7 лунэ март тэлысе Александр Иванович Коневлы тырас 70 ар
Сяма йӧзэн нималӧ Россия, и ми радэсь, мый микеднум орча олӧныс сэтшӧм бур йӧз. Тон тӧдсасе ӧтік сэтшӧм морткед, шуӧныс сыйӧ Александр Иванович Конев.
Восяхов вӧлэсьтын Лорвож районын уна челядя изьватас семяын Иван Николаевич да Таисья Егоровна Коневъяслэн 7 март лунӧ 1952 во вылын чужис пи Александр. Семъяас вӧлі кӧкъямыс челядь: вит детина да куим ныы. Александр вӧлі коймедӧн. Дёлясянь зэй любитіс кыызыны да ворсны гармошкаэн, кодэс айыс на ньӧблэма председатель колхоза Гнусинлысь. Ыджыджык вокъясыс Николай да Анатолий асьныс велалэмась ворсны гармошканас и воде вылэ и велӧдэмась вокныссэ. Сэтысянь Александр Иванович абу и лэдьлэма сыйӧ инструментсӧ кисьыс.
Кӧкъямыс класс эштӧдэм бӧрын, пыріс велӧдчыны ГПТУ 12 Лабытнанге, но арнас нин сыа муні Салехардэ культпросвет училище. Сэн сыйэ велӧдэмась ворсны баянэн. Баяныс сылы лои мед дона ворсантор воде олӧмас.
В 1972 воын сыа эштӧдэ велӧдчанинсӧ. Петі сэтысь клуб рабэтникен, баянэн ворсысен, веськедлысьӧн самодеятельнэй духовэй оркестрӧн. Сэн жэ сыа и адзис ассьыс ёртсэ, Фаина Ивановнаэс, код пыр орча и керкаас и рэбета вылас. Вед Фаина Ивановна культураын гӧтырыскед тшӧтш рӧбитіс 41 во. Тон кыкнаныс пенсия вылынэсь.
Ныа тшӧтш быдтісныс нёль челядь. Александр Ивановичлэн выйым сизим внук да внучка да ӧтік правнучка. Ставыс зэй бура велэдченыс, вӧдитченыс спортэн, и йӧз костын ныйэ вылэ пуктэныс.
Александр Иванович культураын вощйис рӧбитны 1972 во вылын Овгортса клубын художественнэй руководителен. Во мысьті 1973 воын сыйӧ босьтісныс армия. Служитіс кык во Хакасияын 1975 воӧдз.
Армия бӧрын сыа ас семяыскед воис Восяхов вӧлэсьтӧ и став олӧмсэ сетіс клублы, кэн 1982 воӧдь сыа рӧбитіс художэственнӧй руководителен, а 1982 восянь 2008 воэдь вӧлі веськедлысьӧн.
Рӧбета дырйи Александр Иванович чукартіс бур, топыд коллектив. Сыа пыр сетіс ассьыс опытсэ ёртъяслы рӧбета кузяыс и томъяслы, код вӧльысь только вошйэ рӧбитны. 2008 восянь вӧлі методистэн изьватас фольклор кузя, декабсянь 2011 восянь – концертмейстерэн, а февраль месечсянь 2015 воын вуджэдісныс аккомпаниаторӧн Восяховса клубын, кэн рӧбитэ ӧніэдз.
Александр Иванович 1985 воын лӧседіс изьватас коллектив «Шондыбан» и уна вояс коле вежтэм нуӧдысьӧн. 2005 во вылын коллективыслы вӧлі сетэма ыджыд ним «народнӧй». Коллективыс петкедліс ассьыс сямныссэ да мича сьыланкыыныссӧ и нылы кыкысь сыэ званиесэ сетлісныс 2008 и 2011 воясын. 35 во чэж коллективыс петкедліс нелямынысь унджык кӧнцерт районнас, округас и мукед сценическӧй площадкаясас.
Коллективыс лоис визитнӧй карточкаӧн Лорвож районас, ныэ тӧдэныс и радейтэныс мӧд му Россия пелесьясынс. Коллективыс уна пээ босьтісныс быдчема пӧлэс благодарностьяс, грамотаяс, дипломъяс, из этпыр лоныс Лауреатэн.
Александр Иванович пыртіс ыджыд пай изьватас кыы паськӧдӧмас да видьӧмас, культураас да традицияас войвыса йӧзыслысь челядь костын. 1987 восянь 2004 воӧдз велӧдіс челядьсэ сьыны изьватас кылэн, коллективсэ шуисныс «Зыряночка».
Сидь жэ уна во (1986 – 2005) Александр Иванович вӧлі ворсысьэн эстяк коллективас «Ас хорам нэ».
Александр Иванович пыр олылэ районса гажэдчаниньясын кудь ворсысь. Сыа ачыс гижис сьыланкыыяс изьватас да эстяк кыыясӧн. Сідь жэ Конев А.И. гижис музыка да кыыбур «Восяхово» сьыланкыылы, музыка сьыланкыылы «Чужан йӧз» Чужан Войтыр, к «Выль вося вальс» и «Изьватас йӧз». Бур р«Восяхово», рӧбетаысь сылы сетлісныс уна быдчема пӧлэс наградаяс. Вит во вӧлі Шурышкарскэй район Районной Думаас МО депутатӧн медводз созывас.
Сыа и эні пыр йӧзкед орча. Сытэгъя оз мун ньӧтік мероприятие клубын.
Ми чолӧмалам Александр Ивановичес ыджыд Нимлунэн! Кэсьям дзоньвидза лун, ыджыд шуд, кузь нэм да бур мыкыд.
