Важсянь нин Ыджыд лунсӧ изьватасьяс пасйисныс гажа да бура
Матыссе ыджыд вося праздник Ыджыд лун или Пасха. Кудь и мӧд провославнӧй йӧзыслӧн, медводз тулысса праздникэн вӧлі масленича. Сы пэраас коми вӧлэсьясас гажӧдчисныс 4-5 лунэн. Вошйӧныс четверге да вӧскресеньяӧдь ыджыд видз водьнырас. Быд сиктын сы вежолынас том войтыр ыслаліс йи креж выті, карисныси пӧлысь крежссӧ да ваэн кисьталісныс. Ыслалісныс дадьден кык мортэн. Том войтырыс ныяссэ пидес выланыс пукседасныс да сідь дадьнас ыслӧдлісныс.
Масленича бӧрас локтіс сизим вежолынйа Ыджыд видз. Ыджыд видзӧ изьватасыс водь топта видисныс. Медбэр вежолынӧдьыс никутшэм гӧститӧм и гажӧдчем из вӧ.
Вербнӧй вэскресеньӧыс, Ыджыд лун водьнырас, вичко календар кузя лыдзісныс медча ыджыдӧн праздник коссьыс. Ягысь вайӧма верба ньӧръяссӧ образ дорас пуктісныс, а сы бӧрын лачкисныс сыӧн йӧзссэ и скӧтинасӧ, мед из висьныс. Эсветитэма верба ньӧряссӧ петкедісныс амбарэ, мед берегитіс крышасӧ тӧӧясысь. Челядьясӧ лачкисныс вербанас висьталыгмоз: «Вербаыс лачке, а ог ме. Уусянь тэн вуджйӧн вуджйысьны, выысянь корйӧн паськооны». Лыддьысис сы бӧрын челядьыс кучас бура быдмыны и оз кучы висьны.
Верба вэскресенье бӧас воас страстнэй вежолын, Господь страданньэ вылас.
Выльлунас асы водь коми ныяс ыслолісныс коромысло вылын креж высянь, висьтолыгмоз: «Рӧдичы менам шабді, вӧсньыд да кузь, кудь менам коромыслоэ».
Ыджыд лун кежэ лӧседчиныс ыжда. Четверге (сӧстэм четверг) став керкаса рӧбетасэ старатчисныс карны, мед бура вобыд карсис. Бабаяс мыськисныс керкаясныссэ, мысьласисныс, дзимлясисныс. Шырисныс юрси, гыж. Быд скӧтинаыслысь босьтісныс этша гӧнсӧ, этша гудралісныс да дебисныс муӧ шыас. Сыа лыддьысис, мый став скӧтыс тшэтш и кучас ветлооны, оз янсэдчы. Рытнас ветлісныс пыысянэ. Сыа традицияыс олэ и ӧні.
Воис Ыджыд лун. Войнас суутасныс, пачныссэ ломтасныс и лӧсьэдісныс чӧскыд сёян. Кӧр яйысь карисныс жарко, пӧжасисныс, дась лӧседісныс кӧр кокысь кисель.
Вичкоясас Ыджыд луныс асылас медча ыджыд служба. Вичкоо пытшкесас эстэныс свечкаяс. Став йӧзыс лоозедченыс ёрта ёртныскед. Кор ен мортыс висьталас «Христос воскресе!», ставыс водча висьталэныс «Воистину воскресе!».
Вичко служба бӧрас, сесся ыжда кучасныс гажэдчыны, да пызан сайӧ пуксёооны. Пӧрысьджыкъясыс гӧсти ёрта ёртныс дорӧ ветлӧныс. Том войтыр ворсэныс краситэма колькен да лун быд качальясын качачӧ. Медча славитче сы пӧраыс качальйясӧн. Праздник водьнырас дёнен качальяс каролісныс дёля челядьысь гусен мед ныа кор асыынас сутаасныс радлісныс. Медволь качачисныс челядь, но рытнас нин и том войтыр гажэдчисныс. Сы праздникас медча любитісныс вӧлэн войлыны. Петісныс мича прагитӧма да лентаясэн воччедӧма вӧясныс, мегырас кӧлӧкӧл диньге, додьныссӧ на нойен веччасныс. Том войтыр вӧлӧсьт кузяыс катайтісныс том ныыяссӧ. Дёля челядь тшӧтш ыджыдяскэд гажэдчисныс. Вӧяс серті сідь жэ ныа и кӧра дадьен войлісныс.
Ыджыд лун – важсянь вичкоо праздник, код лыдьдысьӧ сыысь, кор потӧ медвоь дзонь тӧлысьыс и быд во усе разнӧй числоӧ 4 апрельсянь 8 майӧдь. Таво Ыджыд луныс лоо 24 апрель лунӧ. Ыджыд лунӧн тіянтэ дона лыддьысьясӧ. Ми кэсьям ыджыд шуд да бур мыкыд. Дзоньвидза лун!
