Тамара Пырысева
Хуӆ веӆты ёх хатаӆна
Емаң хатаӆ верӆув.
Нын кешайн муң тата
Ариӆув па якӆув.
Хуӆ веӆты ёх емаң хатӆа
Муң щи нэман ёхтыӆымев.
Каш вертыя, щутчатыя
Аканьӆамна арэмитэв.
Ун опращӆан уӆам куртна
Ям щи, тата уӆӆаты па.
Хуӆ веӆты ёх Аканьӆамна
Хуӆӆан морта веӆаты па.
Нын там хатаӆ куща ёхна
Хуӆ веӆты ёх хатаӆна па
Ястаӆайты ям ясаңна
Мойӆапсайна мойӆасайты.
Таӆта еӆӆы хуӆ па веӆат
Планӆан морта тэкаптаты
Еӆӆы пеӆа тумтак уӆат
Тэӆан пасан па шитаты!
Хуӆ веӆты ёх тумтака
Еӆӆы ӆув ат уӆӆат,
Ӆор патыӆаӆ тэӆыя
Хуӆна ат ӆоңӆайт!
