Шоши ханты семьяев Ямал мувев эԓты «Всероссийский семейный форума «Родные – Любимые» хоща китса
Щи форум Международный выставка «Россия» щирн ԓэщатса. Ԓув ВДНХ хоща вантапса харат ԓарпая верам. Па щи форум Семьяят таԓ (Год семьи) пуншаԓ.
Ямал мувев эԓты семья Пырысеват тохи китсаят. Раиса Романовна ийкеԓ Виктор Николаевич пиԓна няԓ няврэм вещката па ошаӈа энмаԓсаӈан. Ԓув пиԓаԓн Москвая матсат: эвеԓ – Дарья, хиԓэԓ – Мирослав, нэ апщиԓаԓ – Наталья па Татьяна, яйԓ – Герман, па ху апщеԓ – Алексей.
Раиса Романовна ийкеԓ пиԓна няврэмԓаԓ иса ханты уԓапсая утаԓтаԓԓаԓ, ханты ясаӈна потарԓат, емаӈ хатԓата яӈхԓат па щи эԓты иса няврэмԓаԓа альԓат. Округев ԓоватан камн-хорпи фестивалятн арыԓат па якԓат. Туняԓ Россия хон мувев кущаян медаль ордена «Родительская слава» мойԓасаят. Щи еԓпи па ԓув «Материнская слава Ямала» нэмн юкантса.
Москва вошн ԓув этаԓтыԓат муй хорпи эпԓаӈ ԓэтотат ԓув хошԓат каварты, этаԓтаԓат хорам ханты сохат, ариты па якты ԓойԓыԓат па викторинаян юращты питԓат кимет семьяят пиԓан. Ат ԓув Ямал мув семьяят Россия хон мувев ԓоватан яма этаԓтыԓат.
