Зинаида Лонгортова
Вуншарн Ими Хиӆы уӆ.
Ёшаӆ-кураӆ таӆаңа йис,
Ӆоваӆ-сомаӆ энаммаӆ.
Вой веӆман шушиӆыяӆ,
Каншатман яңхаӆ.
Щиты, щиты щи яңхиӆыяӆ-ёё,
Ар унтыеӆ-уу, хараӆ хащиӆыяӆ-ёё,
Щиты шушиӆытаӆ-уу, шушиӆы-таӆ-уу,
Унтар сохаӆ-ёё хаймаӆ, хаиӆы-маӆ-ёёё,
Каман саңхам-уу, ар ёхана-юю,
Пуңӆан хащиӆытэӆ-ууу,
Щиты маныӆытаӆ-ууу,
Ӆув, таңха, каӆтмаӆ яңхиӆытаӆ-ю-юю
Вояӆ антом уӆтаӆ-ууу,
Щиты шушиӆыяӆ-ююю,
Тумеӆ керас нёӆ, ар ки керас нёӆ,
Няр вешпи-ююю, керас нёӆа-юю,
Тохи ки ёхтыӆымаӆ-ююю,
Тохи маныӆымаӆ-ие-ууу,
Щиты шушиӆымаӆ-ие-ююю,
Ун йиңк овман-ууу,
Ун соям пеӆа-ууу.
Хар соям нёӆаӆ, тайӆ соям унты
Унтар нымаӆ-уу, ай ӆохиеӆан-ее.
Щиты шушиӆытаӆ ныӆа-ие-ю.
Ун шик юхпи унт, соям таяӆан-аа
Щита ныӆа-юю, ныӆа, ныӆа-юю,
Тохи, таяӆа, нох ма ёхтыӆыӆам-ее,
Тохи, хоты, кат тыхаӆ юх пиӆан,
Торӆы ӆаңки хотые ныӆа, хотые-ёё.
Ищипа уӆыӆытаӆ, ищипа.
Там наяң хатаӆ, тови хатаӆ
Шушиӆытаӆ-ёё.
Пуваӆ тэӆан-ууу кашия ювантымаӆ.
Наяӆ-уу ӆоңты питыӆымаӆ.
Тохи ки ёхтыӆымаӆ-ие-ю.
Матты вой ищипа кащаӆыӆом-ёё.
Имоӆтыян тохи щи ёхтыӆымаӆ-ёё
Няр юх юхпи ун юхаӆ-ююю
Щита ныӆа-ёё, ныӆа, ныӆа-ёё
Вана ёхтамтыты питаӆ-ёё,
Няра сахпи-юю, рахи нэ-ююю,
Щита ӆоиӆытаӆ ныӆа-ёё,
Нови ермак понмаң нэ-юю,
Щита ӆоиӆытаӆ ныӆа-ие-ю,
Имоӆтына щиты щи-ие,
Унтар сох-ю, ай нымӆыӆа-ю,
Кентан аӆ катӆыӆӆы сары нох,
Ёшаӆ, кураӆ кентан катӆыӆыӆӆы-ю,
Аяӆта ки-ё, тохи ёхтыӆымаӆ-ю,
Муй вой-ие-ю, катӆыӆыӆэм-о,
Щитэм ки-ие-ю, катӆыӆыӆэм-о,
Ун апаӆан ӆуӆан, муй хорпия, ма,
Рахи сахпи-ё, рахи нэ-э-ю,
Щита ӆоиӆыӆам-ие-ю,
Нёхас вой ки, каӆтам антом-ю,
Понам ермак охшам
Поныӆыям рахи нэ.
Моӆты щиран ӆуӆан ма, ун апаӆан-о,
Щитан апаӆмиӆэм-ие-ю,
Имоӆтыян вана щи ёхтыӆыяӆ-е,
Аяӆта-ё, рахаӆтытаӆ-ее,
Щаӆта щи-о, апаӆмитаӆ-ее,
Апаӆмитаӆ па, ӆыям сумат аңкаӆ
Уӆмаӆ-ие-ю,
Хоӆты еӆмиӆыӆа-ие-ю,
Манэм вантты-ю хоят, еӆта уӆмаӆ-ё.
Мир нях па щи па уӆыӆымаӆ-ю.
Хоты вертыя-ююю, таӆаң тови хатӆ-ю,
наяң хатӆ-ю, патлатыя-ю,
шушиӆымаӆ-ёё.
Нэмоӆты ант па-ёё, мощатымаӆ-ёё.
Еӆма питыӆымаӆ-ю.
Ёӆта юшаӆ, наяӆ ки ӆоңмаӆ юпи-на.
Вой каӆтам хун па ныты-ю,
Ёхи шушамтыяӆ-юю.
Таӆаң тови хатаӆ, шушамтытаӆ-юю.
Мув нараӆ па ат па уйтамтыӆӆы-ю.
Каман ёхан хоӆ питамтытэӆ-ю.
Торӆы па-ё, уйтаӆтыӆӆы-ю.
Тыӆащ новия, хатаӆ-ие-ю.
Турам ар ки ар хусыеӆ-о.
Щиты ӆоиӆытэӆ итэӆ-ие-ю.
Вой хусаӆ ки-ю, щиты нытэӆ-а.
Вой Ошни хусаӆ, уӆтаӆ ки, иса нытаӆ-у.
Ущ хусаӆ ки, иса ӆоиӆытаӆ-ёё.
Аттыя ки-ю, ёхи шушамтытаӆ-ю,
Ӆув уӆтыя, ӆув шошеӆа-ю,
Ат хуват па ёхи маныӆымаӆ-ю.
Щиты маныӆымаӆ-ёё.
Каман соям нёӆ, ар ёханаӆ-ёё,
Араӆ хащиӆымаӆ итаӆ-ёё,
Шик юхпиета, ун ёхмиета-ёё.
Ара хащиӆытаӆ итаӆ-ие-ю,
Каман вошар ёхан ар, ар нёӆыиӆаӆ
Щиты маныӆымаӆ-ёё, шушиӆы-таӆ-юю.
Имоӆтыян ӆув моштантыйӆ
Хотэма ки-ю, вана ёхаттэм ныӆа-ю,
Таӆта ки-ёё шушамтыӆам-ёё,
Каматса нюрам лот хащиӆымаӆ-уу.
Щиты шушиӆытаӆ иты-ёё.
Хота маныӆыяӆ. Иса воӆӆы
Торӆы пеӆантыяӆ-ие-ю,
Хотаӆ, нюки лакман хотаӆа,
Щёӆан хотаӆа, ӆоймаң хотаӆ хо-ща-ю,
Ёхи-я ёхтыӆытаӆ-юю,
Ветаӆ сохаӆ понмаң хотаӆа,
Пелкаӆ хоща ӆув ёхтыӆытаӆ-ю,
Ехи ёхтыӆытаӆ-ю.
Имеӆ ими-я ястыӆытаӆ-яя:
– Щи па-ие-ю, ӆавӆыщимем-ю,
ӆавӆыщимем-ю.
Ат хутӆытаӆ-уу, ванамитаӆ-уу.
Щи па щи яңхиӆымен-у, яң-хиӆымен-у.
– Мув ар араӆ ӆарытымем-юю.
И тахайн-о, ма нумасӆам, рахи най-о,
Ӆоиӆытаӆ-о. Няра вой сахпи нэ, рахи нэ-оо,
Ма ванттэман щита ӆойтаӆ-ёё,
Ёшем-курэм кена ӆойтыӆымем-ё,
Тохи рахиӆымем-ёё.
Апаӆмасэм па-ё,
Ӆыям сумат аңкаӆ уӆмаӆ-ёё.
Щиңанща, ёхи маныӆысам-ёё,
Щиты патлыӆысам-ёё.
Муваӆ хун ант уятӆам ма,
Муваӆ ӆарытман ёхи шушамты- сам-оо.
