Коми муын ыджда пасйисныс чужан кыыяслысь лунсӧ. Ворсисныс, квестасисныс и тшӧтш гижисныс диктант Виктор Напалков гижӧд кузя. Салехардса водзмӧстчысьяс лэсьӧдiсныс диктантсӧ изьва сёрнисикас вылӧ. И кодкӧ, весиг гижис кык разнӧй диктант. Донъялӧ гижӧдсӧ, верминныд-ӧ тайӧс гижны: “Лун шӧрсяньыс юр весьтӧ ӧшйӧныс кос кымӧръяс, ӧта-мӧд бердас кучысьӧмӧн кыытӧныс неж. Сиктын керкаяс ляпкыдӧсь, ӧта-мӧднысӧ оз сиптыныс, и лунъясыс кажитчӧныс молля сир койд югыдӧсь. Сюрукъяслӧн кузяа баксӧм зыкъясӧн локтӧ рыт. ӧні сук руыс вольпась моз вольсасьӧ нин Эжва берегын, шамралӧ ас пычкас бадьяссӧ да горӧдан пас койд веськыд пожӧмъяссӧ. И тусо войыс бара кучас ворсны югыд кодюясӧн.
А кучем мичаӧсь шонді югӧрысь кыйӧм кӧсаа гожся лунъясыс! Дзоридз морӧса видьяс, тшакавотӧса ягъяс. Менам киын вит еджыд тшак – бусьтӧ вит вок: вылысяньыс шляпаныс пемыдгӧрд, пычкӧсыс сёркни койд еджыд да чорыд. Сэсся воас баба гожӧм – турипуу вотан кад. Озырӧсь джеджимгӧгӧрса вӧръяс.
Сёр арӧдь ме ола рэднэй вӧлӧсьтын. Водь водӧныс сиктын. Сулышта ыллаын, кыызышта чӧлуныслысь зыкъяссӧ. Бура карӧма морттӧ Енмыс: сетӧма сылы кык пель, кык син да ӧтик вом – мед унджык кыліс, унджык аддис да эчаджык сёрнитiс. Вот и кыызыся, синмес велӧда пемыдас. Джеджимын олысьыс морт сё ветымын, и пӧшти ставныс Напалковъяс. Кужӧныс радлыны и шогсьыны, радейтны и ревнуйтны. Тайӧ и выйим – Олӧм!”
