса потар ханшты, моньщты, арыты хоятат кутан касты ураңан щёхар тыӆащ яң-мет хатӆ эӆты. Аспотты тыӆащ нийӆ-мет хатӆ унты заявка-нэпек китты мосаӆ. Щи касапса нэмтӆа – «Мастер фольклорного жанра». Ямал мувев Овс мув шимӆаң мир хоятат пиӆан рупитты департамента Пулңават воша, Гаврюшина вошхулыя, 17-мет хота касапса ураңан потрат, моньщат, арат, ӆуңтарат китты мосӆат. Айкеӆ верты 8 (34922) 4-01-24, 4-00-71 телефон хуват рахаӆ. Касапса манты верат эӆты департамент сайтан туңа-щира ямашк вантты рахаӆ: ңttps://dkmns.yanao.ru.
