Курк тыӆащ соханты 25-26 мет хатӆатн Надым вошн округев ӆоват ун вуӆэң ёх емаң хатӆ верыӆыса. Ӆорвош районэв эӆты ищи хоятӆув яңхиӆысат. Ольга па Артем Куртямоват семьяяӆ пиӆн «Кочевая семья-2023» нэмпи касапсаян ӆувеӆаӆ этаӆтысӆаӆ.
Семьяяӆ эӆты няврэмӆаӆ иса яңхсат, туп ун похаӆ ант яңхас. Ар-сыр номинацияятн ӆув хошты верӆаӆ этаӆтысӆаӆ:
– «Семья – волшебный символ жизни» (визитная карточка);
– «Ямал – земля великих мудрецов» (моньщат моньщсат);
– «Национальная кукла, игрушка» (этаӆтысат хоты ёнтотат верты хошӆат).
Щи тумпина ӆуӆв хорамаңа ёнтам па верам сохӆаӆ па пормасӆаӆ этаӆтысӆаӆ. Меет хорамаңа ӆэщатмеӆ нэңат ухӆэӆ. Кашң хоят уратас ӆув пиӆэӆн хорам хор верты.
Щиты Куртямоват семья округ ӆоватан нох питсат. Оӆаң места шитсат. Щит шеек ям, мохты ныӆа муй хорпи тус хоятат муң Ӆорвош районэвн уӆӆат.
