Таӆаң няӆ хатаӆ округев ӆоват эӆты хоятат кассат
Ямал мувев ӆоватн кашң районан па куртан няврэмат, энамты ёх па ун хоятат овас мув касапсайна ёнтӆат. Овас мув касапса – щит 5 касты щир: хуӆам-пуш наварматы хой хувашк, ядапча пиӆн хухаӆты хуӆам километра, тынщаң па ӆаям еваӆты па ухаӆ шоппи наварты.
Щиты кашң таӆ хоятат йи лотан ияха уйтантыӆат па ӆув кутӆаӆн юращӆат па вантӆат хой меет юраңшак. Тампуш муң Ӆорвош районэв эӆты энамты ёх ищи яңхсат па ӆувеӆаӆ яма этаӆтысӆаӆ. Округев ӆоватн ӆув арпуш нох питыӆысат. Ксения Пугурчина хуӆмет места шитас: ӆув ухаӆ шоппи меет ар-пуш наврас, ядапча пиӆн хухаӆман кимет места шитмаӆ па ӆаям еваӆман хуӆмета питмаӆ. Алена Артеева тыңщаң меет яма еваӆмаӆ. Константин Нензелов па Карина Шарипова меет хувашк ӆаям вощкимеӆ. Максим Ивочкин меет хувашк хуӆам-пуш навармамаӆ.
Няврэмат окружная спортивная школа по северному многоборью хоща утаӆтаты яңхӆат. Щита ӆув касты утаӆтаӆаят. Щи ашкула тампуш няӆъяң таӆ поснтаӆ. Россия хон мувев ӆоват Ямал эӆты меет юраң касты хоятат уӆӆат!
Туняӆ муң Ӆорвош районэв эӆты уӆты Мария Артёмовна Куртямова Россия хон мувев эӆты меет юраң нэңа питас, кашаң касты лотан ӆув нох питас. Тампуш па ӆув меет юураң. Ищиты еӆӆы пеӆа!
