Мыжыын олысь Нина Павловна Чупрова пасйис гӧгрӧс пас – 85 ар
Нина Павловна рэдитчӧма Шырышкарын апрель 7 лунӧ, но гижӧдӧмась бусьтӧ дасӧд лунӧ. Сыдз и пасйӧ апрель 10 лунӧ гижӧма моз, но оз гӧгӧрво мыля нӧ сыдз артмис. Нина Павловналӧн айыс, Павел Семёнович Конев, вӧлӧма Азовысь, а мамыс, Татьяна Андреевна, Мыжыысь. Кор Ниналы вӧлӧма кык ар бырӧма айыс, колемась сылӧн вит челядь. Витӧд челядьыс на кык лун мысти айыс бырӧм бӧрын рэдитчӧма, а ыджыд Володя вокыслы вӧлӧма окмыс ар. Сьӧкыд кадъяс Коневъяслӧн сы вояссӧ вӧлӧмась. Татьяна Андреевна санитаркаӧн больничаын рэбитӧма, челядьяс ортсасьӧмась кудз вермӧмась. «Санитаркаӧн рэбитi. Ставсӧ асьнум карим: пес пилитiм, нёль пач ломтiм, васӧ катлiм. Мамелы колiс ортсооны, мыйкӧ сёйны колiс, сэк вед кутшӧм олӧм вӧлi. Школа бӧрын, гожӧмнас рыбзаводын со выгружайтiм да камераяссӧ заряжайтiм йиӧн, черия ящикъяссӧ тэчим. Сыдз зарабатывайтiм копейка. Всякӧя олiм, быдмим тай», – казьтылӧ миян нимлунасьысь.
Дмитрий Аристархович, вересыс, велӧдчис клубын заведующӧй вылӧ, а Нина Павловна мӧдӧма библиотекарь вылӧ велӧдчыны. «Сыа воис практика вылӧ Шурышкарӧ, а олiс туй вомӧн вокӧ дорын. Вот ми и аддзысим да ӧтлаасим» – юксьӧ Нина Павловна. 60 воӧ воӧмась Дмитрий вересыскӧд ооны Мыжыӧ. Нелямын куим во олiсныс ӧтлаӧн. Керкасӧ карӧмась асьныс, мича местӧын, кытӧн ӧшиньсянь тыдалӧ Обь ю.
Рэдитчис Чупровъяслӧн нёль детина. Дзоля пиныс висьӧма и олiс куш дас месяч. Медыджыд пи – Леонид. Сыа Афган тышса ветеран, капитан, ӧнi ортсасьӧ мамыслы и олӧныс ӧтлаӧн. Кудз мам терпитiс тайӧ кадсӧ юалӧм бӧрын, Нина Павловна чӧлалiс, синва петны кучис. Нӧшта иг вӧрзьӧдлӧ тайӧ темасӧ. Ставыслы гӧгӧрвоана, мый татшӧм виччысьӧмсӧ никодлы он кӧсйи и Нина Павловна зэй вына и топыд морт.
Анатолий, шӧркос пиыс, олӧ и рэбитӧ Мыжыӧн жӧ. Володя пиыс олiс Мыжыын жӧ, ыджыд семья, но некымын во сайын из ло.
«Мыжыын пыри рэбитны Рыбкопӧ – пекарьӧн. Квайт во сэтӧн рэбитi. Нянь, булочки пэжалiм, луннас 500 выытi. Весиг сы пачас чери кӧптитiм. Сэсся книжнӧй лавкаӧ вуджи, дас нёль во сэн техничкаӧн рэбитi. Менам челядьӧ висис и сыйӧн витӧд лавкаӧ да сэн пенсияӧдз и рэбитi. Матушкаӧ, Прасковья Леонтьевна, висис и сыйӧн 50 ар тырис и миме и мунi пенсия вылӧ. Ме иг вермы сыйӧ кольны, сыа олӧм чӧж менум медбур ортсасьысьӧн вӧлi. Корм е рэбита вылын вӧлi сыа керкаын ставсӧ карис – пуас, пӧжалас, мыськас, челядьясӧс сыа и быдталiс. Сэсся нук-нучкаяссӧ рэдитчисныс, ныкӧд няньчитчи. Сыдз и олӧмӧ менам мунi», – карис татшӧм кыыкӧртӧд миян ёрт.
Нук-нучкаясыс оз вунӧдныс бабнысӧ и радпырысь волӧныс гӧсьти и ортсасьны радейтана бабыслы. «Менам нёль нучка – Лена, Вика, Галя да Кристина. Куим нук – Дима, Сергей, Женя, Дима. Нёль правнук – Аристарх, Гриша, Трофим да Славик. Куим правнучка – Делия, Регина да дзоля Сашук. Ме зэй озыр баб. Пыр локтӧныс ме дорам и ортсасьӧныс, кор Лёня оз вермы. Ачум кык во нин никыче иг петолы» – юксьӧ радпырысь миян ёрт.
Быд во огород июньын пуксьӧдӧныс, а сентяб вылын урожайсӧ куленыс. Ӧнi оз сетныс гажтӧмооны Нина Павловналы кык каньмыс: Маша да Атос.
«Ме зэй любитi кыйны. Менӧ матушкаӧ платтьӧ вурны велӧдiс, да наметъясӧна чум и вуралi аслум», – юксьӧ Нина Павловна.
Любитӧ лыддьыны газет, чукартӧ став гижӧдторъяссӧ рӧдыс помлась да тэчӧ ӧтлаӧ. Пызан вылын пыр куйлӧ ӧчки да ыджыд лупа.
Олӧмас гежда кытчӧгӧ ветлӧма мӧд муясӧ, казьтылӧ, мый кык по ветлӧмась Лёня пиыс дорӧ Украинаӧ – ӧтпыр кӧлысь вылас, мӧд
Нина Павловналӧн челядьыс из воштыныс мам кыы. «Володя бура сёрнитiс и Толя бура сёрнитӧ. Лёня сёрнитӧ жӧ, но кутшӧмкӧ кыыяс мунӧмась, сыа вед кызь во из керкаын олiс» – шуӧ миян ёрт.
Нина Павловна быд праздник пасйӧ и ставныссӧ тӧдӧ. «Троица бӧрын, мӧдасы лунас Дух лун. Кутшӧм поводдяыс сы лунас, сэтшӧм и гожӧмыс лоас. Луныс кӧ тӧла – нелямын тӧла ло. Оз быд лун, а быд вежолун либӧ дас лн мысьти. Менам бабӧ, айӧлӧн мамыс, пыр висьталiс, – дзоля нучкаӧ, мед жаль нучкаӧ, ой, тэ вед сьӧкыд зэй олӧм кучан ооны. – Бабӧ, мыля? – Тэ вед благовещенье лунӧ рэдитчин. Сы лунас бур ныы кӧса оз кый, а бур птица поз оз кар. А кукушка карис и отторйӧ и бӧрдӧ, мыля оз вермы ассьыс челядьсӧ быдтыны. Сэчем примета», – шуис Нина Павловна.
Гашкӧ и выйим быд приметаяс, но ми эскам, мый Нина Павловналӧно лӧмын лоас нӧшта унджык радлун да шудлун. Крепыд дзоньидзалун, дона Нина Павловна.
