Воспитательяслэн да челядь садса рэбетникьяслэн – профессиональный праздник Российскей Федерацияын
Журналистьяс пасъеныс, мый школаэдз челядьсэ велэдысьясэс колэ кыпедны сидзже кудз и школа. И РФ президент Владимир Путин йӧзэдiс колана указ. Россияса Федерация Правительстве тшӧктэм кузя апреля 18 лунсэ 2016 во №703-р тайэ праздникыс пуктэма государствеэн, сыа «ортсалас кыпедны воспитательяслысь рӧбетасэ и мӧд садса специалистьяслысь, политика государственнэй политика серти и социальнэй институт кыпедыгас». Праздникыс лыдзысе сентябрь 27 лун 2004 восянь.
Этiя выль праздник и петi сыа педагогьяслэн гижэдьяс кузя. Журналистьяс юасисныс йӧзыскед, код кузя тӧдмалiсныс, мый велэдысьлэн профессияыс зэй колана. Вед челядь садыс – сыа медводз кок туй мортлэн олӧмас. И кыпедны воспитательяссэ зэй колэ.
Могыс праздникыслэн – дзоньнас ортсоны челядь садьяслы и дзоля челядьыслы школаэдз.
Праздникыс быдмис кудз общественнэй, йӧзкосса, аслыспӧлэс. Воде сентябрь 27 луныс пасйысьны кучис быдлаын Россияса регионьясас. И энi тайэ лунсэ празднуйтэныс кудз «День воспитателя и всех дошкольных работников» официальнэя.
Воспитательлы луныс – сыа нималана лун, кудз челядь быдтэмысь нинэм бурджык абу. И эта луныслэн выйым аслас олӧм. Визьлам кудз воссис садьясыс.
«Челядь сад» нимыс вӧлi босьтэма немец кылысь. Медводз челядь садыс вӧлi восьтэма 1837 во вылын. Восьтэма немец велэдысь Фридрих Вильгельм Август Фрёбель Бад-Бланкенбург карын.
Россияын воссис медводз Санкт-Петербургын сентябрь 27 лунэ 1863 во вылас. Восьтэма мужикыскед тшӧтш Аделаида Семеновна Симонович. Сы керка ветлӧмась 3-8 арӧса челядь. «Сад» программаас вэлэма уна ворсэмъяс, конструирование и даже Чужанин велэдан курс. Но Симоновичлы кажитчема сыа этша, и сыа восьтэма специальный журнал «Детский сад».
Вот кытысь петi празднованиен лун – 27 сентября – сы лунас 1863 воӧ
Петербургын Васильевскей островас вӧлэма восьтэма медводз Россияын челядь сад. Сёрджык воссемась садьяс Москваын, Воронежын, Николаевын и мӧд каръясас. Быд садыслэн олӧмыс вӧлi аслыспӧлэс. Тавыс вӧлэмась частнэйен. Эта йӧзыс вынэн и тон на выйым челядь садьяс, гашке сэтшэм профессия из вӧ не ке ныа. Только 1900 воас министерство народного просвещения кучема мынтыны дёля челядькед вӧдитчемас.
Сидз миян странаын школаэдз образованиеыс кыптi ньӧж. Медводз озырьяс лыдземась мый асьныс видясныс челядьныссэ. А сьӧмтэмыслэн и семыс абу вӧлэма. И только революция 1917 во бӧрас восисныс челядь садьяс, кодэс мынтэ государстве.
Садас босьтiсныс 3-сянь – 5-арэдз. Велэдiсныс вурсьыны, сёрнитны,и асьныссэ видзны.
Шурышкарскей районын челядь садьяс воссисныс 1960-эд воясас. Вот босьтам, Горкаын «Северяночка» садыс воссис 60-эд воясас XX нэм вылас. Сэк ясли-садыс пырис совхозас и вӧлi дзоля пача керкаын.
Дзоля челядьыс ветлiсныс тавыс этiк группа. Рабитiс садыс 8.00 до 16.00.
Веськедлыысен вӧлi Собянина Ульяна Захаровна, воспитателен Гальстер Галина Яковлевна, а нянечкаэн Заворочева Таисья Андреевна. 1966 во помас карисныс выль сад улэ керка 2 группа тыр, и февраль 1967 воас сыа воссис.
Том веськедлысь Елизавета Петровна Ануфриевакед йӧзыс боссисныс карны став рӧбетасэ. Ас кинаныс воччедiсныс быд пелессэ выль керкаыслысь.
Сы пӧраас сэн рӧбитiсныс: воспитательяс Витязева Октябрина Тимофеевна, Низовских Тамара Аркадьевна, Захаркина Наталья Петровна; медицинскей сестраяс Шестакова (Шибова) Надежда Михайловна; пусьысьяс Ложкина Наталья Васильевна, Киселёва Мария Александровна; нянечкаяс Конева Мария Ефимовна, Тоярова Евлампия Георгиевна, Малькова Надежда Яковлевна, Синицина (Фризоргер) Нина Николаевна; паськемсэ мыськис Копылова Таисья Александровна.
Чукарэн сёрнитэм бӧрас челядь садыслы пуктэмась ним «Северяночка».
Воысь во сэтчэ локтэныс том, квалификация босьтэма йӧз. Выль олӧмен кучис садыс ооны 1990 во вылас нин, кор челядь саднас веськедлысен лойи Саенко Тамара Фёдоровна. Сентябрь 2007 во вылас вежис сыйе бараже том, збой Зайцева Светлана Викторовна.
Январ 2016 воас реорганизация дырья «Северяночкаыс» этласис «Ёлочка» челядь садыскед. Сы воас же восьтiсныс выль кык сутта изйысь карэма выль челядь сад.
Сыа и тон олэ бур топыд, гажа олӧмен.
Мыжыас «Алёнушка» челядь садыс босьтiс медводз челядьсэ нояб 1968 воӧ, сэк сэтчэ пырэмась 70-ысь выытi челядь, босьтэмась и 2 месеча челядьсэ.
«Оленёнок» садыс воссис 1965 во, а «Буратино» садыс медводз быдмысьяссэ босьтiс 1 апреле 1951 воӧ.
60-эд воясас Восяхово вӧлэсьтын восис медводз ясли. Кэн ветлiс, 30 челядь школьнэй больнича бердса керкаас.
1967 воас карисныс челядь сад «Колобок» 25 местэ вылэ, но нолэдлiсныс 45 челядь. Веськедлысен вӧлi Свалова Степанида Ивановна.
Декабрь 1981 воӧ петiныс выль челядь садэ 50 местэ вылэ. Дыр сыйен веськедлiс. Шахова Лидия Павловна. Ноябрь 1997 восянь веськедлэ МДОУ – нас Шашкова Мария Прокопьевна.
Школаэдз арлыдыс – медча важнэй пэра челядьлэн олӧмас. Сэк мортыс быдме и мый велалэ, кутшэм ло здоровьеыс сiдз и ло водзе. Бур челядь олӧмыс и уна тыдалэ кутшэм вӧлi воспитательяс, сы тӧдэмлунэн да терпенеэн. Сыа велӧдэ тӧдмооны олӧмсэ, видзны и радейтны чужанинсэ.
Сентябрь 27 лунэ чолэмалэныс оз куш воспитательяссэ, но и тав уджалысьсэ дошкольнэй образованесьыс. Ныысь тыдалэ кутшэм быдмас челядьыс.
Ми сьӧлэмсяньнум чолэмалам тав школаэдз велэдысьсэ ны профессиональнэй праздникен. Кӧсъям мед вӧлiныс дзоньвидзаэсь, ыджыд терпеньне и став бурсэ абу кокни рӧбетаын.
МЕНАМ МЕДВОДДЗА АР
Лысва войт пытшкын олӧ дзар.
Мыччы китӧ — сэсь ӧвтӧ лӧньӧн.
Тайӧ менам медводдза ар —
Гӧрдов пу, зарни рӧма вӧня.
Дӧла вӧртасӧй талун виж,
Посни кодзула зэрысь ойдӧ!
Кывтӧ-лайкъялӧ эзысь пыж,
Быттьӧ менам медводдза мойдын.
Ананий Размыслов.
* * *
Ыбкай ланьтӧ сёртас улын,
Джыдж бӧр кольӧ позсӧ.
Сьӧкыд кутны пелысь пулы
Банйӧм коръя розсӧ.
Енэж кисьтӧ рӧмыд югӧр,
Югӧрыс век чинӧ.
Дыша лэбзьӧ дзодзӧг чукӧр,
Кӧть и шоныдінӧ.
Елена Афанасьева.
АР ПОМ
Арыслысь синвасӧ
Надзӧник чукӧрта соддзӧ —
Войт бӧрся войт.
ӧтнадӧн тӧдан тэ, мый лоӧ олӧмас водзӧ,
Пыдӧстӧм вой.
Арыслысь кывбурсӧ
Сьӧлӧмӧй паметяс видзас —
Кыв бӧрся кыв.
Мыйкӧ ӧд вӧлі жӧ шуда, и югыд, и мича,
Кытчӧдз эз быр.
Кытчӧдз став зарниыс
Муас эз гылав —
Кор бӧрся кор.
Позис на бергӧдны ставсӧ, тэ кылан?
Эз кӧ вӧв сёр.
Алёна Ельцова.
