Щимащ нэмпи конкурс Ямал мувев ӆоватн верӆа
Меет оӆаң щимащ конкурс туняӆ верыӆыса. Ямал мувевн уӆты шоши шимӆаң мур рут хоятат ӆув ясаңӆаӆн потарсат па щит видеороликата понтсат. Туняӆ ветьяң-кем заявка конкурса ёхтыӆыяс. Щи эӆты хус вет видеоролик верам хоятат нох питсат па мойӆапсаятн мойӆасаят.
Тампуш щимащ конкурс па верӆа. Ллудв, ванты, еӆӆы питты яң таӆ – Международное десятилетие языков коренных народов кеша юкантӆа. Хой кум шитаӆ, веритаӆ па нумас тайӆ ханты ясаңна видеороликат верат. Щи конкурс 2 этап таяӆ: оӆаң – 20-мет хатӆ Аснопатты тыӆащ эӆты па 20-мет хатӆ Уйтӆор тыӆащ унты. Ӆэщатам видеоролик мосаӆ киттыя электронный почта хоща – rodnye.yazyki@yandex.ru. Кимет этап – щит голосование щирн пирыӆа 1-мет хатӆ Унтӆор тыӆащ унты. Щаӆта Унтӆор тыӆащ 9-мет хатаӆн, хун Шимӆаң мур рут емаң хатӆ поснтаты питӆа, щи порана щи видеороликат кина хуват, Ямал-медиа хуват этаӆтаӆаят па ястаӆа хой ямашк туңа-щира ӆэщатымаӆ.
Видеоролик верман мосаӆ ханты сох ӆуматты па ханты ясаңн потарты. Щи тумпина нэпекат ӆэщатты: заявка па согласие на обработку персональных данных ханшты па электронный почта хуват китты. Ямашк ӆуңатты па муй мосаӆ верты рахаӆ интернет хуват каншты положение о конкурсе видеороликов «Мы говорим на родном языке».
Рут ясңев аӆ ёрэматы па еӆӆы туваты. Щимащ конкурсатн мохты ныӆа хоты муң ясңев хоятӆув уйтӆэӆ. Хой ант хошӆ, вевтамашк потарӆ, утаӆтаӆн, уншак хоят эӆты инщасаӆн. Ясңев шавиты мосаӆ. Ин яӆап пораян каман хорпи нётап шимӆаң рут мур ясңат пеӆа уӆ. Туп кашң хоятэвн ясңев-ки шавиты питӆа ӆув еӆӆы уӆты питаӆ!
