14 лунӧ сентяб месече Геннадий Иванович да Раиса Николаевна Вокуевьяс пасйисныс 55 во кудз этлаын олӧныс
Вӧлэсьса олысьыслы гозьяыс зэй тӧдсаэсь.
Геннадий Иванович медбӧр пӧраас рэбитiс бэрйӧм комиссияас веськедлысен. Пыр сыа йӧз син улын. Кыпедчис жэ сыа ас вынэн. Вэд чужис и быдмис дзоля Васяхов вӧлэсьтын. Армияэдз рӧбитiс школаас лаборантэн, воспитателен. А этпыр вӧлэсьтас ыстэмась том лӧсьыд акушерка. Сы пӧраас Васяховас клубын пыр вечерьяс вӧлэмась, кытчэ том войтыр быд суббета ветлэмась йӧктыны. Сэн томьяс и тӧдсасемась.
Кудзь жэ нылыс сюри Войвылэ? Раиса Николаевна чужис и быдмис Московскей обласьтын дёля сиктын Средняя Городня 1946 во вылас. Школа помалэм бӧрын пырис велэдчыны медицинскей училище Серпухов карэ окушеркаэ. 1965 во вылас училищесэ эштэдӧма. Этiкла воӧмась оз ко акушерка, мӧдла. Этша Балашихаын рӧбитэма медсестраэн. Корке тӧдмалэмась, мый колэныс Войвылас акушеркаяс. Салехардын мед ыджыд врачыс миме босьтэма Лорвож районэ. Бӧрвы на Лабытнанге корэмась, но судьбаыс вайӧдэма сыйе рӧбитны Васяхове окушеркаэн. Кодэн и мӧдэма пыр рӧбитны. Медводз, тӧднин, вӧлэма зэй сьӧкыд. Окмыс тӧлысь рӧбитэма сэн. Васяховас олӧма фапас. Сы пӧраас на телефоньяс абу вӧлэмась, куш рация. Йӧзыс вӧлэмась зэй бурэсь, воасныс, кыызасныс, нетпыр вотча оз сёрнитныс, энi на касьтылэ Раиса Николаевна. Висьысьяс дорэ пыр ветлэма, организациияяс кузя ветлэма. Зэй лэсялэма сэн рэбитны. Мукеддыръя коомема аслыс спасайтны висьысьсэ. Вед орча тэдысь бурдэдысь никод абу. И тӧдэма никод, он ке тэ.
Сентяб вылас воӧэма катер и вынэн нуӧдэмась Мыжыэ. Стационарас никодлы рэбитны.
Детинасэ босьтэмась армия, нылыс кык во витчема. Сы бӧрын этласемась. Мыжыас Геннадий Иванович рыбкоопын рэбитэма, киносеть веськедлысен, райком партияын, партийнэй секретарьын, народнэй контроляс. Кытче ыстас партия сэтчэ и мунэ.
Раиса Николаевналы же пиыс рӧдитчем бӧрын стационарсьыс вуджис поликлиника. Дзоля челяден войя рэбетанас никудз. Сы пӧраас и вересыс велэдчис институтын. Челядьсэ никодкед кольны. Геннадий Ивановичес инститтут эштэдэм бэрас военнэй прокуратора корэмась да абу мунэма.
Раиса Николаевналы 2005 воэдз рэбитiс Мыжы больничаас, сэсся петi пенсияэ вылэ. Геннадий Иванович бараже пенсия вылын. Водь пыр сыа ветлiс вӧрэ, чери кыйис. Только медбӧр вояссэ кучис здоровьеыс бырны. Но пыр на гозъен вӧдитэныс огород, керка дораныс парникас быдтэныс огуреч, помидор да быдчема пэлӧс вотыс. Катыдэ нин оз ветлыныс, вед никод нин из коль сыласдорас рӧдсьыс. Сiдз и олӧныс гозъен. Ныыныс Тюмене кольчис, пиныс семьянас ас вӧлэсьтын. Выйым внучка и правнучка.
Ми тав сьӧлэмсяньнум чолэмалам тiянтэ эта ыджыд паснас. Кӧсъям топыд дзоньвидзалун. Мед олӧмныд тiян лоӧ кузь да югыд, мед сьӧлэмныдтэ оз дойд никутшэм шог.
