Кор ми дзёляöсь вöлiм, силос гэпья гöгöр бура и войлылiм, дзебсясьлiм, воотöм шишкаяссö лыыас сюйлалiм, мед воасныс. Быд во гэпьясыс эчааменыс, а крежыс джуджыдджык лоö.
Таво йиыс,высьталöныс,эддзö мунöма. Гашкö Киеват крежсö зэй из буждöд.
Июнь тöлысьын 1941 воын ваыс зэй ыджыд вöлöма. Видзъяссö,кэн турунсö тöö кежö ытшкисныс, ванас тыртöма. Мед скöтсö спаситны, ыджыдъяс тшöктöмась кедрияссö, став бадьясö креж высьыс кероны да силос гэпъяс коддьыны. Сы гэпъясас бадь, кыдз кор кольтаяс, ва высыыс ытшкöм турэнсö солалiсныс, выытiис сёйöн майтiсныс, муöн сиптiсныс. Сыа зэй сьöкыд рэбита вöлöма. Тööнас гэпъяссьыс керолöмен кыскисныс силоссö,да скöтсö вердiсныс. Неöтiк ни мöс,ни вöö абу тотшкöмась вöйна дырйи. Кудз нö позема лыа креж высис керооны пусö! Тулыснас ва гэпьясыс юас öддьö ыскотöмöн гыдiсныс. öнi ни этiк гöп из коль. Вöлöсть мусö ваыс буждöдiс, керкаяс код ваас усисныс, мукодсö разисныс. Олысь мортъясыс Мыжыö мунiсныс.А кедриясыс ваö пöдöныс.
Да, вöйна пöраын силос гэпъясыс скöтсö спаситiсныс,а öнi менам сьöлöм шöр вöлöсьтö тыртöмсьö. Мен öнöдз на вöт вылö кедрина мича вöлöсьтö волылö…
Нина Егерь.
